VI

 

                 Egun batez,

                 ardi bat bezala,

                 joera bakar

                      eta

                 itsu batean

                 bideratu nindutelako,

                             horregatik agian...

                 Egun batez

                 nire azkatasun hegalak

                 ebaki zizkidatela

                 konturatu nintzelako,

                             horregatik agian...

                 Egun batez

                 ostadar batetik

                 kolore desberdinezko

                 zazpi arku

                 bereizten

                 ikasi nuelako,

                             horregatik agian...,

                 jasakaitz eta aspergarri

                 egiten zaizkit

                 kolore bateko bideak.

Hamaika bide hasiak;

          hamaika bider hautsiak,

                    beste

      hamaika

                     bide

                             berri

                     hasteko...

Azkatasunaren izenean

ni naiz

     nire bizitzaren lemazaina.

Horrela,

munduan zehar

     galdurik dabilen

          erromesa naiz...

Mundua nire aberria delako

     muga bakarra

          jarriko diot

          bizitzari:

               Maitasunaren

                    muga gabeko muga...

Iluna da bizitza,

          bainan

               edozein

                    gizonen bizitza

                         alperrikakoa ez dela

                              dakidalako...,

aurrera jarraituko dut,

     esperantzaz,

          nire bide gabeko bidean...