IX

 

Euskal Herri:

Nire joan etorrietan

beti amesten zaitut.

Nik ez dakit,

noizbait,

toki batean finkatzeak

ez ote nauen itoko.

“Zure ama lurrak

luzatuko dizu eskua...”

esan zidan haize txistuak.

(Ni baino eskuzabalago bait da ama lurra)

Hala ere,

             zugan finkatzen banaiz,

             edo-ta ez banaiz inun finkatzen,

             nola edo hala,

nire barruan eraman nahi zaitut.

             Herri gaixoa,

                        sakabanatua,

                        erremediorik gabea

                                              zarela

                                              diote.

Bainan

       zenbait herritan

              mirariak

                     egiten diren bezala,

nik ere espero dut

Euskal Herrian

miraria eginen dela.

               Orduan

               H mutuak,

               nahaspiletatik urrun,

               bere dei isilari

               jarraituaz

          B                       B

          A                       E

          T                       S

          Z  uztartuko ditu  T

          U                       E

          T                       A

          A                       K

                eta

                         denek bat eginen dute,

                Euskal Herri

                bakar baten

                         izenean.