VII

 

             Beti esan didazu

                 ero bat naizela

                      eta

                           ez naizela finkatzen.

             Eta ez zaizu sekula bururatu

                            bizi naizelako

             edo-ta

                   ene bihotz taupada bakoitza

                        sentitu nahi dudalako

                               dela hori...

             Izan ere

                 kontraesanek

                      iruten duten

                           sarean

                               harrapaturik gaude.

 

Bainan piskanaka bi zutabe hauen gainetik gizonak

zubi bat eraikiko du...

 

Injustizi                                                             Justizi

Gorroto                                                           Maitasun

 Heriotz                             eta                           Bizitze

  Nahia                                                              Ezina

Mugatua                                                          Infinitoa

                 H                                              A

                              U                     S

                                          T

 

     Zubi bukaeran,

          injustizia,

              gorrotoa,

                   heriotza,

                       nahia

eta mugatua...

                        Gure HUTSA gainditua izanen

                                        eta saretik libratuak.

            Zubi zaila,

            zubi gogorra.

Atzoko,

            gaurko eta

                              biharko

gizonen lan eta borrokaz

mantenduko              den

               zubia.

       Gaurko borrokan

(atzokoan eta biharkoan bezala)

        denok

                  denon laguntza beharko dugu:

                     Nik zurea

                        eta

                     zuk ero honena...

        Bainan zubi amaieran

              denok elkartuko bagara ere,

                     zubia ez da estatikoa,

                     ezta bakarra ere...

                           Beti era-berrituaz,

                           batzuek gorriz,

                           besteek beltzez

                           margotuko dute...

                           Batzu ertz batetik

                                    hasiko dira,

                                           besteak bestetik...

Nik behintzat,        gau eta egun,

                               bustia eta lehorra,

                               mendi eta haran,

                               ur eta ardo              maite ditudalako,

                       nire ezin egonean,

                       egun batean

punta honetan,

                        eta hurrengoan,

                        urruti,

                                                   beste hartan

                                                   mugituko naiz.

(Ero bat bezala nahi baduzu...)

          okerturik dagoen

               zubi batetik

                      abia beharra dut...

          Eta ez zaitezela harri:

                  Izan ere

                  ez dakizu

                  nire amak

                  udazkeneko              u

                                             s    b

                                          t         a

                  g   u              i                t

                     a    t       o                     e

                             r  m                           a

                              u                                n

                  ekarri ninduela

                            mundu honetara.