V

 

         — Maitasuna,

                      noiz zure eguna? —

              Maitasun bila,

                      haize-kolpetaz,

                      itsas-uhinetaz,

                      izar-distiretaz,

              eta batez ere,

                      gizonen hutsunetaz

                            elikatzen den gizona

                                   naiz ni.

              Bainan hutsune horietako batean,

              nik ongi dakit,

                      noizbait,

              zure azala eta nerea,

                      gorputz bakar baten azala

                            eginen direla.

Hutsa,

    bai.

        Hala ere,

            huts eta su

                Ludi erdian elkartzen direlako,

                    gure hutsean

                        finkatuko den

                            maitasun gaztelua

                                ongi oinarritutako

                                    gaztelua

                                        izanen da,

                eta ez du haizeak botako.

                Antsiaz,

                     nire besoak,

                     ene gorputz osoa

                     zure hutsaren kontra

                          hestutu nahi nuke...

                          — Maitasuna,

                                    noiz zure eguna? —

                     Aingeru bat etorri zait:

                          — Egizu loa —.

                     Orduan,

                     gure azal batu hortatik

                          zure irriparrak,

                          zure negarrak,

                          zu oso-osorik

                                    izerdituko zintuzket...

                     Horrelaxe,

                          zu eta ni,

                          ni eta zu,

                             azkenik,

                                benetan bat izanen gara...

                     Bitartean,

                     bakarrik.

                          — Maitasuna,

                                 noiz zure eguna? —.

                     — Egizu loa —.

                          Lo eginen dut.

                               bai,

                          bainan esnatuko naizenean

                          gure maitasunak

      Ludi-erditik hasita,

                                        haize-kolpeak,

                                        itsas-uhinak,

                                        izar-distirak,

              eta batez ere,

                    gizonen hutsuneak

                          besarkatuko ditu.