|
Bizitza pilpirak ZU IGURIKATZEAZ... Gau eta egun Igurikatu izan dut Noiz agertuko zinen Itsasoko lanbroetatik ateraia Noiz etorriko zinen Hatsantua eta izerditan Noiz hautemanen nuen Etxegibeleko bideskan Zure urratsaren ots zalua ... Hainbeste gauza Banizun errateko Hainbeste asmo eta xede Banizun aipatzeko Hainbeste sentimendu bero Banizun bizitzeko ... Eta beharba Bizitzaren bide puskila bat Elkarrekin eramanen genuela Mendia eta itsasoa Gugan behatuko eta miretsiko genituela Eguzkia eta ilargia Gugan juntatuko eta gozatuko genituela Gaua eta eguna Gugan menderatuko eta luzatuko genituela ... Ainitzetan uste izan dizit Baina zu igurikatzeaz Gutiziak oro Pirka-pirka Desegin Zaizkit Itsasotik lanbroa hedatzean! Gauaren eta egunaren Une luze aspergarriak Bakartasun eta antsia Bilakatu zaizkit Ororen buru Jasan ezinak Eta arrenkuragarriak ... Ez baitakit zeren hutsak Zeren faltak edo Zeren eskasiak Hola neraman Eta dramatikoki Kokatzen nauen Aspaldian uretan itoa den Ilusio iheskor baten hegalari ... Eta geratzen naiz Alde orotatik tinkatua Hainbeste gauza kondatu gaberik Hainbeste asmo eta xede Mila aldiz muntaturik eta deseginik Hainbeste sentimendu beratz Taigabe itxuraturik Ilusio tematsu horren harian Bidegain horietan bakar-bakarrik Lanbro okaztagarri horretaz inguratua Eguzkia eta ilargia ahantzirik Geratzen naiz Doi-doi hats izpi baten botereaz Mamu baten antzo Izialduraz bazter guziak Kotsatu baldin banintu bezala Ingurumen osoa mutu eta elkor Bat-batean betikotz gertatu balitzait bezala Geratzen naiz Mamu baten antzo Mutu eta elkor Ingurumen etsigarri honen erdi-erdian ... Beharba Halako batez Nitarik hurbil ibiliko zara Ilusio samin batek bultzatua Gauak eta egunak Kurrituko zara Hatsantua eta izerditan Jakingabe nondik nora Ilusio iheskor horren atzetik Aurpegia tiran eta desegina Ibiliko zara etsitzeraino Itsasotik ezin ateraiaz Nitarik hurbil Sentika eta hunkika Hutsean Lanbro hortatik ezin ateraiaz Indarka eta kemenez Saiatuko zara ... Eta zure itxura Aldatuko da Hautsiko da Eta eroriko da Damutua Basamortu honen erdi-erdian ... Damutua ... Ez dizut deus kondatuko Ez dizut asmo eta xederik aipatuko Ez dizut sentimendurik agertuko Nere bide puskila galdu zen-eta Lanbroak itsasoa gainditzean ... Mamu baten antzo Gauak eta egunak Suntsitu ondoan Mamu baten antzo Zu eta ni Berdinduak Eroriko ginen Basamortu honen Erdi-erdian: Gaitzeko boladan Lanbroa zilatuz Arranoak Jautsiko ziren Elkarri Deika ... Baina Halako batez Zu igurikatzeaz Ez banintz damutzen!
Bizitza pilpirak |