(2)

gero, aurkitu ditudanean

azalaren azpitik sustrai bakoitza

mutur muturreraino kendu dudanean

estirpatu

hortzekin odola egingo dizut

saihetsak urdinez estali arte

haizeak altxatu dituen mendi guztiak ito arte

nerekin bazatoz

kopetan tximeleta errebelatua

bizkarrean xagu kantaria

kontatuko dizut

sekreto bat, deskubrimentu bat

batzutan

ahalegin guztiak egin arren

ez dut oraindik asmatu zein diren kondizioak

mania zaharrak sendatu egiten dira

mundua lehertu baino lehen

pistolaren soinuak ordena

eman baino lehen

goraka

flashetan bezala igo egiten dira

hegan ikasi arte

sendatu edo urrutiratu, berdin zaio

ez du inporta hasieran

ezer sentitzen ez baduzu

ere

txistuak hotz piska bat

besterik ematen ez badizu ere

aingura gorrotatzen ahaztu bazaizu

batzuk

zuk eta nik adibidez

une askotako lana behar dugu gazte izaten ikasteko

aspalditik esana dagoenez