ZIRRARA ETA TAUPADA EROTIKOAK

Caracas, 1997

 

Bizi-bizi aldapan gora aieneka

arratsalde goxoan eztiki fereka

nork ez ditu amesten gauza hauek tarteka

isurtzeko beharra maitasun beteka

 

Maitaleak usainka hasten direnean

taupadaren kolpeak dabiltza aienean

jolas erotikoak gozatu nahiean

zenbat holako amets dauzkagu gordean

 

Solasaldi batekin txertatzen da txantxa

kilikatzen kokatuz jolasteko kantxa

ta berotzen denean era horretan plantxa

isurketa batekin buka leike dantza

 

Izan gabe inoren sasi abogadu

lizunkeriak ere bere lilura du

ametsaren ametsak ez baitu ezer tabu

baliabide hori behintzat badaukagu

 

Udazken udaberri bertso eta kanta

maitearen marmarra oihartzun xarmanta

lehorrari bustitzen dakien ur ttantta

erotismoak dauka holako estanpa

 

Horizonte gainean ilargi betea

itzulika-itzulika dabil kohetea

aproposa hausteko lotsaren katea

gau osorako izan daiteke flirtea

 

Itsaso ertza sexu bizipenen txoko

maitasun olatuak grinez mokoz moko

gogo eta goseak bereziki topo

uneak une dira geroak geroko

 

Gurutzatzen danean begiratasuna

limurtasun xumeak duen oihartzuna

irudimen librean igurtzi lizuna

lizunkeriak lizun amesten zentzuna

 

Erotismoz beterik fantasi gurdia

tanga hutsez zer mauka sagar ipurdia

sei eta bederatzi bikote berdia

sorgin zenbaki horrek badu pikardia

 

Lizunkeri hutsean mugituz hamaka

txundigarri behar du Kubako mulata

egoera horretan nor ez akrobata

Karibeko usaina erakarri da ta

 

Atsegin irrikitan txintxilipurdika

tigrearen jauzia zirrika-zirrika

erotismoz mezuka keinuen kimika

zer gauza polita den maitasun lirika

 

Zuhaixkaz inguratuz erdi biluzian

oihaneko usainak sexu gorputzian

bustitasun bortitza azken igurtzian

nonbait isuri zena atzo iluntzian