EUSKAL HERRIA

Caracas, 1981

 

lehorte eta

          euri jasatan

                              irauten duzun lur gogor

 

egoera beltz

          eta zuritan

                              ihartu ez zaren enbor

 

ikatz berria

          egiten duen

                              askatasunaren txondor

 

historiaren

          zurrunbiloan

                              eraso denetik hilezkor

 

harkaitz tartetik

          oxigenoa

                              bidaltzeko mendi tontor

 

aldapan gora

          mezu batekin

                              erbian eran saltakor

 

isildu gabe

          beti oihuka

                              entzuten zaitugun tanbor

 

          halabeharrez

                    tokatu zaizu

                              izatea kaskagogor

 

basamortuko

          pake hondarrak

                              ez onartzeko derrigor

 

hain erraietan

          daukazun grinak

                              egiten zaitu emankor

 

ikusten ez den

          zirritutik

                              berotzen dakizun motor

 

zauri mingarriz

          ta sufrimenduz

                              baina hala ere iraunkor

 

zure lur hori

          biziatzeko

                              dabiltza hainbeste sator

 

handik zizta ta

          hemendik zizta

                              mila bitxo eta liztor

 

baina ilargi

          beteko gau bat

                              bizitzak ez al digu zor?

 

behin betirako

          argi hasteak

                              aro berri bat dezan sor

 

lurralde osoa

          berealdian

                              gorpuztea dezagun lor