Egunkaria, 1999ko uztailaren 7a, asteazkena.

      Atzo arratsaldean 45 urteko gizonezko bat hil zen Aranargiko geltokian, trenak harrapatuta. Hasiera batean bere buruaz beste egin zuela edota erori egin zela zabaldu zen arren, arrasto guztien arabera badirudi A.L.E. norbaitek bultzata erori zela nasara. Izan ere, lekukoen esanetan, presaka ihes egin zuen bertatik gizonezko batek. Lerro hauek idazteko orduan informazio hau oraindik egiaztatu gabe dagoen arren, badirudi A.L.E. nasara bultza zuen gaztea identifikatu duela lekuko batek. Honen esanetan hilketa honek zerikusia izan dezake gerra zikinarekin.