NON DA AITATXO?

 

Non da aitatxo?

Bidaian, maite, bidaian.

A bai, lan bidaian;

kontatuko ipuin bat?

Nekatuta nago, maite, nekatuta.

Ama, beldurra, iluna.

Lasai, maite, lasai,

itxi begiak har zaitzan loak

Zotin itoa

izara heze...

ez aitatxo, ez ipuin, ez ezer.

 

         * * *

 

Ahaz nazazu

jo, bota, bazter

edozer

baina...

egin ezer!

 

         * * *

 

Ez egin negar

aurkitzen ez baduzu

norabidea;

itxasoak ez du helmuga

ez eta zeruak,

garrantzitsuena

bilatzen dihardutea

bait da.

 

         * * *

 

Beste batena zu

nitaz pentsatzen duzularik;

beste batena ni

zugan nauzularik.