ETA...

 

Eten luzearen ondoren

itzuliko zara

eta barnea guztiz minduta,

txoriek

krabelin artean habiak

egiten bait darraite,

keak

eguzkirainoko bidea

oraindik bait dagi,

gaztainek

auzoari ilunabarrez

gozo usaina ematen

bait dihardute,

aldegingo duzu.

 

Txoriak, kea, gaztainak

ez bait dira ohartu

iadanik ez zinela zu,

zugan ez zen bezala

ez txoririk, ez kerik, ez gaztainarik

urrun zinenean.