Hainbat izarrik gabe...!
Arantxa Aldalur

Euskaltzaindia / BBK, 1989

 

 

Nere gurasoentzat

 

 

 

EZ, EZ NAIZ GEHIAGO IZANGO...

 

Ez, ez naiz gehiago izango...

 

Eta izango da elurra

neguko teilatuetan;

eta izango da dardara

zuhaitzen adarretan.

 

Ez, ez naiz gehiago izango...

 

Eta izango da tristura

herriko kanpaietan;

eta izango da soinua

piano tekletan.

 

Ez, ez naiz gehiago izango...

 

Eta izango da hostoa

udazken bideetan;

eta izango da malkoa

neguko beiretan.

 

Ez, ez naiz gehiago izango...

 

Eta izango da edonor

leiho haren aurrean

baina ez da inor izango

leiho haren atzean

 

zeren, ez, ez bait naiz gehiago izango...

 

Hainbat izarrik gabe...!
Arantxa Aldalur

Euskaltzaindia / BBK, 1989