BETIRAKO JOAN ZARA

 

Betirako joan zara.

 

Eta gaur

negar dagi sahatsak,

negar dagi zumarrak;

eta gaur

haizeak ez du indarra,

haizeak ez du laztana.

 

Betirako joan zara.

 

Eta gaur

ihazminak ez du usaina,

ihazminak ez du urrina;

eta gaur

argiak ez du distira,

argiak ez du dirdira.

 

Betirako joan zara.

 

Eta gaur egunak ez du zirrinta,

egunak ez du ihintza;

eta gaur

gauak ez du muxarra,

gauak ez du izarra.

 

Betirako joan zara.

 

Eta gaur, bihar, beti,

gelditu naiz garratza,

gelditu naiz bakarra.