ZURE BAKARDADEA

 

Gehiegizko maitasunak

bakardaderik izugarrienarekin

egiten du topo

beste haurtxo bat

   zure anaia, diote;

zer ote hori?

hitz potoloa nonbait!

mundura etortzean.

 

Harrez gero

zenbat borroka

—negar-orro-oihu-malko—

besteen begiradak

zure gain jartzearen truke

—truke hutsa—

ez alferrik begiradak

bestearengana doaz.

 

Zer ote gauza txiki horrek

dirudienez zuk ez duzuna?

 

Saiatzea okerragoa.

Hobetzen ahaleginduta ere

bide guztiak okertuz doaz.

 

Egiten duzula

egiten duzulako.

Ez duzula egiten

egiten ez duzulako.

 

Ez da asma erraza.

legezko jokabidea

arauak batetik bestera

aldatuz doazenean.

 

Joan eta etorri egunak, gauak, urteak...

 

Inoiz izan ez duzun

maitasunik ezak

behin eta. berriro zarama

zure bakardadera.