Oroitztxoak

Lenago anbat aintzat artzen ez

ginduzen gauza guziyak,

ainbesteraño edertzen ditu

oraiñ eziñ ikusiyak:

Euskal-erriko mendi ta zelai,

ibai, arkaitz ta sasiyak

beñere eziñ aztu litzake,

ayen tartian aziyak.

Urruti zaude eta zalla da

ni zugana irixtia;

onenbeste nai dizun batentzat

zer bizimodu tristia!

Alibiyo bat bakarra daukat:

ametsetan sinistia;

Zu ikusteko noiznai asko det

nere begiyak ixtia.

Sasi tarteko lore eder bat

bezela dago Euskera

eztakit nola oituratuzen

geran txokuan uztera

esku on batek beiñ aterako

baluke erakustera,

ez det bildurrik larperatuko

litzakianik ostera.