MAITASUNA ETA ERIOTZA

Orain ederki gaudeke maitatuz,

Ederki bai ederki laztanduz,

Ederki bai ederki maitatuz.

Ene! Eukiko bazinduket betirako

Nere aurrean ene maitea sekulako

Ene maitea sekulako...

Ene maitea sekulako!

Gure urteak ordea ba'dijoazte

Gure eriotzak ere ba datozte...

Ba'dijoazte gure urteak

ta ba'datozte gure eriotzak.

Ba'dijoazte ta ba'datozte

Bai! ba'dijoazte ta ba'datozte.

Gu biotakon bat iltzen geranean

Illik nere aurrean ikusiko zaitudanean

Nere mingañak mintzatuko dizunean

Ta zuk erantzungo ez nazunean,

Noiz entzungo det, ene maitea,

Noiz zure erantzuna, ene maitea?

Beiñere ez, ene maitea!

Beiñere ez, ene maitea!

Baliteke gure gorpuak illobian

Arkitzera bata beste ondoan,

Orain mintzatu dezakegu

Zorionean arkitzen gera gu.

Ordun, mingañe mututurik

Egongo gera betirako ixilik...

Betirako xilik

Biok alkarren ondoan gaudelarik...

Betirako ixillik

Biok alkarren ondoan gaudelarik.

Neure gorputzaren aragi ustela

gerta daiteke zuaitzaren elikatura

Zeurearena ere bai

Beste batentzat jangai.

Zuaitz oiek biak

Emango dituzte igaliak

Igali oiek berriz

Odol biurtuko dira noski

Gizon bietan segurki.

Gizon bi oiek asarretuz, baliteke

Bata bestearen odolak alkartu daitezke

Ta bi odol tanta aiek

Ta bi odol tanta aiek

Geureak izango dira...

Ta asarrean laztanduko dira

Asarrean, ene maitea!

Asarrean, ene maitea!

Gure ezurrak lurpean daudelarik

Aragi gaberik,

Ludi au puskatuko balitz,

Zatitu puzketan ainitz,

Ta puska bat illargiratu

Ta besteak berriz galdu...

(Eziñezkoa izanagaitik,

Eziñezkoa izanagaitik)

Ala ere biok berriz alkartu

Puska ortan gerala Illargiratu

Zure belaun ezurrak nere aurka

Ta eusten dudan bezela orain gerritik

Alkartu berriz gure bion gorputza

Alkar joz daudelarik bizkar ezurretik

Usten al dezu mintzatuko giñukela?

Usten al dezu maitatuko giñakela?

Ez ene maitea! ez ene maitea!

Eriotzak kenduko digu betirako elea!

Ta alkar ikusteko mendea

Beti betirako, ene maitea!

Beti betirako, ene maitea!

Oldozten det, oldozten det au maiz

Ta erotu bearrean jartzen naiz!

El Día, 1935-XII-4

El Día-n: «Maitasuna eta Erriotza»