BIZITZA TA MAITASUNA

Ene maitea oldoztu zazu orain

Zenbat ikaragarrizko zailtasunez

Alkar maitatuz gaudeken orain.

Jainkoak ludi au egin zuanean

Egin zuan bezela ez egin ere zezaken...

Ta alkar beiñere ez giñan ikusiko.

Beragan gizona sortu zuanean

Beste gauzen bat jarri zezaken...

Ta alkar beiñere ez giñan ikusiko.

Adan ta Eba bizi ziranean

Tximist bat erori bazitzayen,

Ta au gertatu ziteken...

Beiñere ez giñan ikusiko

Ordutik onuntz

Zenbat gizon diran ezkondu!

Ta ez diran ezkondu!

Zenbat ume izan dituzten!

Ta zenbat izan ez dituzten!...

Gu biok berriz ene maitea

Alkar irikiz ginjoazen bizitzaren atea!

Ordutik onuntz,

Zenbat gizon bizian,

Zenbat berriz hil zorian,

Zenbat osasunean,

Zenbat berriz eritasunean...

Gu biok berriz ene maitea

Alkar irikiz ginjoazen bizitzaren atea!

Ordutik onuntz

Zenbat ende suntsituak,

Zenbat erri urpetuak,

Zenbat sendi erailduak,

Zenbat guda zenbat odol,

Zenbat su, errez uri etxe ta ol!...

Gu biok berriz beti ene maitea

Alkar irikiz ginjoazen bizitzaren atea!

Eta ara nun bein ludira

Zeure gorputza agertu zindun...

Eta nik ene biotza

Zeuri agertzeko maitasun!

Eta orain, nere Gaurminia,

Galdetzen dizut bildurtzen etzeran

Jakitean (ta au da egizko egia)

Zein txiripaz ludi ontara etorri geran!

Txiripaz etorri gera mundura,

Eta jayo giñanetik eriotzaruntz goaz berriz

Berriz suntsitzera argietatik illunpenera.

Eta bitarte ontan ere zenbat neke,

Zenbat naigabe, zenbat eritasun ere,

Zenbat arrisku eriotzean erortzeko

Ta sekulan beiñere ez jaikitzeko!

Jainkoaren indarrez edo naimenez baizik,

Ziñistu zaidazu, arkitzen gerade bizik,

Ta natorkizu maitasuna eskeñirik.

Eta orain bildurgarrizko ezetza

Ene maitasunaren uka siñesgaitza

Nere belarriak betirako zoratzera

Al doazte orain entzutera?

Zeure naimenaren ezetz aul bategaz

Deuseztera al goaz

Etorkizunaren aurka

Irabazi gendun burruka?

Dasazu ikaragarrizko «ez» itza!

Ta zailtasun oiek irixteko bizitza

Alper alperrak izan dira...

Eta nere gogo berbera

Eriotzak daramake beste ludira!

El Día, 1935-XI-2