MURUMENDI'KO DAMEA

                        Mamontxiki'ri.

Sasiak zapalduz

Mendiruntz ninjoalarik,

Errekak jauzkatuz,

Muñoak irabazirik,

Erori nintzan beiñ

Murumendi'ñ gaxorik.

Zeudela nere begiak zoraturik,

Zeru mendi,

Mendi zelai ikusirik,

Aditu nun soñu bat:

Zidarrezko soinekoz jantzirik

Ta urrezko ulediz

Ta arinki ankak erabilliz

Nereganatuz zetorkidalarik.

Etzanda luzerik

Nengoelarik

Indarge ta gaxorik

Maiteki esku leunetan

Artu nindun

ta egaka leizera

Eraman nindun.

Leize arren edertasuna!!

Eta arren edertasuna!!

Iñun ikusi ez det izan,

Ez egiz, ez ametsez,

Ez munduan,

Ez inpernuan,

Ez jauregian,

Eguzkikoa bera baizikan!!

Ain eder zan!!

Ain eder zan!!

Zeruan nengoelarik edo egiz edo ametsez

Ta bere esku leunaren biguintasunez

Iurtzirik eztiki nere uledia

Loak neraman illunduz begia.

        * * *

Esnatu nintzanean

Oyu egin nuan

Oyu egin nuan

Nun zaude ene Damea?

Bañan iñork erantzun etzidan...

Iñork erantzun etzidan...

ta tristerik ninjoan,

Tristerik etxeruntz ninjoan,

Tristerik... tristerik...

Makilla eskuan.

        * * *

Murumendi'ko Damea,

Bai! Murumendiko Damea,

Zein gustora,

Zein gustora,

Zurekin ezkonduko nintzaken...

Zurekin,

Murumendi'ko damea!!

Ta zein ederki!

Ta zein ederki!

Leizean biziko nintzaken,

Zurekin,

Murumendi'ko Damea!!

Zein poliki berriz!

Zein poliki berriz!

Egaka ibilliko nintzaken,

Zeru goyan ibilliko nintzaken,

Zurekin,

Murumendi'ko Damea!!

OARRA:

—Murumendi'ra joaten bazerate, ta onak bazerate, azkeneko iru bertso saill oiek abots indartsuz esan ta Murumendi'ko Damea azalduko zaizute. Ez ikaratu, oso neska ona ta ederra da ta. Gaiztoak bazerate, ordea, etzaizute azalduko.

El Día, 1935-XI-13