LETHARINAK

        Iauna barkha diazaguzu.

        Iauna pietate gutzaz euzu.

        Iauna adi gaitzatzu.

        Iauna enzun gaitzatzu.

        Zeruetako Aita Iainkoa, urrikal gaikizkitzu.

        Munduaren salbatzaille seme Iainkoa, urrikal gakizkitzu.

        Espiritu saindu Iainkoa, urrikal gakiz.

        Trinitate saindua, Iainkorik bat, urrikal.

        Maria saindua, othoitz guretzat egizu.

        Birjina guzien gaineko Birjina saindua, othoitz kguretzat egizu.

        Iondone Mikele, othoitz guretzat egizu.

        San Gabriel, othoitz guretzat.

        San Raphael, othoitz guretzat.

        Aingeru eta arkangelu saindu guziak, othoitz guretzat egizue.

        Espiritu dohatsuen ordenanza saindu guziak, othoitz guretzat egizue.

        Iondone Ioanniz Baptista, othoitz guretzat.

        Profeta saindu guziak, othoitz guretzat egizue.

        Iondone Petri, othoitz guretzat.

        Iondone Paulo, othoitz.

        San Andreas, othoitz.

        Iondone Iakue, othoitz.

        San Philipo, othoitz.

        San Thomas, othoitz.

        San Barthelemi, othoitz.

        San Simon, othoitz.

        San Tadeao, othoitz.

        San Mathias, othoitz.

        San Barnaba, othoitz.

        San Luk, othoitz.

        San Mark, othoitz.

        Apostolu eta ebanjelista saindu guziak, othoitz.

        Iaunaren kdiszipulu saindu guziak, othoitz.

        Inozent saindu guziak, othoitz guretzat.

        Iondone Eztebe, othoitz.

        Iondone Laurendi, othoitz.

        Iondone Vinencio, othoitz.

        San Fabian eta san Sebastian, othoitz.

        Iondone Ioanniz eta Paulo, othoitz.

        San Cosma eta San Damaiano, othoitz.

        San Gerbasio eta Protasio, othoitz.

        Martiro saindu guziak, othoitz guretzat.

        San Silbester, othoitz.

        San Gregorio, othoitz.

        San Ambrosio, othoitz.

        San Agustino, othoitz.

        San Ieronimo, othoitz.

        Iondone Martia, othoitz.

        San Nikolao, othoitz.

        Ipizpiku eta kofesor saindu guziak othoitz.

        Dotor saindu guziak, othoitz.

        San Benedikto, othoitz.

        San Antonio, othoitz.

        San Bernat, othoitz.

        San Domingo, othoitz.

        San Franzes, othoitz.

        Apez eta lebita saindu guziak, othoitz.

        Fraide eta hermitau saindu guziak, othoitz.

        Santa Maria Madalena, othoitz.

        Santa Anna, othoitz.

        Santa Agatha, othoitz.

        Santa Lucia, othoitz.

        Santa Agnes, othoitz.

        Santa Cecilia, othoitz.

        Santa Katalina, othoitz.

        Santa Anastasia, othoitz.

        Birjina eta alhargun sainda guziak, othoitz.

        Iainkoaren saindu guziak, othoitz.

        Urrikari gaitutzun, barkha diazaguzu Iauna.

        Urrikari gatutzun enzun gaitzatzu Iauna.

        Gaitz guzitik, begira gaitzatzu Iauna.

        Bekhatu guzitik begira.

        Zeure koleratik, begira.

        Heriotze supitutik eta ustekabekotik, begira.

        Deabruaren menetik, begira.

        Kolera, herra eta borondate gaixto guzitik, begira.

        Haragizko bekhatura pensatzetik, begira.

        Ozpinaren eta zupernaren periletik, begira.

        Sekulako heriotzetik, begira.

        Zeure inkarnazione sainduaren misterioaz, begira.

        Zeure ethorzearen berthutez, begira.

        Zeure sorzearen berthutez, begira.

        Zeure bathaioaren eta barur sainduaren berthutez, begira.

        Zeure gurutzearen eta pasionearen berthutez, begira.

        Zeure heriotzearen eta ehorztearen berthutez, begira.

        Zeure pitzte sainduaren berthutez, begira.

        Zeure zeruratze espantuzkoaren berthutez, begira.

        Espiritu saindu konsolatzaillearen ethorzearen berthutez, begira.

        Iudizio egunean, begira gaitzatzu Iauna.

        Bekhatoreok, othoi adi gaitzatzu.

        Guri zuk barkhatzea gatik, othoi.

        Egiazko penitenziara zuk gu gidatzea gatik othoi.

        Zeure eliza saindua zuk erregitzea gatik eta begiratzea gatik, othoi adi.

        Apostoluen estatua eta elizako ordenanza guziak zuk lege sainduan begiratzea gatik, othoi adi.

        Eliza sainduaren etsaiak zuk humilzea gatik, othoi adi.

        Erregei eta prinze giristinoei zuk bakea eta gizako arrunkidetasuna emaitea gatik, othoi.

        Giristino herri guziari zuk bakea eta batasuna emaitea gatik, othoi.

        Gu gerok zuk zeure zerbitzu sainduan finkatzea gatik, othoi.

        Gure adimenduak zeruko gauzak desiratzera zuk moldatzea gatik,othoi.

        Guri ungi egitenb derazuten guziei zuk on eternalak emaitea gatik, othoi.

        Gure arimak, gure anaia lagunenak eta guri ungi egilenak zuk sekulako damnazinotik begiratzea gatik, othoi.

        Lurreko fruituak zuk emaitea gatik eta begiratzea gatik, othoi.

        Gu zuk enzutea gatik, othoitzez.

        Iainkoaren semea, othoi.

        Munduko bekhatuak khenzen ditutzun Iainkoaren bildotsa, barka diazaguzu Iauna.

        Munduko bekhatuak khencen ditutzun Iainkoaren bildotsa.

        Enzun gaitzatzu Iauna.

        Munduko bekhatuak khenzen ditutzun Iainkoaren bildotsa, egiguzu miserikordia.

        O Iesu Kristo, adi gaitzatzau.

        O Iesu Kristo enzun gaitzatzu.

        O Iauna egiguzu miserikordia.

        O Iauna egiguzu miserikordia.

Letharinak erran ondoko orazinoa

        Iainko handia! aditu ditutzu gure othoitzak, ikhusi ditutzu gure borondateak, eta ezagutu ditutzu gure bihotzak. Othoi bada gure nezesitateak ikhus itzatzu, gure premiak ezagut itzatzu eta gure doloreak erremedia itzatzu. O ontasun egiten guziori prezatzen zaren Iainkoa! gure bekhatuak gatik koleratu zara, baina zeure miserikordia infinitua gatik gure penitenzian pazega zaitea. Gure bidegabeak gatik iustizia egitera ernatu zara, baina zeure pazienzia iainkozkoa gatik gu konbertitzean guri barkhatzera zaitea. Gure banitateak gatik zeure aiuta denegatzera iarri zara, baina zeure berthuteak gatik geure emendatzean fabora gaitzatzu: eta hala egia izanen date zuk zeure kreatura xeheak konsolatzen ditutzula, beharrei lagunzen zaiztela, zure baithan fidatuki bizi direnak salbatzen ditutzula, zeure fedekoei benedizino derauezula eta zure gana konbertituak zure ganako zerbitzuaz errekonpensatzen ditutzula. Ea bada urrikalzeko garen bezanbat urrikari gaitutzun: ezen zu zara Aita on hura semearekin eta Espiritu sainduarekin Iainko bat eternala, eta iguzu lurrean sinhesten zaituguna zeruan ikhusteko garazia. Biz hala.

Arimaren iratzarmendu debota

        Ene Iainkoa! Ene Aita! ene amorioa! ene esposa eta ene guzia! zure amorioak kolpatu ezpanindu nola hitz hauk erran ahal nitzake?

        O Iesus dulzea, ,munduko ohorea, zeruko eta lurreko kontentamendua! noiz zuk desiratzen nauzun bezalakatuko naiz eta zuk merezi duzun tornurako?

        O Maria sainduaren ume saindua! o ene gatik ahuldu zaren bihotza! zer harrimendu da hau ene baithan? zu maitatzekoa zara, ederra zara, ona zara eta konplitua zara, guziak gatik ni zure maitatzera ez emana. Zu naitatu gabe bizitzea baino millatan hilzea ere hobeago da eta hala zeure amorioaz zaurt nazazu salamandra bezala bethiere suaren erdian erre gabe ez egoitea gatik.

        O Iesus gure arimen amorioa! amorioa gatik zu Kalbarian hil zinen eta Bethleengo hirian ere sorthu. Zergatik bada zure baithan sorzea gatik zure amorioak neure baithan ez nau hilarazten. Gehiago egiten duenak gutiago badaidi eta hala gutiago hau ene baithan egin ezazu.

        O amorio hasterik gabea eta eternala! zure maitatzea da bizitze eternala: zure laudatzea da gure eginbidea; bizkitartean, helas! ingratak gara eta hotzak: baina zuk neure burua zuri emaiten eztakidanaz geroz, zuk zerorrek har nazazu, eta zure naizenaz geroz zuk ereta nazazu. Ene ingratasunak gatik zu ene ganik apartatzea lizateke segur bidegabe handia; zeren eta miseriak eraman baitliazokeo abantailla miserikordiari; maleziak ontasunari; gaitztasunak pietateari; ingratasunak garaziari; faltak barkhamenduari; finituak infinituari; eta ni naizenak zu zarenari. Niholatan hunelako manerarik ez balia.

        Ona, ederra aberatsa, handia, emea, gozatsua eta konplitua zara zeure bardinik eztuzula: nolatan bada ni banaloriei eta gauza kontrakoei iarraiten natzaie? A! prezio guti du munduko famak eta omenak jenden artean. Ezin munduak nihor bere beharrean fabora dezake eta zuk hari plazer eginagatik zure hark desplazer eginen deratzu.

        O Iainko handia! zure loria imortalez egin behar da besta. Eta baldin munduko onen hondatzeak baino zure amorioaren galzeak dolu eta dolore gehiago emaiten ezpaderau, a! ni bekhatore handia.

        Ene bekhatuak gatik zu ene ganik apartatzen bazara, zeri edo nori fidatuko natzaika? Iauna etzaiteala zeure garaziaz ene ganik aparta eta ni zure ganik ez nadila aparta, baina biok dadizagun elkhar.

        O ene arimaren iguzkia! zu begietarik galzen zaitudanean eguna gau bilhakatzen zait. Orduan neure kontra gaitz naiz eta berzek ezin soporta nazakete. O ene desirapen bakharra! zuk zeure amorioaz kolpatu baninduzu, bethiere zu zinituket gogoan eta bihotzean. Zu zinateke ene atsegina, ene solasa, eta ene bizia.

        O ene amorio eztia! zuk niri bezala nik zuri behinere unhatu gabe bethi beha baniazazu eta kontenpla bazinitzat.

        O ene Iainkoa! nik zure kontra huts egiten dudan pontuan Sathanak zure esperanzatik khenzea gatik eta zure baithako miserikordia galaraztea gatik ifernuko penetara egotzi nahi nau: ordea. o Iauna, hunelako itsuskeriarik eztezazula permeti.

        Zeure iainkozko amorioaren tragaza sainduaz zuk behin neure bihotza iragan badiazadazu, zuk baizen berzek ene baithan akzionerik eztu izanen.

        Sorginek eta aztiek bere botherea deabruari emaiten derauela egiten dute milla gaixtakeria fuerte: abreak hilzen dituzte: uria, harria, babazuza eta berze gauza estrainioak egiten dituzte, Iainkoak gu punitzea gatik hala permetitzen derauen orduan. Zergatik bada ni zuri hanbatetan emanez geroztik zuk eta nik biok elkharrekin zure plazera gatik eta ene salbamendua gatik zenbait obra miragarrizko eztugu egiten?

        Ene borondatea, intenzionea, libertatea, fakultateak eta emaiteko dudan guzia eman deratzut. Nola, o Iauna, zu ongin baino hura gaixtaginago da? Nola, zuk ni zeure Aitaren goithiatzeko baino hark zure Aita hunen desohoratzeko indar gehiago du? Zuk ene salbatzeko baino hark ene galzeko karguago du?

        Ene falta da eta ene hobena ni hunelako errekaitu gaixtotan erortea: Beraz zergatik ez naiz nigarretan urtzen? Zergatik ez naiz gehiagoko urrikiaren botherez sentitzen? O bizien eta hilen iuge iustua! gure kaltea gatik zure amorioa sentitzen da, eta hala gure gainean duzun miserikordia gu penetarik atheratzea gatik eta zu zeror satisfatzea gatik.

        O ene desirik handiena! Zergatik ni neror bakharrik utzten nauzu? ni hunela deskonsolatua largatzeaz zuk zer loria izaiten duzu? ene atsekabeak gatik zuri zer gozo heldu zaitzu? Oilloak bere xitoak ahal bezanbat gaitzetarik begiratzea gatik bere hagalpean gordatzen ditu, eta nola zuk ni ez nauzu hain maite? Biotarik batak ganbiatu behar dugu, edo nik zure maitatzera, edo zuk, ez nik merezia gatik, ene harzera.

        Sobera iharduki dugu, o Iauna, zuk niri ungi egiten eta nik zu gaizkiz pagatzen: zu niri iarraiki zaizkit, eta ni zure ihesi ibili naiz; zuk ni maitatu nauzu eta nik zu menespreziatu zaitut. O ene bizia! Zuk senda ezpanazazu zeure ontasuna gatik, eritua egon behar naiz.

        Bekhatu mortal bat egin dudan guziaz zuk konserbatu nauzu ifernuko putzura ez erortetik: zeren eta bekhatu mortalak ifernua merezi baitu.

        Ni zure iduritako banendi nahiz zu ene iduritakotu zara, eta konpli bedi zure borondatea.

        Ezta erran behar zuk ni alferrik bilhatu nauzula, eta zuk ene baithan eskurik eztuzula; aitzitik obeditu nai zaitut; zeren-eta zure kontent egitea baita ene kontamenendurik handiena, suak hautsa bezala zure amorioaren suak ene baithan humiltasunaren hautsa egin beza.

        O ene arima! gure ondoan gure bilha dabilanari noiz artean ez aditu iduri eginen diogu? O harrizko bihotza! noiz artean hunelako gogortasunean biziko gara? Moiseren zigorrak harrietarik ura edoki zuen, eta Iesu Kristoren gurutzeak gure bihotzetarik eztu nigar amurus bat edo penitenziazko bat atherako?

        Ene etsaiak esko ene ganik gozo tiratu du: ni neure borondateaz zure naiz, eta zuretzetik, zuk plazer baduzu, nihork ezin debeka nazake. Zeure miserikordia gatik etsaiak despit duela: har nazazu, eta etsaiak ere iakinduri egitea gatik haek baino zuk ene baithan bothere gehiago duzula zeure plazerera trata nazazu.

        Mundu guzia salba dedin nahi duzu; eta othoi salba nazazu. Ahalketan ni ez erorzea gatik eta ohorez bizitzea gatik. Korregituko naiz; orainoko hobenak gatik eginen dut penitenzia eta zure garaziaren faborearekin batean gero gehiago bekhaturik ez egitera enseiatuko naiz sekulako loriara zure miserikordiaz ethorzea gatik. Biz hala.

Iainkoarekin bat egiteko desirapen debota

        O Iesus eztia! o ene Iainkoa! ebe hastea! eta ene egilea! o amorio finik gabea! nola eta zer eginen dut? Iauna eman diazazu ene arimari karitatezko sukhar bat; emen diazazu ene bihotzari sekulan iraungiko ezten Iankozko xinta bat.

        O ithurri infinitua! o amorio sainduaren labe goria! har nazazu; erre nazazu, gathiba nazazu.

        O ontasun bethiere maitatzekoa! e ene bizia! ene parabisua eta ene Iaungoikoa! ni behar eta desira ahal dezakedan guzia zure baithan da. O itsaso konplitua! zure ganik heldu dira gauza guziak. Ene arimak zu galdegiten zaitu, eta zure bilha dabila. Berze gauza guziak zure gatik bilhatu, desiratu eta maitatu behar dira, libra nazazu neure ganik eta tira nazazu zeure gana zeure amorioaz ni zeurekin orhatzea gatik, hala nahi nuke Iauna.

        O Iesus ona! o ene esperanza! o ene arimaren maitea! ene arimaren esposa! ene bizia! ene loria! ene konsolamendua! ene Iainkoa! garbi diazadazu neure arima, zeure amorio gozoaz bethe eta berthutez aberats, zeure iar-lekhu egite gatik eta gure ganik nahi ditutzun plazerak handik harzea gatik.

        O neure bihotzeko Iainko! noiz desira dudan bezala edirenen zaitut? Noiz zeure garaziaz eta zeure amorioaz zeure ganako nauzu? noiz berze gauza guziak utzten ditudala zu neure Iainko eta neure erregea maitatuko zaitut? Eman diazadazu garazia, eta maita zaitzadan.

        O Trinitate saindua, Aita, Semea eta Espiritu saindua hirur presuna, eta hirur presunak egiazko Iainko bat, irakats diazadazu nola maita. O Aita eternala! zeure konsolamenduaz goza ezazu ene bihotza bethiere zurekin bizitzekotan. O Iainko handiaren semea! argi diazadazu neure adimendua, egia eta neure flakotasuna ungi nik ezagutzea gatik. O Espiritu saindua, Aitaren eta semearen amorioa! Zeure borondate sainduaz eta karitateaz bethi fabora nazazu, zuk ene ganik nahi duzun plazera nik konplitzea gatik.

        O ene Iesus eztia! zu obeditzea gatik emen diazadazu neror bezala eta perfetuki maitatzeko garazia. Eman diazadazu zure zerbitzu sainduan enplegatzeko garbitasuna argitasuna eta konplitasuna.

        O Aita eternala! zeure eskutik eduki itzatzu bethiere bekhatoreak, laburzki fede onera konbertitzea gatik. Hugenautak, paganoak eta infidel guziak eliza sainduan ezar itzatzu bere salbamenduko bideratzea gatik eta zure sehitzea gatik. Eskola itzatzu inorantak. Gezurtiei egia onhetsaraz diazezu. Gentilei egia eta fedea ezagutaraz diazezu. Periletan direnak sokorri itzatzu. Defuntuak purgatorioko sutik athera itzatzu eta loria sainduan eman diazezu sekulako pausua, eta niri ere mundu hunetako partiadan eman diazadazu parabisua. Biz hala.

Marinelen debozinoa,
eta lehenik goizeko gomendioa

        In nomine patris, et filii et Spiritus sancti. Amen.

        Benedicta fit sancta et indiuidua Trinitas, nunc et semper et per infinita saeculorum faecula. Amen. Pater, Ave, Credo, Confitiur. Ixilik erraiten dira, baina laur hautzaz berzeak ihardetsika, eta bati berzek elkhar adi dezaketen bezain gora ihardesten deraukatela.

        V. Iainko miserikordiazkoak eta bothere guzia duenak othoi geure bekhatuez, barkhamendua eta absolbazino digula.

        R. Amen digula.

        V. Iainko pietatezkoak egun hunetan (edo gau hunetan) bekhatu egitetik begira gaitzala.

        R. Hala gaitzala.

        V. Iainkoak gure gainean miserikordia duela.

        R. Iainkoa zure baithan esperanza dugun bezala.

        V. Iainkoak digula bere bakea.

        R. Eta hil ondoan sekulako bizia.

        V. Benedika bedi Iainkoaren izen saindua.

        R. Orai eta bethiere.

        V. Iauna enzun ezazu ene othoitza.

        R. Eta ene deihadarra hel bedi zure gana.

        V. Orazinoa da eta alxa gogoak.

        Berzetan non nahi bezanbat itsasoan esku duzu Iainko guziz botheretsua! laudatzen eta ahal bezanbat adoratzen dugu zure maiestate saindua, eskerrak eta laudorioak emaiten derazkitzugula orai artean errezibitu ditugun ontasun guztiak gatik eta beregainki iragan gauean peril guzietarik, begiraturik egin hunen ikhusteko emen derakuzun garazia gatik: baina berze alde nola bethi fabore behar bizi baitzara, zure baithan geure sinheste guzia emaiten dugula, othoitzten zaitugu, arren zeure itzalaren azpian faboratuak eduki gaitzatzun. Ea bada, Iainko handia, bisita itzatzu gure bihotzeko barrenak, arimak eta gorputzak, eta eman diazaguzu egungo egunean bekhaturik ez egiteko dohaina guk eginen, erranen eta pensatuko dugun guzia zure ohoretan eta laudoriotan gerthatzea gatik, halaber gure ganik aldara itzatzu inkuntru gaitz guziak: Iguzu denbora ona: egor diazaguzu desiratzen dugun portura gidatzeko zeure aingerua: Benedika ezazu gure lana: Fabora ezazu gure unzi guzia guk ere zuri obligazino hunen ezagutzatan laudorio eternalak emaitea gatik. Iguzu ontasunetan bezala atsekabetan ere zure izen saindua gatik pazientki bizitzeko berthutea. Iguzu zure amorioan eta zure beldurtasunean egun hunen iragaiteko garazia: eguzu zer ere baitzara eta zer ere baitugu, hura guzia zure ganik dugulako ezagutza egiatia. Hunetarakotz argi ezazu gure bihotza: Khen itzatzu gure adimenduetarik inoranziak: aratz itzatzu gure espirituak: bero ezazu gure borondatea: eman diazaguzu zeure amorioa: erna ezazu gure memorioa erregela itzatzu gure akzioneak eta molda gaitzaitzu zure plazer onaren gogara bizi gaitezkeien bezala. Iesu Kristo Iaunaren botherez. Biz hala. Guziek elkharrekin erraiten dute gorazko.

        Aingeru saindua Iainkoaren pietatez ene begiratzeko kargua hartu duzuna, argi diazadazu othoi egun hunetan, goberna nazazu eta begira gaitzetarik. Biz hala.

        Iauna, zure eskuetan gomendatzen dut neure arima: Iainko egiatia redemitu nauzun bezala nitzaz kontu eduki ezazu. Biz hala. Iainkoak eman diazagula bere benedizionea gaitz guzitik begira gaitzala eta sekulako bizitzera eraman gaitzala: eta defuntuen arima fidel guziak Iainkoaren miserikordiaz bakean egon daiteala. Biz hala.

Arratseko gomendioa:
goizean bezala othoitzerainokoak

        Gure arimen argia, gauik gabeko eguna, goibelzen etzaren iguzkia, eta kreatura guzien Iainkoa! zure baithan dago lurreko eta zeruko pausua zeure gomendiokoei denegatzen ezterauezula, ez mundu hunetan eta ez berzean, baldin zure gogara nigarrezko haran hunetan mantenatzen badira. Gu, ez berzek baina zure eskuan egin gaituen kreaturak zure maiestate handiaren aitzinean othoitzez gagozkitzu, arren gizonaren pausuko ordenatu duzun gau hunetan gomendiotan har gaitzatzun zeure hegalen itzalaren azpian edukitzen gaitutzula periletarik begiratzea gatik eta ifernuko otsoaren zinzurretik zeure bizia gosta zaitzula erodi gaitutzun ardiak salbatzea gatik: ezen, o Israeleko begirelea, zu zara Iainko bortitz hura eta Iainko espantuzko hura, zeinen izenak urrunzen baititu espiritu gaixtoarn hurbildura, desegiten enganamenduak, eta barraiatzen zelatak. Beraz zeure eskutik eduki gaitzatzu gure begiak lotan egonen diren bizkitartean gure espiritua zure aitzinean iratzarria egoitea gatik eta hala zuk begiratzen bagaitutzu nork akometatuko gaitu? Zu alde bazaitugu, nor kontratuko zaiku? Zure baithan baldin bada gure pausua, zerk asaldatuko gaitu? Izaiteaz, presenziaz eta bothereaz bezala zeure garaziaz eta faboramenduaz gure baithan bazara, zein ametsek tenta ahal gaitzake? Gure baithan zu hunela edireitea gatik eta zuk faboratzea gatik ahal bezain othoitz humillez othoitzean gagozkitzu geure bihotz guziak ofrendatzen derauzkitzugula eta desiratzen dugula zuk izan dezazun hatsharzeak folsu-zapadak, arteriako mobimenduak bezanbat esker eta laudorio gure berze akzione guziekin egun batez sekulan ilhunduko ezten egun argi hartara zure benedizionearekin batean helzea gatik Iesu Kristo gure iaunaren merituez. R. Biz hala.

        Aingeru saindua, Iainkoaren pietatez ene begiratzeko kargua hartu duzuna! gau honetan othoi argi diazadazu, goberna nazazu eta gaitzetik begira. Biz hala.

        V. Iainko guztiz botheretsuak eta miserikordiazkoak, Aitak eta semeak eta espiritu sainduak benedika gaitzala. R. Biz hala. Debozinotiak Birjinaren letharinak edo berari zaikan berze orazino erranen du beregainki.

San Franzesi eta santa Klarari othoitza

        Iainkoak berze aldiz, o saindu maitea, erran zeratzun haren etxe erortera zihoana alxa zenezala: baina guk marinelok hunela manatzeko eskun duen Iaun handi hunen presenzian othoiztu nahi zinitukegu, arren itsasoko periletara zuk zeure ahalaz fabora gaitzatzun: ezen itsasoan eta itsasotik kanpoan zuk hilez geroztik egin ditutzun mirakulluek Iainkoa baithan halako eredita baduzula kalrki irakhasten derakute. Kronikoetan irakurzen dugu zuk ura hartu zuen unzi batetarik pelerin eri bat, konpainia lekhuko zena espantuz zegoela, salbatu zenduela: Barulitango portutik milla lekoa urrun ziren marinelak bere beharrean handiro faboratu zinituela: Reateko fraide Iakue salbarazi zenduela eta berzerik ere hainitz konsolatu duzula. Beraz gure esperanzak zure baithan ediren beza bere fabore desiratua. O santa Klara, hainitz andre serora deboten ama! Zuk ere plazer baduzu zeure debozino sainduaz faboratuko gaitutzu geure behar orduetan. Pisako hiritik partitu ziren marinelak zuk hirur argiz hirur lekhutan argitzen zenerauela faboratu ezpazinitu, Areitango portura helzeko peril guti zuten, eta hala zure lagunzaz salbatu ziren, historia egiatiak aithorra duen bezala. O Franzes saindua eta Klara andre ohoratua! Gu ere marinelak gara, arriskuan bethiere bizi garenak, eta gutien uste dugunean beharzen garena, halakotz othoi gure desirak enzun itzatzue, borondateak errezibi eta fabora gaitzatzue: guk ere salborik eta kitorik Iainkoaren garaziarekin batean geure etxetara hel gaiteanean eskerrak eta laudorioak zuen izenaz bathaiatuak diren elizetan emanen derauzkitzuegu: baina bitartean othoi deihadar egiten dugunean, zeren herstura handiak premiatzen baitzaituke ernero hel zakizkigute geure salbamendutan. Biz hala.

Tormenta alxatzean othoitza

        O Iainko muga guziak eternalki bat itutzuna! Botherez, presenziaz eta izaitez bazer guzietan edireiten zaren Iainko handia! zu zara zeruez gainetik, zeruez beheretik, zeruen barrenetik eta gure gana guk zeurok baino hurbilago eta barrenago. Gainetik zaude Iaunak bezala manatzea gatik: beheretik zaude habeak bezala sostengatzea gatik: barrenetik zaude bethagarriak bezala faboratzea gatik. Ea bada komarka guzietan espanturo edireiten zaren Iainko guziz botheretsua, arren herstura handi hunetan zeure garazia sainduaren aiuta eztiazaguzula ukha, aitzitik zeure miserikordia infinitura emero behatzen duzula peril hunetarik libra gaitzatzu gurekin añhitz berze aldiz bezala. Aithorzen dugu geure bekhatuak gatik, ez eskapatzea, baina millatan hondatzea merezi dugula! ordea, o maiestate handia! penitenzia iustu bat egiten dugula zuk plazer duzun bezalakatuko gara: geure bekhatuen barkhamendutan eta zure satisfazinotan othoi eman diazaguzu behar bezanbat espazio: zeren-eta zuk nihori miserikordia eginagatik, ezpaita berdin zure iustizia niholatan daiñatzen; aitzitik bethi iustu eta bethi zeure estantean zaude. Halakotz zeure pasione sainduko merezimenduak gatik, arren zeure begi miserikordiazkoak bethi itzul itzatzu gure gana, baina guziz ere oraiko premia handi hunetan. Othoizten zaitugu San Franzes zeure maitearen eta Santa Klara zeure alaba debotaren orhoitzapenez: Othoizten zaitugu gure partez othoizten zaituzten guziez. O harmaden Iainko miragarria! enzun gaitzatzu eta geldi itzatzu haizeak, sosega uhinak, argi hodoiak, eder denbora, kalma itsasoa, desegin espiritu gaixtoaren indarra. Erakhuts diazaguzu zeruko argia, khen bihotzeko tristura, eta zeure anze botheretsuaz kuraia diazaguzu geure espiritua; guk ere geure aldetik eztugu ahanziko fabore hunen ohoitzapena; aitzitik emendatzen garela zu laudatzea gatik eta lorifikatzea gatik eskerrak emenen derauzkitzugu. Biz hala.

        Othoitz hunen aitzinean eta ondoan batzuek erran bitzate debotki Birjinaren Letharinak, berzek khoroa, eta berzek berzela, baina fede handi batekin.

Arimaren ordenua

        Aitaren, eta semearen eta Espiritu sainduaren izenean biz. Neure Iainkoari eta neure kreatzailleari nik arima pobreorrek eta ondikozkorrek egiten diot beherago eskiribatua den fede, ordenu, azken borondate paktu eta promes hau: zuri diot, o Aita, o semea, o Espiritu saindua! emaiten natzaitzu, eta gomendatzen deratzut neure burua, zeren-eta zure arthak eta zure amorioak irabazi baitnau: baina emaiten natzaitzu deliberamendu oso batekin eta fermu batekin; emaiten natzaika guzia totalki zure borondate sainduari, iustuari eta egiazkoari: Gargoro hemendik aitzina eztut nahi nik nerorrek neure gainean berze eskurik izan, o ene iabea eta nabusia, zuk emanen derautazunik baizen, zeren orai beretik neure donazino errealaz, aktualaz eta garbiaz zure baitnaiz eta ez neurea. Bai, o Iainko egiatia, arima hau zure esposa da, zure zerbitzaria da eta hobeki erraitera, zure gathibua da.

        Lekhuko deitzen ditut zeruko erregina loriaz bethea, parabisuko aingeru eta saindu guziak; othoizten ditut halaber guziak betan eta bat banaka ene ararteko enplega daiteala, Iaunaren laudoriotan eta ohoretan nik neure promez hau solamente konplitzea gatik.

        O ene Iainkoa eta ene Aita! ahalik beherena neure ezdustasunean iausten naizela ahal bezanbateko borondate batez eta debozino batez adoratzen, aithorzen, ohoratzen eta errespetatzen zaitu.

        O Iesus gurutzean ene gatik itzatu zarena! Lehenbizirik aditzen dut eta nahi dut ni naizen zure gathibua, nahi dut ene pensamenduak, ene hitzak, eta ene obrak zure zerbitzuaren plazerean guziak enplega daitean.

        Ukhatzen dut munduaz, haragiaz, eta deabruaz berze ukhatzeko guziekin.

        Humil eta obedient Iainkoaren manuaren azpian bizi nahi naiz neure bizi guzian; eta hala pobreziak zehatzen, estorbuak meskinzen, malenkoniak nekhatzen, tristeziak akometatzen, izterbegiek entoxatzen, eta berzela berze asalduk premiatzen banau, Iaunaren izenean eta neure gaztigutan gogotik pairatuko ditut guziak gehiago balire ere, eta zeren alde guziz desira baitut Iainko Iaunaren borondatea konpli dadin: eta ene etsaiak ene baithan deusen pretenzionerik ez harzea gatik, o ene Iainkoa! gomendatzen deratzut neure burua zeure eskuetara gogoz eta bihotzez zure karguan gelditzen naizela, Aitaren eta Semearen eta Espiritu sainduaren izenean. Biz hala.

HUNARAINOKOAN DA OBRA HUNEN BIGARREN PARTEA