BIGARREN PARTEA

Igandeko othoitza

        O Iainko guziz botheretsua, zuri zor derauzkitzuggun eskerrak berzetaratzen ditugun orduan (nola maizegi egiten baitugu) adimendu nahasia dugu, memorio guti dugu edo batere eztugu, iondone Paulok irakhasten deraukunaz berze alde iakiteko gendukeienaz geroz deus eztugula berzetarik izan eztugunik. O Aita eternala! aithorzen dut zer ere baita onik haren guziaren egilea edo eragilea zu zarela, eta hala ontasun guzietarik zure zor derauzkitzugu eskerrak. O Iainko Iauna, deus faltarik ene baithan edireiten duzunean, ni naiz egilea eta hobenduria; deus onik edireiten duzunean, zu zara emaille liberala eta laudorio behar duzuna. Hunen batenarekin beraz, o neure bihotzeko Iainkoa, niri egin derauztatzun kortesia handiak gatik laudatzen eta benedikatzen zaitut zeruan izar, lurrean belhar eta itsasoan ur xorta den bezanbatetan eta gehiagotan: ezen kontu gabeko faboreak zure esku urrikalmendutsutik errezibitu ditu eta errezibitzen ere hanbat gorputzean nola ariman. Ea bada, Iainko Iaunak ene gana zaituzten ontasunak, Iainkoari eskerrak errenda diatzotzue; ene bihotza. Iainkoari eskerrak eta laudorioak eman diatzotzu, ezen zordun zara zure hobeagoa gatik Iainkoak onak errepartitu derauzkitzunaz geroztik. O igande saindua, Iainkoak arimen mahainzat ordenatua o parabisuko laudorioak tratatzeko eguna! O zeruko othurunzaren besta saindua! zutzaz orhoitzearekin batean orhoitzen naiz ene arima ere horko ethorkitik dela: baina, o ene arima maitea, zergatik etzara zeruko zeure herri noble hartarat hobeki lehiatzen? Zergatik etzara iratzaren? Zergatik etzara zeure etsaien artean hobeki konbatitzen? Bethi lurrera beha zaude. Bethi gogoa lurrean duzu. Bethi zeure plazerera bizi nahi zinateke. Helas! eztakizu munduaren deabruaren eta haragiaren lausenguak traidore lausenguak direla eta bizkitartean gehienik zu halakoetan prezatzen? O ene arima Iainkoak berak bere odol sainduaz xahutua! o ene arima Iainkoak berak bere bizia emanik garastia erosia. Delibera ezazu ifernuko bidetarik apartatzea gatik Iankoaren zerbitzatzera: zeure salbamendua gatik mundua kitatzera: parabisua irabaztea gatik munduarekin ez aditzera: ezen zer probetxu duzu munduan denbora apur bat gehinez ere ungi izaitea, baldin gero mundutik ilkitzearekin batean sekulakotz ifernuan zeure erhakeria gatik egoiteko ungi izaite hura balitzen bazaitzu, bizkitartean gerthu da eta zerorrek ere badakizu Iainkoa eta deabrua biak ezin zerbitza ditzaketzula, eta badakizu hainitz orduz hitzez Iainkoa eta obraz deabrua zerbitzatzen duzula. O dohakabetasuna! O miseria.

        Ene arimaren iabea eta habea Iainko Iauna, barkha diazadazu neure hobenak, barkha diatzadatzu neure bekhatuak eta penitenzia egiteko garazia eman diazadazu zu gehiago ez ofensatzeko dohainarekin. Eman diazadazu konzienzian bakea, ariman amorioa, bihotzean debozinoa, herrian adiskidetasuna erresuman giristinotasuna, konseillu ona, fidelitatea eta sosegua. Eman diazaguzu lurreko fruituetarik gozo ona geure trabailluetarik salarioa, geure aziendetarik probetxua eta brze gainerako ontasunetarik behar bezalako aiuta, guk ere zu ordainzat laudatzea gatik, benedikatzea gatik eta gauza guzien gainetik eternalki adoratzea gatik.

Asteleheneko othoitza

        Iainko Iauna, baldin zure iustizia zure zerorren miserikordiak balako ezpaleza, segur da gaztigu garatza ene gainean egin zenezakela, ezen zure pietateaz berzek ezin paira ditzaken bezalako faltak egin ditut, eta guztiarekin ere nik nerorrek neure baithan kalteak eta faltak egina gatik nahi nude kalte eta falta hek oinhazerik ezpalidate, horra ene erhakeria. Ordea, o zuzenaren iabea, atrazoin da nik neure gaixtakeriak gatik zenbeit pena pairatzea, arrazoin da zuk ni iustiziatzea, eta arrazoin da zuk zeure borondatea konplitzea. Beraz nola ordenatu baituzu, hala konpli ezazu, eta ene atsekabeaz zure plazera egiten bada atsekabe hura ere plazerzat errezibituko dut. Iauna, experienziak irakhasten diraku eta ukhatzeko trebanziarik ezin har dezazuegu, badakigu hil behar garela hil behar ezpagine bezala bizia gatik zure abisuaren kontra: ezen abisatzen gaitutzu gutien uste dugunean heriotzea ethorriko zaikula halakotz prestik eta iratzarririk egon gaiteala. Beraz ene arima, erna zaitea, alxa zaitea eta prepara hainitzi ongaitz egin dioen bezala zuri ere uste gabeko heriotzeak gaitz eztakizun! gero eztate ordua, orai da ordua, gero eztate penitenziarik, orai da penitenzia. Beraz ene arima Iainkoarekin adiskidetzea gatik penitenzia egin behar dugunaz geroz dagigun penitenzia geroko begira egon gabe, ezen hainitz bere kaltetan geroko begira egoiteak traditu du. Dagigun guk geure aldetik egiteko dena eta segur dugu salbamendua, zeren-eta Iainkoak bere aldetik promes baiteraku guzion salbamendua desideratzen duela; Iainko egiatia da gure Iainkoa Iainko iustua da eta leiala. Othoi bada, Iaun handia, bethiere fabora nazazu, othoi konsola nazazu, eta aste lehenak haste lehena bezala erran nahi duenaz geroz biz egungo eguna haste ona eta zure ohoratzeko eguna. Biz hala.

Aste arteko othoitza

        Gizonak duen kondizinorik ederrena du Iainkoa laudatzea gatik aste artea asti arte agitea, erran nahi dut bere denbora parte bat ungi Iainkoaren laudorioetan emaitea: zeren-eta Iainkoaren benediziñoa ezten lekhuan nihoren egin ahalak ezpaititezke suma, batzutan, Iainkoak gaixtoei onak emana gatik , zeren eta on hek emaiten baiterauzte bere obra onen pagamendu bezala berze munduan ez gozatzea gatik. Segur, Iauna, badakit behar bezalako debozinorekin etzaitudala zerbitzatzen eta zurei zeure eskerrak emaitea gatik asti harze guti egiten dudala: ordea, O Iauna, etzaiteala ene kontra hauzitan sar, dagigun biok abenitkoa hura izanen da ene faboretan. Iauna lehenik aithorzen dut hobenduri handia naizela eta zuk ene kontra koleratzeko suiet baduzula, beraz zeure iustiziaren ereduz neure gaizkiak gatik kondena nazakezu? Aithorzen dut Iauna, baietz. Ordea bekhatorei bere bekhatuak barkhatzeagatik miserikordis famatuko zara eta zuk ene baithan miserikordia hau egin dezakezu, halakotz othoitzez nagotzu, arren nik neure kontuak zure errendatu baino lehen zeure garazia sainduaz zuri agradatzen zaitzun bezalako prestutasun bat eta iustutasun bat eman diatzadatzun. Iauna, damu dut zure legen kontra ibilia, urriki dut zu ofensatua. O ene bihotza! zer erremedio? O ene Iainko iugea! zer erremedio? Nahi nauzu berehala punitu? Merezi dut. Nahi derautazu barkhatu, eztut merezi. Beraz nola izanen da gure bion artean? Dakidala eta eztakiala maiz ofensatu zaitut; ingratasun handia da zuk niri ungi egitea gatik nik zuri gaizki egitea; erhakeria zinezkoa da bere nabusiari eta Iainkoari kontratzea; harrimendu handia da kontinuatzea. Iauna barkha diazadazu; badakit ene faltak nik orai erran ahal nitzakeien baino gehiagoak direla, ordea zure miserikordia konparazino gabe handiagoa da eta behar da, ezpere guk bekhatoreok ondoren gaixtoa maiz izanen genduke. O pietatearen aita naturala, edo pietatea bera! Barkha diazadazu eta eman diazadazu zeure garazia. Biz hala.

Aste azkeneko othoitza

        Arima batek egin ahal dezakeien traidorekeriarik handiena da bere etsai mortala eta deabrua zerbitzatzea gatik bere adiskide eternala eta Iainkoa kitatzea. Arima bati ethor ahal dakidikeon kalterik bortitzena eta sentikorrena da Iainkoaren desgarazian bere bekhatuak gatik hilzea, eta bizkitartean ene arima nola gobernatzen gara? badakizu herioa fedakabea dela: badakizu zeure burua enganatzera uzten baduzu, enganatuko zaituela; badakizu gaixtaginei hala gertatzen zaiela eta maldizinorekin ifernuak behera iausten direla. A! zer laidoa? zer ondikoa? zer dolorea ta zer marraska? Hauk guzion buruan ene arima, guk guzion buruan nola gobernatzen gara? Berzeak baithan zenzatzen gara? Hobetzen gara? A! enganioa, aitzitik nork munduko maleziarik gehieni iakinen hari gara. Non da Iainkoaren errespetua? Non da Iainkoa ganako amorioa, giristino laguna ganako karitatea? Non da iudizioaren beldurkundea, orduko maldizinoaren ikhara eta sekulako apartatze hilgarri haren ohoitzapena? Ahanzten zaitugu, Iauna, ordea zure gure ahanztea ahanziko othe zaitzu? Nor nongo baita hango hitzkunza du, eta guk nongo hitzkunza dugu nongoa garen iakiteko? Lurreko hitzkunza pobrea. Ea bada, gure arimen salbatzaillea, zeruko hitzkunza bat eman ezazu gure ahoan eta bihotzean hitzkunza hunez zeruko ume seiñalatzea gatik eta zure maiestate saindua laudorio eternalez ohoratzea gatik. Ezen zer probetxu dugu ezin nonta bezanbat on eta ontasun suk guri geure bizia emanaz, baldin indizioko pontu hartan kontu onik emaiten ezpadugu? Iauna naizen pobre, kaltiar, estorbutsu, penatua, gitzetsia, eta tribulatua, baldin gero zure gogaragoko zerbitzurik neke hautan egiten baderautzut. Finean ene bizi guztia den zure ohoretan neure arimaren salbamendutan. Biz hala.

Orzeguneko othoitza

        O Iainko urrikalmendutsua eta amoriotsur, zordun handi gara zuregana eta nork pagatuko zaitu? Obligazino handia da gu Sathanaren botheretik libratzeagatik bere bizia emaitea. Fabore handi bat, espantagarriki handia da gure naturaleza nothatua garbitzeagatik Iainkoak bere odol saindua emaitea. O gure Aita Adamen bekhatua, nonbait heriotzeari guregana bothere handia eman ioen gu handik edoiteagatik Iainkoak bere bizia eman behar ukhetu duenaz geroz! Beraz arrazionekin orzeguna deithuko dugu sorzeguna. Beraz arrazoinekin orzeguna bezalako egunean hunelako kortesien orhoitzapenetan geure gisako esker ta obligazino hauken emailleari emaiten diotzagu. Beraz arrazoinekin zeruak eta lurrak hunelako ontasunak gatik Iainkoa guziz ona laudatzen dute. Ea bada Maiestateak benedika eta landa dezagun. Tronuak, Iauntasunak eta Berthuteak benedika eta lauda dezagun Serafinoak, Aingeruak eta Patriarkak benedika eta lauda dezagun, Profetak, Doktorak eta parabisuko berze saindu guziak benedika dezagun, lauda dezagun eta adora dezagun Iainko eternala bere ontasun infinitua gatik eta guri guk merezi gabrik egin derazkun Parabisuko bideak gatik. O Mariaren semea, eta o Iainkoaren semea, zuk zeure Aita eternalarekin ongundeak egin derazkutzu: zuk hunelako sendagaillak obratu ditutzu: ordea guziak gatik orainko hutskor gara eta zu zeure handitasunean ofensatzen zaitugu begin baino maizago, nahiz behingoa ere sobera maiz lizaten. Halakotz bada Iauna garazia eskatze natzaitzu, eta othoi barkha diazadazu, Iauna, barkha diazadazu zeure Pasione Sainduagatik, zeure karitate handiagatik, eta zeure balio Iainkozkoagatik; badaidizu, Iauna, zeure miserikordiaren faboretan, badaidizu bekhatore hunen salbamendutan. Biz othoi egina.

Orzillareko othoitza

        Mundu hunetan garen guziok ungi pontu guziak konsidera baditzagu edirenen dugu Iinkoaren semeak gu salbatzea gatik pairatu zituen penen parerik nihork nihon entuela pairatzen. Pasione terriblea pairatu du gure Iaunak, ala baina gure bihotzak ez mederatzen, gure arimak ez transitzen, gure konzienziak ez onzen. O harrimendua! O eskantatzea! Nolatan gure bitharetzen aiz? O Satanaren ofizioa! Zergatik gure baithan manatzen duk? O Iainko guziz ona, zuk zeure zainetarik xirripa batzuetarik bezala zeure odola gure salbamendutan isuri duzu, zeure larrua pikatu deratzute eta martiriatu zaituzte. Zuk eskarnioak eta maldezinoak pairatu ditutzu. Zuk azote kolpeak eta ukhabilakoak sentitu ditutzu. Zuk aranze puntak eta arno gogorraren kherua pairatu ditutzu. Zuk gurutzean bizia bi gaiztaginen erdian eman duzu. Hauk guziok eta gehiago zuk gure gatik pairatua gatik guk zure zer ezagutza deratzugu? Erran behar da ingrat handiak garela zu gure kontra arrankuratzen zarenaz geroz. Iauna, badakit zuk gure beharrik eztuzula, berriz ordea badakit gu geurok gabe zu gabe baino hobeki garatekela. Halakotz neure bihotz guztiaz othoitzez nagotzu arren arbola gurutzeko fruituen berthutez zeurekin bat egin nazazun, zeurekin eduki nazazun eta zeurekin bethiere konserba nazazun. Biz hala.

Larunbateko othoitza

        Iauna, zure maiestatearen aitzinean nik bekhatore handiorrek kofesatzen dut hainitz maneraz ofensatu zaitudala, baina bekhatore handia naizela segurki iakinagatik segurkiago iakiteko dut zure miserikordia infinituki handiagoa dela, eta penitentei barkhatzen ardura usatua zarela eta niri ere ungi preparatuarik agerzen banatzaizu, barkhatuko derautazula: ezen zu guzia ona zara eta ni guzia gaixtoa; zu guzia finik gabea eta ni guzia finduna; zu guzia bothereduna eta ni guzia flakoa; zu guzia miserikordiazkoa eta halatan bekhatorei barkatzaillea, ordea, gure Iainko salbatzaillea, hau guzia ezta zu zarena zaren bezala ezagutzea, baina zuk gu ezagutzen gaitutzu garenok garen bezala; hau ezta zuk zeure burua ezagutzen duzun bezala ezagutzea, baina zuk gu ezagutzen gaitutzu ezagutzeko garen guzia; hau gatik midiku iakinsunak bezala erremedioak ordena diatzadatzu; Aita onak bezala gaztiga nazazu; Iaun axolduriak bezala aiuta nazazu eta kapitain sendoenak , bezala defenda nazazu. Zu zaitut partida eta zu othoizten zaitut; zu zaitut kontra eta zu alde harzen zaitut; zu zara koleran eta zu zutzaz zerorrez balakatu nahi zaitut; badakit, Iauna, munduan gizonak hunela partidatuak diren orduan pazegatu behar bidean errabiatzenago direla; baina, Iauna, zuk bere falta ezaguturik falta eginaz urrikitan heldu zaitzunari bere hala barkhatzen diozu. Kondizinoaren ona! Bada, Iauna, niri neurerik ezpa neuretzatik borondatea eman deratazu eta borondatea dela moian zure ganik apartatzen naiz eta borondatea dela moian zure gana ere ethorri behar naiz. Orai ezagutzen dut neure baithan bizitzea baino zure baithan bizitzea hobeago dudala, neure baithan bizitzen naizenean xoil gaizki naiz eta ezin areago, zure baithan bizitzean ungi naiz eta ez naiz deusen ere beldur: beraz ene borondatea har diazadazu eta ni ere zurea izanen naiz, eta ala zu enekin edo ni zurekin guzia orobat zait, baldin ene arimaren maitea, biok nolazpait elkharrekin bagara. Zato bada zeure garaziaz ene gana nik zure gan ethorzen eztakidana geroztik, zato eta dadukagun bethi elkhar hemen eta hor. Biz hala.

Besta den guziaz egiteko othoitza

        Gure Iainko botherezkoak bere bizi guzian irakhatsi deraku bizitzeko manera eta bidea halaber fin onik eginen dutenek haren trazak begiratzen dituzte, testigu da egungo bestan, zeinek zeren Iainkoa obeditu duen, izatu baitu Iainkoa baithan fabore eta garazia. O N. eliza ama sinduak manatzen gaituen bezala ohoratzen zaitut, lehenbizirik zure horko loriaz dudan kontentamendua deklaratzea gatik eta hurrenekorik aiuta nazazula othoiztea gatik. Iainkoaren dotrina begiratzea gatik, fede saindua etsaien artean laudatzea gatik eta zeruko loria irabaztea gatik pairatu duzu hainitz eskarnio, dolore eta kontrariozko gauza: baina orai ezta hunela penen orhoitzapenik hauk guziak ahanzi dira horko bozkarioa dela kausa. Ordea gu beharrak gkara, eta bidean gaude horra heldu nahiak, halakotz egungo besta hunen orhoitzapen sainduaz errekeritzen dugu zeruko gorthea arren besta hunen begiratzea balia dakigun geure arimen konsolamendutan. Ea bada zeruko habitantak eta burgesak, prinzek gorthean bezala esku duzuenak enplega zaitezte hor gure salbamendutan. Biz hala.

Bere patroin dutenek Iondone Martiari othoitza

        Iainkoaren ardien arzain handia, iondone Martia, parabisuko ume maitea, gure patroin leiala eta arthatsua! Bethi kreaturak, nahiz diren gezietako sainduenak, lurrean bizi direino fabore behar dira, keta guziz ni bekharotrtako handiena, flakoa eta on beharra neure othoitzekin zure othoitzetara presentatzen naiz, agian pietatez errezibituko nauzula: ezen, o saindu debota, zu handitu zara zeure berthuteak gatik, eta ni tipitua nago neure hobenak gatik, zu laudatua zeure bizitze prestua gatik, ni arbuiatua neure banitateak gatik, zu ohoratu zeure exenplu onak gatik, ni menespreziatua neure egitate desonestak gatik, zu parabisuratua zeure saindutasuna gatik eta ni ondikozkotua, neure gaixtatasuna gatik, eta hala badakit niri nerure gaixtakeriak menesprezio baderaut zure zeure ontasunak Iainkoaren eta gizonen aitzinean prezio deratzula. Hargatik othoitzez nagotzu, arren zuk Iainkoa baithan ditutzun kreditei urrikal nakien, orai arbuiatzeko ditudan suietak laudatzeko suiet errendatzea gatik. Hunetarakotz zeruko adimendu bat, memorio bat eta borondate bat erregelatuki ene gana ditzatzu: izan diatzadatzu zeruko egintari sainduak nola baitira fedea, esperanza eta karitatea; zeruaz ni ere hauken berthutez prezatzea gatik. Karitateak irakhatsiko deraut pazienzia saindu bat, behar orduan neure salbamendutan zerbitzatzea gatik: ezen badakusat Iainkoaren zerbitzaririk handienak hemen pairaturik zerua irabazi dutela, eta nik zergatik eztut pairatuko neure gisa okhasinoak agerzen zaiztan orduan? Baina zuk, o ene Iainko Iaunja kuraiatzen duzu ene bihotza pairatzeko bideak emaitean; zeren eta baitakusat iondone Estebe lapiatua, iondone Laurendi kaskaldua, Ioaniz olio irakituan egosia, san Hipolito laur zaldiz katratua sankta Agnes hamairur urthetan sura kondenatua; santa Katalina nabal zorrotzez arroda bat betherik sakallaitzera prestatua, iondone Petri urkhabean ezarria, Iob zornez eta sarnez bethea, finean parabisuko burges eginik dauden guziek irakhasten derautate pairatzetik dela salbatzeko bidea, konbatitu behar dela eta gero pagamendu gozoa izaitea gatik behin biktoria irabazi behar dela. O Iauna, eman diazadazu fedea, baina eztidazula obrarik gabe, ezen hola lizateke. Eman diazadazu karitate bat, bina zeure kontentamendukoa, ezpere ni naiz kreatura dohakabe bat.

        O Iondone Martia handia, zuk hirur berthute prinzipal hauk pratikatu ditutzu nobleki eta hala pagamendutan ezagutzen zaitzu guzia: baina ni nola hutskor eta bekhatore handia baitnaiz, izitua nago neure aldetik, eta boztua zu zeure aldetik helduko zaiztala.

        Gomendatzen deratzut bada neure burua ahalik debotkiena, gomendatzen deratzut eta arren pietatezki enzun nazazu. Gomendatzen deratzut zeure patroiniako herria, neure adiskideak ungi egileak biziak eta hilak. Hauk guziok eta noren gana gehiago zordun baitnaiz hek guziak gomendatzen derauzkitzut gomendatzeko diren forman hek eta nik zure faboreaz arimako salbamendua erraixtea gatik, diot, Iainkoaren plazereko berthutetan segitzea gatik. Biz hala.

Kofesioko mirailla

        1. Errezibitu aitzinean hurur pontu egiteko dira; lehenbizirik zeure konzienzia examina ezazu eta kokfesio oso batez zeure arima guzia xahu ezazu.

        2. Kofesiotik lekhora lekhu sekeretu batean iar zaitea eta han zeure espiritua alxaturik mira eta pensa ezazu bekhatu mortalik kofesatu gabe ahanzi zaitzun: gero errezibitu behar duzun Iaunaren kontentamenduko amorio bat garbia eta perfeta Espiritu sainduari eska zakitza.

        3. Zeure konzienzia barurez, othoitzez eta hunelako debozino onez aberats eta eder ezazu: hauk hunela eginik presenta zaitea Iainkoaren mahainera humiltasun guziarekin.

        1. Halaber errezibitu dukezun ondoan hirur pontu dira: lehenbizirik komoditateak hala emaiten baderatzu bazter batetara berezirik Iainkoari eskerrak eman diatzotzu debotki.

        2. Errezibitu dukezun egun hartan guzian bere gainki eta berzetarik seiñalatukiago Iainkoa zarbitza ezazu; hunetarakoktz jendetarik aparta zaitea, eta Iainkoari hurbil zakitza; alferreriak eta banaloriak utz itzatzu eta Iainkoaren zerbitzuan enplega zaitea.

        3. Gero gehiago bekhatu egitetik begira zaitea; zeren eta berriz bekhatutara bihurzekotz hobeago baita millatan ere errezibitu gabe egoitea; arrazina zergatik hoberago den da, zeren-eta nola digneki errezibitzen baitu, hala indigneki errezibitzen duenak bere damnazinotan errezibitzen baitu.

Pensamenduen gainean akusatzea

        1. Pensamenduzko bekhatuak dira kofesatzeko gaitzenak, baina erraixtea gatik nota beitea laur gauza. Edo berehala pensamendu gaixto hek khenzen ditugu geure gogoetarik, eta hunela khenzea da meritua. 2. Edo denbora apur bat gogoan darabilzagu, etga hunela erabilzea bekhatu benial da, baldin behinzat konsentimendu osoa pensamendu hartan eman ezpadezagu, eta konsentimendu hau berehala eman daiteke. 3. Edo obratu behar ditugula deliberatzen dugu eta hunelako deliberatzea da bekhatu mortala, eta obratzen balu bezalako suertetakoa. 4. Edo pensamendu hetan plazer solamente harzea gatik gogoan darabilzagu, eta plazer harzea mortal da bekhaturik egiteko gogorik ez izanagatik ere: zeren-eta bekhatu egiteko peril handian bere burua emaitea.

        Egitea bekhatu lizatekeien gauza baten gainean pensamendu gaixtoak, berak berariaz egitea da bekhatu mortal, baldin behinzat bere oldez egin gabe utzi ezpaitu, erran nahi da, eta gerokotz ere nota bedi, baldin trabarik izan ezpalu gogora zaizkan pensamendu gaixto hek obratu nahi bazituen, erran behar da zer pensu eta zenbat diren: atseginik hartu ezpaduzu gogoeta hetan, ethorria gatik eta egina gatik, bekhatu benial dira.

        Premiarik gabe nihori baiak eta iuiamendu arimak erauztea da bekhatu mortal gauza baliosaren gainean baldin bada unelako erauzketa, ezpere benial da, diot gauza baliosaren gainean eztenean.

        Gogan-behar gaixtoak sinhesten direnean mortal dira, sinhesten eztirenean benial. Fedezko gauzez dudatzea nahi gaberik, benial, deliberaturo mortal.

        Ametsei, eskuniuratzei, eta berze sorginkeriei sinheste emaite da bekhatu mortal, baina kofesa ezazu gauza hastetik eta den den bezala.

        Iainkoak zerbaitetan eztuela ungi egin deliberaturo ezpa berak bere nahiz pensatzea da mortal, gogora ethorria gatik gogoaren borxa bezala halko gogoetak egitea eta gogorik ez emaitea da benial.

        Berzeren onaz damu harzea eta gaitzaz plazer harzea berak bere nahiz eta gauza baliosean mortal, gauza deus gutian eta bere nahi gabe benial.

        Herioa edo berze gaitzak nihork nihori edo bere buruari zinetan desiratzea da mortal, ixendoz desiratzea benial.

        Nihork nihor bekhatu mortal bat egin baleza nahiz berariaz akullatzea da mortal, ekta nahiz eztezan berzeak egin zuk eragin nahi zinioen bekhatu mortala, guziak gatik eragin nahi zioen hark zeren bere borondatzen zetuen faltatu, bekhatu egiten du.

        Botu prometatua egin ahal dezakeiela ez konplitzea bekhatu mortal da, baldin botua gauza merezizkoa gatik egina bada: gauza tipiz gatik egina bada benial da ez konplitzea. Hala Abe Maria bat erraitera botutuz geroz ez erraitea benial da.

Hitzen eta minzoen gainean akusatzea

        Hitz ergelak eta ezgauzaz baigauzazkoak benial dira.

        Gezurrak zinik ezpa arnegurik gabe erranak edo nihori daiñurik ekharten eztiotenak, benial dira: baina iuraturik gezurrak erraitea trufaz edo dostetan minzo baliz ere bethi mortal da.

        Gauza dudazkoaren gainean iakin gabe, egia dela burfidiatzea, edo egin gogo eztuen gauza bat eginen duela arnegatzea da mortal, eta bekhatu mortal arnegatua konplizea dira bi bekhatu mortal.

        Obra on bat egiteko arnegua konpli ahal badeza ez konplitzea da mortal, ezin konpli ahal badeza, da benial.

        Nihori gezurraren gainean, edo gezurra dela uste duen gauzaren gainan arnegaraztea da bekhatu mortal.

        Eginen duela, segur eztn gauza, eza ezin egin dezakeiela uste duena duda hunekin eginen duela arnegatzea da bekhatu mortal.

        Mengoa gabe gezurraren gainean zin egitea da mortal: egiaren gainean, benial.

        Ene fedea, ene fedeaz, ene egia eta hunelakoak errana gatik eztira iuramentu, baldin Iainkoaren fedea edo Iainkoaren egia hala errailleak aditzen ezpadu edo iuramentutzat ezpadadutza.

        Gezurraren gainean erraitea Iainkoa lagun eztagidala, edo horra zerua, eguna, ene arima, gurutzea, ogia eta hunelakoak bekhatu mortal dira.

        Konplitzeko gogarekin halako edo halako akustze eginen duela arnegatzea, eta gero hobeago eritzirik egin gabe utztea, ez akusatze hura ezta bekhatu, halaber amak bere haurra zehatuko duela zin eginez geroz zehatu gabe utzte hura ezta bekhatu: baina haurrak zenzatu bahar direnean zenzatzera burasoak tenitu dira, klar da.

        Berenez bekhatu ezten gauza edo bekhatura ere okasino ezten gauza aitzitik solamente indiferenta, nola baitira pilotan eztela iokatuko iuratzea, halako galza suerte ez ituela ekharriko, halako konpainiarekin eztuela segituko, halako, etxetara, karrikatara edo lekhutara eztela ioanen iuratzea ezta bekhatu: ordea lekhu hetan, konpainia hetan eta berze tratuetan bekhatu mortal egiteko okasinorik baldin bada, bere iuramentua hautsirik ioitea bekhatu mortal da, baina bekhatu egiteko suietik eztenean badohake libreki.

        Presuna hilak edo biziak gaitzetstea, madarikatzea, maldizinatzea, edo bere buruari gaitz desiratzea kolera dela kausa, gaitzik ethor ezledin nahi badu da benial, gogoz bezala bihotzez desiratzen badu da mortal.

        Deabrua bere lagunzat, bere eramailletzat edo berze finetakotz ixendoz deitzea da benial; zinez deitzea da mortal. Halaber demonioari ohore ekharzea edo arima emaitea da mortal.

        Iainkoa, Birjina eta sainduak arnegua edo niholazko hitz gaixtoz aiphatzea da mortal, eta errazu zina eta iuramentua. Hitzez edo berzela nihork nihori narritan bekhatu eragitea da bekhatu egitea, baldin berariaz narritan badagoka berzeari bekhatu eragitea gatik ezpa berzenez segur bada bekhatu eraginen dioela hala egoiteaz.

        Exenplu gaiztoa emaitea, fama gaixtoa pitztea, skandala ereitea eta bekhaturako bidea duten gauzak iakiara irakastea da mortal, baina berenez bekhaturik ezpadute dira benial.

        Nihor niholako bekhatu mortalez laudatzea edo nihor bekhatu mortal egitera zagitzea da mortal.

        Eguna, ura, haizea, eta hunelako kreaturak madarikatzea, Iainkoa huken egilea gaitz erraiteneztela sinhesten baduzu, halaber besta eguna bestakomisterioa aditzen eztela madarikatzea ezta bekhatu benial baizen.

        Nihor iniuriatzea, eskarniatzea, ihakinzatzea edo gauza ansiazkoz berzela desohoratzea da mortal, eta hala erran behar da nolako desohorea den, gero kasuzko gauzaren gainean barkhazino eskaraztea gatik ezen tenitu da, baina suiet tipia gatik ez ezen benial da. Nabusiak bere muthila publikoki erreprenda dezake desohoratu gabe gaztigatzea gatik. Halaber burladerian batak berzea zenbait aldiz eskarnia dezake: ordea trufarik harzen estakienarekin ez iharduki, zeren-eta halakoari bekhatu eragiteaz atsegin harzen baduzu, hark bekhatu egiten duen bezanbatetan zuk ere egiten baituzu.

        Falta gabeak desfamatzea, hobenduriak ere ohorean barrena ukitzea, opione gaixtoan ezartea eta desondratzea da mortal. Boz exenplu. Nihor ohoin dela, putaner dela edo berze gisako bekhattu mortal egile dela publikatzea da mortal; gauza gutia gatik benial.

        Egiazko gauzak izanagatik eztakitzatenei gauza hek egilea desohoratzea gatik edo desfamatzea gatik erraitea da mortal.

        Dakitenetan nihork nihori nihoren baia eta tatxa erranagatik egia segur hala dakienean ezta bekhatu. Erranagatik hara hura puta da eta hala izan kauturo, eta erraiten derauezunek ere iakin, ezta bekhatu: baina gezurraren gainean hala nihor desfamatzea mortal da.

        Nik herra gatik, inbidia gatik, gaizki nihor famatzen dela enzutean plazer hartzea da bekhatu mortal egitea.

        Kaltea jendetan ager baledi nahiz bruita eta gaitzerizko ereitea da mortal.

        Bere bekhatu eginez bantatzea da mortal eta Iainkoari desplazer zaika.

        Egin gabeko bekhatu mortalez, ala hark egin plazer harzea gatik edo nihor desohoratzea gatik bantatzea da benial.

        Besta egunean mezara faltatzea edo trabu handirik gabe mezatik parte bat ez enzutea da bekhatu mortal.

        Meza ez enzutera deliberatzea eta nihor enzutetik gelditzea, alabaina faltatzeko eta faltarazteko okasino handirik ere ez izan, da mortal.

        Meza erraiten den denboran gogoa maiz barzetan edukitzea edo denbora luzean zarzo handian egoitea da mortal.

Obren gainean akusatzea

        Barur egunean mengoa gabeko gauza debekatu iatea da mortal.

        Hogoi eta bat urthetarik harat barur ahal daitekeiela ez barurzea da mortal. Ordea ungi egitea gatik gazteago dela ere nihork egin ahal dadinean barurzeko du; bataz barurzea berenez guza ona baita eta berzeaz gerokotz ere goizdanik plegu ona harzeak hainitz balio baitu.

        Besta egunean premia hondi gabe denbora hainitzez trabaillatzea de mortal.

        Etxekoen erranak ez sinhestea, oihuz hek ibenzea eta bera ere gauza xarra gatik oihuz egoitea da benial. Mengoazkoa denean konfesa beza.

        Eskatima izaitea, zehatzea, ukhabilakoak emeitea, kolpeka haritzea, garrote kolpez nihor bethetzea, harriak nihori min egiteko gogoz aurtikitzea da mortal; gogo hau gabe eta gauza xarrean da benial.

        Nihor nihori nardatzea edo gaitzetstea kalteak desiraturik da mortal, gaitzik desiratu gabe eta gauza xarra gatik benial.

        Nihoren sekeretuak damu egitea gatik edo kaltea handik kausatzen zaikala salhatzea da mortal, guziz ere nihori ez erraiteko zin egin bazuen.

        Hazkak, musuak, promesak, fin gaixtotako hitzak edo gogo gaixtozko obrak mortal dira borondate gaixtoa dela kausa; beraz o zenbat bekhatu mortal gazte erhoek egiten duten! Hitz guziak, promes guziak eta hazka guziak bat banaka mortal dira desirapen gaixtoarekin egiten direnean.

        Borondate gaixtorik gabe, perilik gabe edo skandalo gabe hitz desonestak erraitea da benial. Ordea maleziarekin, perilekin edo skandalorekin erraite da mortal.

        Bekhatu mortal egitera desiratze guziak desiratzea baizen obratzea ez eginagatik nihor borondatez emana denean mortal dira.

        Bekhatu mortalean hirur gauza dira, lehenik plazer harzea, hurrenekorik egitera deliberatzea, azkenean obratzea, eta obratzea da guzietako handiena; halakotz obratzea erraitea asko da plazer harzea eta deliberatzea aditzea gatik.

        Haragizko mugidak izaitea eta gogotik hetan plazer harzea da mortal, ez ordea gogoaren borxa mugida hek heldu zaizkunean, ez ordea desplazer deraukutenean, ez ordea khenzera enseiatzen garenean; baina kofesatzea hobe da, zeren-eta delientki khendu behar baitira.

        Mugida hauk dituela gizonak emaztetan eta emazteak gizonetan pensatzea da bekhatu eta nolakoa baita intenzionea halakoa da bekhatua ere. Kofesatzean ezta erran behar presuna ez etxea, baizek edo ezkondua da edo birjina da edo taillu hartakoa da.

        Gizon batek gaizki egitez gatik nihork maita balitza desiratzea da mortal: erran nahi da gizonak emaztetarik halako amorio desonesta desirazea, eta emazteak gizonetarik.

        Borondate gaixtoarekin amoranzian ibilzea, nihori behatzea, gortheatzea, trabuak gatik baizen, bere oldez ez hutsik egitea da mortal. Ordea intenzino gaiztorik gabe behatzea ezta bekhatu.

        Parte iasaiteko borondate gaixtoa gatik berreginzea, ederzea, beztitzea, irakurzea, eta bere gogoz hunelako enseiu debekuzkoak egitea da mortal.

        Amets desonesta gerthatzera desiratzea da mortal, eta erran behar da zer amets den.

        Bere haragiari plazer emaitea gatik bestiak nihork erabilzea, edo hekin bekhatu egiteko irritsean, edo berak bere buruarekin haragia kontentatzea gatik eder eztiren akzioneak egitea da mortal.

        Berzeren onak ebatstea eta gauza bliosean hainitz enganatzea da mortal, eta enganioz sobera eramana eta balioaz gehiagokoa errendatu behar zaika: ezen errendatzera obligatu da.

        Bere etxean etxekoek nahi eztuten gauza, nabarbena eta baliosa eta nabarbena ezpada benial. Hainitz ebatsteko gogoa duela guti ebatstea mortal, baita gogo hura bera ere.

        Berzeren ona bidegabeki desiratzea eta nihork nihori kaltea zinez egitea, da mortal. Ez ordea nihori kalterik egin gabe berzeak bezala berak ere onak nahia.

        Ebatsia dela dakizun gauza erostea da mortal, eta bere iabeari, baldin badakizu nor den edo egerzen bazaitzu errendatzera tenitu zara: mezetan edo berze obra onetan ere ezta enplegatu behar, lekhat iaberik nor duen iakin gabean baizen. Umek bere legitimoa ezpa bere etxetarikako partea izan ezpadute adinetara heldu faltaz edo bothererik izan gabez, ezin ioka dezakete, eta hala hei irabazi diruaz gauza bera diotsut, eta zure gogoz kaltek hartu duen kontrarioaz ere halaber da, diot zuk nihoren kontra nihori gaitz nahiz allegatu duzun falso testimonioaz.

        Gauza sakraturik edo lekhu sakratutik ebatstea da bekhatu handia.

        Urgullutzea, bantatzea, bere burua berzeak baino gehiago estimatzea, gorrotuz edo gogo gaiztoz nihor arbuiatzea da mortal.

        Bere buruaz prezatzea, laudatzea, alxatzea, lorifikatzea, Iainkori dagokan ohorea ukitzen ezpada edo hargatik nihori gaitzik heldu ezpazaika, da benial; orobat da litstirtasuneko gauzez. Koleraz, sabeldarraioaz, abariziaz, nagitasuanaz eta hunelakoez gauza bera diotsut. Hau da kofesioko mirailla eta nihork gutik bere konzienzia deskargatzen duen pontuak. Baina kofesioaz osoki tratatzeko ezta hemen orai lekhua eta ez ene borondatea biz beraz hau asko.

Kofesa aitzineko othoitza

        Munduaren salbatzaillea, Iesu Kristo Iauna, zeruko eta lurreko erregea! neure bihotzean dolore batek oinhazerik eta narriorik baizen eztarot emaiten, ene gogoak pena handia du; zuk niri kortesia handiak egin derauztatzu, eta nik zurei ezagutzarik ezterautzut eman. Egia da, o Iauna ene ingratasuna zure maiestatea gana handia dela eta damu dut, baina guziarekin ere zeure pietatea gatik arzain onak bezala ni ardi errebelatua zeure arthegian sar nazazu, midiku onak bezala zeure ordenanza sainduez senda nazazu: hunetarakotz banoha zuk ordenatu derautazun iugearen aitzinera eta deus berretu edo gutitu gabe dena den bezala, haren belhaunetan kofesatuko natzaitzu; eztut erranen zuk eztakizunik, egia da, baina eginen dut zure borondatea, da iakiteko, neure hobena ezagutzea, ethorkizunera emendatzea gatik eta zure garazian parte izaiteagatik: ordea, o Iainko lorifikatzaillea, bidezki eta zure maiestate handiari eder zaikan bezala lan guzia akhabatzea gatik eman diazadazu adimenduan argitasuna, memorian orhoitzetasuna, borondatean arteztasuna, eta ahoan egiazko kofesioa. Plazer baduzu, badaidizu, plazer duzu bada eta eginen duzu zeure miserikordia gatik eta absolbazinoaren berthutez emanen derautazu penitentei emaitera ohitu zaren garazia. Biz hala.

Kofesa aitzineko othoitza

        O kreatzaillea, beha diazadazu o salbatzaillea, barkha diazadazu! o santifikatzaillea, iustifika nazazu! o neure Iainkoa, har nazazu! nigarretan urtzeko suieta da ene bekhatoregoa: izitzeko fortuna da ene bekhatutan erortea; ondiko handia da presuna bere faltaz hunelakatzea; beraz, o pietatearen Aita paregabea! ez natzaitzu urrikalzen? badakit eta aithorzen dut handiro ofensatu zaitudala; baina erremediatzea gatik nik ikhasi dudan erremedioa da zure gana ihes egitea eta zuri urrikimendurekin barkhazino eskatzea, infinituak finitua, kreatzailleak kreatura, guziz botheretsuak herbala, guziaz zuhurrak erhoa, guziz onak gaixtoa, eta guziz zu zarenak ni naizena beretzea gatik. Zure ontasuna infinitua da, ene falta finitua; zure ontasuna naturaz da, ene falta kostuma gaixtoen lehiaz; eta hala badut zeri esporza zure baithan: zeren-eta zu aldetzen zaiztan pontuan ene bihotzak izanen baitu bere deskansua. Egia da munduan ordinarioki nik orai dudan arrankurak baino gutiagok deihadarka eta nigarretan gendeak ezarten dituela. Bai, o Iainko guziz ona! lurreko onhasunak galzeak, haurrak hilzeak, aziendak heldekatzeak, eta berze fortunak nola baitira adiskideak etsaitzea, desafioak, eta berzeak, nihor sentimendutan emaiten dute; baina nik neure bekhatuak gatik galdu zaitut adiskide pare gabea, eta neure etsaik gaitzena gana erori naiz, kalte handia! zeruak hondatzea, aingeruak ezdeustea, lurra ilhaunzea, eta naturazko gauza guziak mudatzea ezta gaitz hauk bezanbat, eta bizkitartean nola bizi gara? Nolako errespetua dugu? Nolako sentimendua dugu zu horrelako Iainko baliosa galzeaz? Inkuntru dohakabea! Bentura madarikatua! Oren gaixtoa da Iauna ofensatzea. Beraz neke hautarik ilkitzea gatik neure borondatea emaiten deratzut. Ezen zu zara ene Aita, ene egilea, ene salbatzaillea, ene erregea, ene arzaina, eta ene ontasun guzia. Aita eztia, barkha diazadazu. Egile miserikordiazkoa, errezibi nazazu. Salbatzaille amoriotsua, ezagut nazazu. Errege defensora, defenda nazazu. Arzain arthatsua, erregi nazazu eta ontasun guzia zeure ontasunaz gozatzeko garazia eman diazadazu. Sainduak allegeratuko dira, aingeruak bozkariatuko eta dohatsu guziak prezatuko; hunetarakotz kofesioa ordenatua da; zuk ordenatu duzu; beraz guk geure aldetik faltatzen ezpadugu, zurekin adiskidetzeko erremedio gerthua da kofesioa? horre ene esporzua, Aita Iainkoa. Horra ene sinhestea seme Iainkoa. Horra ene premiaren ase-lekhua, Espiritu saindua. Aita Iainkoa eman diazadazu orhoitzapena, Aitaren semea, eman diazadazu ezagutza; Espiritu Saindua eman diazadazu urrikimendu degnea, eta Trinitate Saindua eman diazadazu neure falta guziez barkhamendua, o ene arima, kuaria har ezazu! O ene bihotza, esporza zaitea! o ene borondatea, goberna zaitea! akusa zaitea konzienzia zeure falta guziez, kofesa zaitea eta emenda, zeure Iainko iugearekin adiskidetzea gatik eta zeure salbamendua gatik. Biz hala.

Kofesa ondoan othoitza

        Iainko guziz ona eta guziz emea, presenteko kofesioan deusik ahanztera gerthatu bazait, ez naiz orhoit, ezta ene oldea, eta orhoitzen baninz harzaz ere penitenzia egitea gatik kofesatzeko borondatea badut; guztiarekin ere huts egite horretara nola bethi ohituak baitzara, eta ardura usanzak berak kurritzen baiteraku, hargatik errekeritzen zaitut, Iainko Iauna, arren zeure garaziaz zeure gogara molda nazazun eta agradatzen zaitzun bezalako penitenzia oso bat eragin diazadazun, baina bitartean, maiestate handitako Iainkoa eskerrak eta laudorioak derauzkitzut; zeren-eta eri ninzenik sendatu nauzun; lohi ninzenik xahutu; galdu ninzenik ediren; hil ninzenik pitztu, eta ezninzenik naizendu. Orai dezagut arimak ahal dukeien faborerik handiena eta konsolamendurik aberatsena dela deabrauaren paperetarik libratzea, bekhatutik ilkitzea eta Iainkoarekin adiskidetzea. O dohatsutasun hunen sorzaillea! ditutzun beraz laudorio eternalak, zeren hain gogotik lagundu zaiztan neure probetxu on hunen bilhatzen: ezen nerorrek huts badaidit, baina neror ez naiteke neure indar xoillez erremedia, zu zara, Iauna, zu zara ene baithan on hauk guziak egiten ditutzun laboraria, eta zuri derauzkitzut eskerrak, zu zara nitzaz artha duzun Iainkoa, zu zara ene bilha zabilzan nabusi handia, eta ni naiz zuk plazer duzunaz geroz zuk ediren nazazun nahi dudana, hemen naizen artean bethi garaziaz eta hor sekulako egoitza benedikatuaz. Biz hala.

Errezibi aitzineko othoitza

        O amorio edireilla! o karitati arteriotsua! o afizino espirituala! Ahamen batek gal ninzan ahamen batek errepara nazan! Bianda batek eraman ziazadan, bianda batek bizia errenda diazadan. Haragi batek pozoa ninzan, haragi batek garbi nazan! Goazin bada biok, ene Iesus eztia, zure mahainera, non zu izanen baitzara bianda eta ni ialea, zu ene gorputzean sarthuko zara zeure gizatasunarekin eta nik zure iainkotasuna arimaren barrenean errezibituko dut, zuk neure bihotzaren hondarrean emanen derautazu musu, eta nik othoiztuko zaitut, arren har dezazun ene bihotza, eta eman diazadazun zeurea, biok bat egitea gatik: ezen hunelako batasunaren egitera zure garazia aitzindariak ernatu nau, eta zure garazia elkharrekikoak besarka ditxetala konfortatzen nau eta zure garazia iustifikariak emaiten deraut inozenziaren lehenbiziko arropa eta bihurzen deraut karitatearen erraztuna. O prezio ezin estimatuzkoa! molde hunetan zu zeure garaziaz eta miserikordiaz enetzen zara; eta ni zurea naiz guzia; zeren zuk kreatu, zuk erosi, zuk konserbatu zuk izaitea eman, zuk garazia errepartitu baiterautazu eta egun batez parabisua errepartituko baiterautazu promes derautazun bezala. Biz hala.

Iainkoaren amari errezibi aitzineko othoitza

        Deskortesia handia lizateke semea errazibitzean ama ez salutatzea edo bedere nolazpait iakinduri ez egitea. Falta handia lizateke gizonen ararteko leiala, nolakoa baita Ama Birjina andrea, ez salutatzea. Beraz hunelako hobenetarik apartatzea gatik eta nerue eginbideari ekhitea gatik salutatzen zaitut neure bihotzik hoberenaz semearen Ama, Aitaren alaba, Espiritu sainduaren esposa, eta zure seme Iauna Ostia saindu hunetan apezaren hitzen berthutez edireiten dena ohoratzeko abiltasuna eman diazadazu. Andrea zu bere ama naturala zaitu, eta gu gaitu bere anaiak, baldin haren borondatea konplitzen badugu. Andrea, Iaun hau zure sabelean egotu da, eta gure bulharretan pausatzen da. Andrea, zure haragi garbia haren haragi formatu da, ogiaren sustanzia haren gorputzten da, eta arnoa odol preziatu bilhakazen. Andrea, zu zara dohatsuena, Iainkoaren hurrena eta berthuten ama bethi benedikatua, ea bada ni ere zeure berthutetan partale egin nazazu. Ordea nork deklaratuko du, andrea, zuk nolako debozinorekin, humiltasunekin eta errespetarekin zeure tenplu sakratuan bederatzi ilhabetez zeure seme Iauna nik presenteon errezibitu gogo dudana eduki zenduen? Nork deklaratuko ditu Birjinaren borondate sainduak, hunen adimenduko argitzetasunak, Espiritu sainduaren hautemaiteak, Iainkoak hau gana eta hunek Iainkoa gana egiten zituzten bisitak! Abantail hauken orhoitzapenetan izan diazadazu fede handi batekin, karitate bero batekin, humiltasun guzizko batekin, eta debozino digne batekin egin zure seme Iesu Kristo Iauna errezibitzeko garazia. Orhoit zaitea, andrea, Iesus baithan duzun arduraz eta hura zure semetzeaz zu ere gure ama egin zinela. Beraz hura gaizki guk errezibitzeaz zuk damu harzen duzu? Halakotz balia zakizkit, ama dohatsua, eta konsola nazazu Iaungoikoaren borondatea digneki konplitzera: zeren-eta perfetak perfetuki behar bailuke zerbitzatu. Hunetarakotz, andregoikoa, mahain saindu hunetara hurbilzen gara, edo behinzat haugatik ordenatua da, eta baldin geure probetxutan hurbilzen ezpagara gurea da falta, falta ere handia. Ordea ignoranziak batzutan batzuei ahanzten daraue zer egin behar den : a! ni, neure ama konsolagarria, munduko inorantena, atxakiosena eta kulpantena deliberatua nago zer ere zeruko partez irakhatsiko baitzait hura guzia gogotik egitera, Iainkoaren laudoriotan, saindu guzien kontentamendutan, etsaien laidotan, desohoretan, ahalketan eta konfusiotan; beraz, o neure andrea, Iesus digneki errezibitzeko dohaña izan diazadazu hauk guziak hunela ungi konplitzea gatik. Biz hala.

Errezibi aitzineko othoitza

        Gargoro denbbora da amorioak garai dezan debozinoaren hotztura, esperanzak beldurtasuna, barkhazinoak hobena, sinhesteak ene arimako ilhauntasuna, kapitainak soldatua, dukeak baroina, prinzeak aitonen semea, erregeak prinzea, eta zure ontasunak ene gaixtatasuna. Gargoro denbora da bekhatoreak ezagut eta aithor dezan bere Iainkoa, bere salbatzaillea, bere Iauna eta nabusia. Gargoro denbora da nik kreatura pobreak aithor dezadan neure falta. Zeren eta zu baitzara salbamendua eta bizia. Beraz, o Iauna, ostia sainduan errezibituko zaitut, ez neure galzea gatik, baina salbatzea gatik: ez neure hondatzea gatik, baina itzurtea gatik: ez kondenatua gerthatzea gatik baina onzea gatik eta danmazinotik atheratzea gatik. Egia da eta badakit gutiago lirelarik ere ene bekhatuak aski liratekeiela ene damnatzeko, baina urrikimenduzko kofesio batez barkhamendua zuk eliza egiatian ordenatu bezala eman zait, eta penitenzia bidezki egin dezadan orduan emanen derautazu kitanza. Iauna, enea da hobena,zurea da ni eskatzen natzaitzun garazia; enea flakeza, zurea indarra: enea gaizki guzia, zurea ungi guzia, eta hala zeure perfetasun infinituaz ene tatxak eta atxakiak prefetzea gatik, zuk duzu erremedio osoa. O Iauna, borondate onez errezibi nazazu, o Iauna zato ene gana: ezen zu zara Iesu Kristo Iauna, ene anaia, ene kapitaina, ene esposa, ene bianda eta ene errekonpensa: zu zara ostia sakratu hunetan errealki zaudena, aingeruen mirakullua, gizonen amorioa, deabruen izialdura, giristino fidel geien bizitzea, fidel eztirenen heriotzea, onen konsolamendua, gaixtoen gaiztigu zinezkoa, prestuak parabisuan harzen ditutzuna eta debauxak ifernuan karzelatzen ditutzuna. Iauna zuk plazer bazendu zeure burua gaztigu hutsez eta beldurkundez errespetarazi munduko prinzek egiten duten bezala, baduzu bothere; baina eztuzu amorio borxatuturik nahi, ez ohore beldurkundezkorik, ez zerbitzu disimulaturik eta aithor gezurrezkorik; Iauna, zuk eskatzen duzuna da borondate ona, amorio egiazkoa, aithor bihotzetikakoa eta ohore perfeta. Iauna, berze alde gizonek bere asetzailleak eta bgere sendatzailleak maite dituzte gbere gorputzetako plazera gatik, baina arimako bonaxera gatik eta sendatzea gatik harrituak eta ingratak dira, ansikabe eta laxo. I itsumendua! o pietatea! Iauna, hil behar naiz, hil behar naiz eta ezin itzur naiteke; kontu eman behar dut, eta iuiatu behar nauzu; beraz nik adimendurik baldin banu neure parabisua gatik bedere maitatu behar zinituket, sinhetsi eta zerbitzatu. Ea bada, neure Iainko ona, zure mahain sainduan gure bion arteko bakea notifika bedi, gendek exenplu harzea gatik, gosea asetzea gatik eria sendatzea gatik eta ni salbatzea gatik. O denbora zuk egundainotik hautatua! o egun ordenatua! o goiz preparatua! io inkuntru dohatsua! zato, zato, Iainko bothere guzia duzuna, zato ene arimaren barrenean ostatu harzera; zato aberatsa pobrea gana; sendoa herbala gana; midikua, eria gana; karitatea, horma bezalakoa gana, zuk ni zeure ethorzeaz zeror bezalakatzea gatik. Biz hala.

Errezibi ondoko othoitza

        Iesu Kristo Iauna, zu arima eta gorputza, iainkoatsuna eta gizontasuna ene gana zara eta niri eman zaizkit; aingeruak lekhuko dira, sainduak eta dohatsu guziak ere bai. Eskerrak behar zinituke, ala baina nihork emanen baitu, gai ere behar du. Beraz. o erregen erregea! zutzaz berzerik nor erxatuko dut? Zuk duzu behar bezalako moiana, eta gu ez ingrat hilzea gatik, arren zuk behar duzu gure eginbidea konplitu, zeren zu zaren bezain baioso eta handi zaren, eta zeren gu hunen gutiak eta balio gabeak garen. Ea bada pena hautarik erremedia gaitzatzu, eta zerbait esker Aita eternalari eman behar derauzkagunaz geroz garen guziak baino gutiago ez deus eskain ez geure baithan, baina zeure baithan eta zeure gatik. Hauk guziok zure baithan eztute ezinik, aitzitik nik erraitea baino zuk egitea aisekiago millatan daidizu. Iauna, othoi, duzun pietate, miserikordia eta urrikalmendu. Iauna, othoi, eman diazadazu fabore, garazia eta berthute. Iauna, othoi konsidera ezazu nor zaren eta zertara ene ostatu pobre hunetara zaren. Ene perfetzeagatik ethorri zara eta ungi ethorri zarela flakoen indarra, munduko perilen defensa, barkhamenduaren ardiestea, garaziaren berretmendua, biziaren erremedioa, ene bideko pitanza, ene hatsaren konfortua, ene lanaren pagua, ene salbamendua eta ene desiren konplimendua. Ibilzean segi nazazu, errebelatzean bihur nazazu, errebelatzean bihur nazazu, itzulzean har nazazu, ikharatzean eduki nazazu. Biz hala.

Errezibi ondoko othoitza

        Nola bizi naiz. o Iauna? Nolako kontua egiten dut? Zer duit eta zer hari naiz? Fabore handiak izatu ditut eta nik ez eskerrik errendatzen. Espiriturik sabantenak, bothererik handienak eta kreaturarik noblerenak! hunelako iainkoazko endrezua lauda ezazue. Iainko handiak ene baithan hartu du ostatu, ni handitzea gatik, ohoratzea gatik, konfortatzea gatik eta alde guziz abantaillaitzea gatik: zeren eta Iainkoa bera niri emaiteaz eman baitzait zeruan eta lurrean bakea. O ene salbatzaillea, zu zara ene arimaren kontentamendua, argi eternalaren ithurria, atseginen konplitasuna, konplitasunaren ohatzea, ontasun guzien Aita eta ene bihotzaren asesiamendu osoa. Gargoro ez naiz neure borondatez gobernatu nahi; Iauna, zure manamenduez gobernatu nahi naiz zuk plazer duzuna egitea gatik, eta hala ene arimak zu bethi bilha zaitzan, zu bethi ediren zaitzan, zure gana bethi ethor dadin, zure minza dakizun gauza guziak zure izenaren laudoriotan eta ohoretan obratzea gatik. Huna non eriak edireiten duen osasuna; itsuak argia; ezilktuak kuraia; pobreak aberatstasuna; nekhatuak pausua; penitentak barkhamendua, eta hala behin, baina behin hunek bethiko irautearekin dirauela, erran beza ene arimak: laudatu dela ontasun hunen emaille pare gabea; laudatu dela behin, bietan, eta hiruretan ene baithan ostatu harzera dudatu eztuen Iainkoa, laudatu dela handiro orai eta bethiere, hemen eta lekhu guzietan. Biz hala.

Errezibi ondoiko othoitza

        Eskerrak eta laudoriak deraukitzut, o Iaun pietateduna, Aita bothere guzia duzuna, Iainko eternala, zeren ni bekhatoreor neure merezirik gabe zeure miserikordiaren botherez gure Iesu Kristo Iaunaren gorputz preziatuaz eta odol sainduaz bazkatu bait nauzu, eta othoitzez nagotzu presentean errezibitze hau balia dakidan neure salbamendutan, borondate on baten berretkunatan, neure gaixtakerien desegitetan, gutizia gaixtoen desterrutan; karitarearen, pazienziaren, humiltasunaren, obedienziaren eta berthute guztien aitzinamendutan, etsai agerien edo egeri gabeen enboskadetarik salbatzekotan, neure mugiden dela haragizkoen, edo espirituzkoen sosegamendatan, zure baithan, egizako Iainkoa, neure fina dohatsuki izaitekotan eta zeruan konpkitasun guzian zu behin ikhustekhotan: ezen zu zara sekulako banketean sainduek duten egiazko argia, asesiamendu konplitua, bethiereko bozkarioa, plazer osoa, eta dohatsutasun eskasgabea zeure semearekin eta espiritu sainduarekin Iainko bat. Aita eternala, ni ere othoitzez nagotzu, arren behin horra hedatzeko garazia emen diazadazun, Iesu kristo Iaunaz beraz. Biz hala.

Errezibi ondoko othoitza

        O Iainko eternala, zu gizonaren umeaz orhoitzeko eta zuk gizonaren semea hautemaiteko, zer da gizona? egun duzu aingeruez azpitik eta heldu zaizka aingeruez konpainiaturik. O ene Iauna eta ene Iainkoa, ala zure izena admiratzekoa baita zeure ontasunak gatik.

        Beraz benedika zaitzatela aingeruek, arkangeluek eta buruzagitasunek, lauda zaitzatela eta lorifika mende guzian.

        Benedika ezazue bothereak, bertuteak, eta iauntasunak, lauda ezazue eta bethierekotz lorifika.

        Benedika ezazue tronuak, kerubinoak keta serafinoak, lauda ezazue eta lorifika bethiere.

        Patriarkak eta profetak benedika ezazue gure Iauna, lauda eta lorifika sekulakotz.

        Apostoluak eta ebanjelistak benedika ezazue gure Iauna, lauda eta sekulakotz lorifika.

        Martirak, dotorak, ipizpikuak eta kofesorak benedika ezazue, lauda eta bethierekotz lorifika.

        Apezak, lebitak, birjinak, alhargunak eta zeruko saindu guziak benedika ezazue gure Iauna, lauda eta lorifika. Guziok eskerrak eman diatzotzue hunelako fabore handiak gatik, eta niri egin derauztan beregaineko kortesiak gatik. Biz hala.

Errezibi ondoko othoitza

        Birjina gauziz garbia! nork erranen derazku zure elheak, konzertuak eta platika sainduak? Nork kontatuko derazku zuk zeure semearekin zinituen arima alxatzeak, botuak eta eskainzak? Andrea, zuk Iudeako Bethleen hirian zeure seme Iaunari musu egiten zenerokan oiñetan zeure kreatzailleari bezala, eskuetan zeure Iaunari bezala, bisaian zeure haurrari bezala. Ene arima, orhoit zaitea zein humilki Birjunak bere seme sorthua adoratzen zuen. Zein gogotik besarkatzen zuen. Zein maitatuki xatarratzen zuen. O arima noble baten eta andre digne baten sentimenduak! o bizi laudoriozkoa! O konzebimendu sainduak. O botu egiatiak! Esker eternalak! Ofrenda imortalak! Iainko baten eta Iainkoaren Ama Birjina baten arteko tratuak dira hauk hunela: o ene arima; baina arren, o Iesus ona, eta, o Maria urrikalmendutsua! ontasun gauk guziok Aita eternalari nik eman behar nihotzakenen ordain eman diatzotzu. Halaber aingeruen garbitasuna, arzainen obedienzia, erregen adorazinoa, eta Iosephen debozinoa errezibi itzatzu ene propialak balire bezala. Ene Ama ona othoi hitz bat ene faboretan zeure semeari erran diazozu eta nik neure konsolamendua ezan dezadan. Biz hala.

Erribibi ondoko othoitza

        O Iainkoarn eta Maria Birjinaren semea, aingeruek zure maiestatearen aitzinera gizonak beha legoztala zeruak idekirik eraman baninzate, eta gero han zeruan ezar baninzate, ez lizateke mundu hunetan berze espanturik eta ez berze solasik ere. Lurretik zerura, ala zerutik lurrera da gehiago? Iainkoa zerutik bere konpainia guziarekin sakramendu iainkoazko hunetara heldu da. Beraz gizona iaustea ala igaitea da espantosago? bekhatorea zeruratzea, ala sainduen saindua aldareratzea da mirakulluago? Zeruan gu Iainkoak besarka errezibitzea, ala guk lurrean Iainko hura bera gere ahoetan eta geure bihotzetan ostatatzea da estrainioago? erregek nihor bere gana deitzea, ala errege bera zure gana ethorzea da estimatzekoago? hanbatik hanbatean errege bera presunalki nihor gana ethorririk salbatzea gehiago dela eta prezatzekoago dela daritzat: ordea gauza segituak eta ardura ikusten ditugunak eztira mirakullu. Emaille bat eta harzaille bat baizen ezpaliz guziek hara laster egin lezakete, eta handiek baizen ez lukete parterik: baina orai zu leku guzietan izaiteaz zenbatenaz baitzara admiratzekoago, hanbatenaz gutiago estimatzen zaitugu. Hunela Adamen seme pobreak, hunela Ebaren alaba miserableak gezurrari garraizka; hunela iguzkiari hedoipetik behatzen diogu, hunela ilhun denean behatzen diogu eta ez argi denean.

        Ene Iainko salbatzaille Iauna, gaixtoek, farfuillek, inorantek eta obstinatuek, zu bazine munduko handiak bezala gaitz eta terrible, hobekiago zerbitza zinitzakete, baina zeren parabisua ez hekenzat, baina ezagutza dutenenzat paratua baita, halakotz eztezazula zeure egiraia ganbia; zeren-eta ezpaita hekin gaztiguz usatu behar: baina bai amorioz. O Iesu Kristo errege Iauna kontinua diazadazu zeure amorioa; berret diatzadatzu zeure faboreak; guti diatzadatzu neure gaixtakeriak; iraungi diatzadatzu neure banitateak eta eman diazadazu iustutzeko behar den dohaina. Biz hala.

Errezibitu duzun eguneko
oren guziaz edo hitzez edo bihotzez

        Egun, Iauna, zu ni bekhatoreor gana ethorri zara.

        Egun zu ene arimaren etxean ostatatu zara.

        Egun zuk ene gogoan eta bihotzean emaz duzu zeure pasione sainduaren orhoitzapena.

        Egun zu niri zure zerbitzari ezdeusorri eman zaizkit: ni zure xoil eta totalki emaiteko garazia eman diazadazu. Biz hala.

Noiz nahi egiteko othoitza

        Hasterik eta finik gabeko Iainko handia! Ahalke naizela zure begien aitzinean edireiten naiz; eta zerk ahalkatzen nau neure ingratasunak baizen? Iauna, zuk bethi ontasunak emaiten derauztatzu eta nik zuri ezagutzarik ez egiten. Ni zure gana zordun handia naiz eta pagatzaille gaixtoa. Horra ni neure buruari ahanztea! Beraz, o Iaun miserikordiazkoa! ene ingratasunaren gaixtatasunak direla kausa zu handiro koleratua zara? Ordea barkhamendu galdetzen derautzun huni zer eginen diozu? Orainoko faltak barkha diatzotzu: bere bekhatuak gatik duen urrikimendua zuk ezagutzen duzu, eta zure garaziarekin batean aitzinara emendatuko da. eta zeren titxak, heldeak, ondikoak, eskarnioak eta berze gainerako damuak komuznki bekhatuaren azoteak baitira, halakotz zure ordenan zen gaztigu iustuak bezala dathozin orduan gogotik errezibituko ditut eta erranen dut humilki: O Iainko guziz botheretsua! konpli bedi zure borondatea zuk zeure kreatura obligatu duzuna baithan plazer harzea gatik eta zuk ni hunela zeure garaziaz erremedia nazazun orduan garazia haren beraren berthutez ni zure zerbitzuan bizitzea gatik. Biz hala.

Barkhamendu eta garazia ardiesteko othoitza

        Zeruaren eta lurraren egilea, Iainko guziz botheretsua; gauza guzietan espantuzkoa zara, baina nihori barkhatzean miragarria zara: zeren-eta konbertitu nahi denik ezpaituzu arbuiatzen, aitzitik bai miserikordioski errezibitzen. Munduko handiek (baina zergatik ez tipiek) gaitzetsiko zuten zuk gurutzean onhetsi duzun bezalako ohoina; gaztigatuko zuten zuk debotki errezibitu duzun Maria Madalena bekhatore nigartia; kondenatuko zuten zuk miserikordioski barkhatzen diozun iondone Petri zeure diszipulu bekatzaillea; baina zuk, Aita miserikordiazkoa, obligatu bazinituzte bezala bekhatoreak errezibitzen ditutzu, eta ni guziz hauk guziok baino gaixtoagoa izana gatik espantuki soportatzen nauzu. O pazienzia finik gabea! Iuge eztia! Guziak gatik nola iustuak iustizia eginen duzula badakit penitenzia egitera zuk hargatik igurikitzen derautazun bezala, aitzin ezpanakizu. Helas! Neure konzienziak tormentatzen nau; neure bihotzeko sekeretuek salhatzen; inbideak iharzen; ansikabetasunak zabarzen; eskarnioak zoratzen; ahapaldiak pikatzen; desirapenak egozten, neure zenzu guziek akusatzen eta kondenatzen; horra, Aita ona, nik sehaskatik orainokoan zerbitzatu ditudan laguna, adiskideak eta nabusiak, zeinak orai baitira ene akusatzailleak, ene lekhukoak, ene iugeak eta ene burrero minduak. O ni ondikozkoa! O arima sorhaioa! O horma eta ez bihotza! Zergatik ez naiz nigarretan urzen?

        Iauna damu eta urriki handi batekin bizi naiz, zeren zure manamenduak hautsi ditudan, halakotz salba nazazu zeure garaziaz damna nazakezuna zeure iustiziaz; ostata nazazu zeure pietateaz khen ahal nazakezuna zeure legeaz; bezti nazazu zeure dohain sainduez billuz ahal nazakezuna zeure botherez: ezen zu zara egia, bidea eta bizitzea. Argi diazadazu bada adimendua, xuxen borondatea, errekaita memorioa, pazega bihotza, eta erreforma neure bothere guztiak. Ea bada Iainko miserikordiosa, egizu berzerik eztezadan zu baizen desira; zu desiraturik bilha zaitzadan; bilhaturik ediren zaitzadan; edirenik maita zaitzadan; eta bethi obeditzen zaitudala sekulan etzaitzadan ofensa. Hunetarakotz gomendatzen daratzut neure arima, gorputza, pensuak, konseilluak, solasak urratsak, bizia eta gainerako guzia. Halaber gomendatzen daratzut ahaiden, adiskiden hala bizi direnen nola hil direnen pausua, ni eta hek zure loria sainduan zure garaziaz sarzea gatik. Haugatik othoitzez nagotzu, arren ene bizitzeko moldea zure ganik has eta zure baithan akhaba dadin inspiratzen derautazula pensatu behar dudana. Irakhasten erren behar dudana, erraixten zure eder zaizkitzun obrak, iraungitzen arimako gutizia gaixtoak, desegiten urgullutasuneko gogoa, pitzten humiltasuneko espiritua eta uzten zure ganako amorioa. Baldin, Aita eztia, zuk zeure harmadura sainduez probedi banazazu, zeure gogaratuko nauzu, eta gero gehiago adiu ene ganik banaloriak, adiu gogoeta mudakorrak, adiu bihotz haserretasuna, adiu hitz arimak eta finean adiu ene laidoak.

        Ordea, O Iaun handia, zeren zure plazerak nahi baitu eztitzadan ohoreak desira, eztitzadan flakoak nekha, eztitzadan pobreak menesprezia, konseillu onari eznakion kontra, giristino laguna gana ez naizen gogor, zure plazer hau gatik bera gatik enseiatuko naiz pontu hunen ahalik hobekiena konplitzera.

        Berze alde, Iauna, zuk plazer duzu eta manatzen nauzu inorantei irakhastera; nekhatuei lagunzera; beharrak faboratzera; deskonsolatuak konsolatzera; eroriak alxatzera; flakoak soportatzera; faltak barkhatzera; neure gaitzetsleak maitatzera; gaitzaren orde ona emaitera; onei iarraikitzera; gaixtoetarik apartatzera; berthuteak besarkatzera, bizioak gaitzetstera; kalteak gatik eta estorbuak gatik pazienzia izaitera; lurreko enganio guziak kitatzera eta zeruko agudezia guziei iarraitera; othoi, Iauna, hauk guziok hunela egiteko garazia eman diazadazu zeure ohorea gatik eta nik egun batez zeruko loria bizitze mueta hunez izaitea gatik. Biz hala.

Defuntuaz othoitza

        Munduaren salbatzaille guziz botheretsua, guziz miserikordiazkoa, fidelen esperanza, pausua eta parabisua! gurutzean egin zinituen ontasunez othoizten zaitut, arren berriro hil hunen arima zeure garaziaz eta miserikordiaz ikhus eta hauteman dezazun. Badakizu, Iauna, zure izen dainduaren aithorrena hil dela, elizako fedea sinhetsi duela eta zuk ordenatu derakuzun legeaz menzionatu dela. Othoi, Iainko ona, bizien Iainkoa, bere hoben guzietarik absolba ezazu; etzaiteala haren kontra sar iuiamenduan, egin ezazu parabisuaren hurko, aingeruen lagun, zeure sainduen tropelako, dohatsuen kontuko eta zeruko gorthean zeure zerbitzuko. Halakotz eztezazula bekhatore bezala zeure iustiziarekin konsidera, baina zeure kreatura bezala zeure ontasunarekin iuia ezazu, ez haren desobedienziak gatik, baina zeure promesak gatik; ez haren gaizkiak gatik; baina zeure miserikordiak gatik; ez haren maleziak gatik, baina zeure ontasun eternalak gatik. Ea bada batak berzea gatik othoitz egin dezagula manatu gaitutzun Iainko egiatia, ene errekerezino hau eztadila alferrik egina gertha, aitzitik arima huni erakhuts diazozu bekhatore baten othoitzak zure maiestatea baithan kredit izatu dueala; hartarakotz purgatorioko penak arin diatzotzu edo zeure miserikordiaz xoil khen, eta hunela urrikaldurik alda ezazu sekulako etxe benedikatura, eta niri ere neure aldia ethor dakidan orduan egin diazadazu gisa bereko garazia, bitarteko derautzut zeure heriotzea eta pitztea. Biz hala.

Nihor penatan denean othoitza

        Laudatzen dut, o Iainko ona, zure izen saindua, eta adoratzen dut zure maiestate handia, orai derauztatzun gaztigu onak gatik, benedikatu zarela hunelako fabore premiazkoak gatik: ezen zuk zeure borondate saindua ezagutaraztera ernatu ezpaninduzu, neure buruari ahanzirik ansikabetasunean sobera zabarzeko eta zurrundurik higatzeko periletan nengoen: baina, Iauna, zure ontasuneko azote hau seiñale ona da maite nauzula, eta zure eskuko gaztigu leiala bezala gogotik errezibitzen dut; ezen badakit neure soberaniak gatik gehiago millatan eta millatan ere merezi dudala, halakotz othoitzten zaitut, pazienzia behar bezain iraunkor bat erreparti diazadazun, eta gainerakoan zure miserikordiak plazer duen bezalako azote suertez zenza nazazu: ezen iustiziaren ereduz trata baninzatzu, sekulako galdua ninzateke. Ea bada, Iinko mansoa, adiaraz diazadazu zer egin nahi diozun zure sehi huni: egiazki badakit gaitzik pairatu gabe onik eztela gozatzen, eta bi parabisu, bata hemen eta berzea hor ezin diratekeiela, baina horkoa dela parabisu egiazkoa, zeinetan sarzen baitira zure maiteak: ordea klarki diosku zure eskola sakratuak, zure maite hek añhitz tormenta sofriturik pausa-lekhu hura irabazi dutela, eta ene penek hekenekin konparatzeko ikhuskizunik eztutela, eta guziak guk harzen bageneaki gure hobea gatik direla. Beraz , o ene arima izipera! zerk horrela tristatzen zaitzu? kuraia har ezazu, konsola zaitea Iainkoa baithan, eta zer ere atsekabe lotzen baitzaitzu, lauda ezazu zeure Iainko Iaunaren borondate saindua. Baldin enhoiu gabe bizi bazine, seiñale gaixtoa lizateke: baina bizkitartean marraskaz zaude inbidiak nekhatzen zaituela; xirizkaz zaude dolorezko oinhatzeak baditxezkitzula; orroaz zaude kalteak darraizkitzula; inzirinaz zaude etsaiak darraizkitzula; hatsbeherapenez zaude konsolamendurik nihon ezin dukezula: nahi dut hori horrela dela eta gehiago ere, baina hanbat hobe, ezteiak dira eta ez nekeak, hobeagoa gatik diren gero. Ene arima! ikhus ezazu zeure nabusi Iesu Kristo Iaunak zer zure gatik pairatu zuen eta zuk haren izenean eztuzu zerbait pairatuko? Sinforosa Tiburtina Iainkoaren legea gatik ura be?era lephoan harri bat emanik egotzi zuren. Hunen zazpi semeak halaber Iainkoa obeditzea gatik martiriatu ziren: zazpiak haga batekin lothurik. Kreszenziori ezpataz zinzurrak egin zerozkaten; Iuliano bihotzetik iragan zuren; Nemesiori bihotza eho zioten; Primitibori xilkoa iragan zioten; Iustino xehakatu zutren; Stakteo tragazez kolpatu zuten; Eugenio bulharretarik erdiratu zuten; hauk bere salbamendua gatik hil ziren eta da zuhurzia pare gabea, baina anhitz bere damnatzea gatik hilen da: O ene arima maitea! beude fernesiatzeko pensamenduak apart; Iainkoak berak daki guk zer premia dugun; hark berak probedituko gaitu, haren baithan esperanza duenik, eztu sekulan kitatzen, aitzitik bethi saborez bethetzen du. Egia da, ene bihotzeko Iainkoa, Iainko maitea, zuk Aita probedituak bezala bethi premia dudan guzia,nik kontentatzen baneaki, emanen derautazula: zeren-eta ezpaituzu hondatzera nihor munduratzen, eta baldin ni arrrankuratzen banaiz, nik nerorrek ditut hobenak, eta othoi barkha diatzadatzu, behar den bideaz zure plazerera bethi bizitzea gatik eta gero azken finean zure garaziaz horratzea gatik. Biz hala.

Bekhatorearen dolorea

        Iauna, espaziorik utzi gabe eznazazula berehala honda: neure solamenak erran artean iguriki diazadazu: ezen nork bere adiskide leialari bere koaitak ta doloreak erranaz atsegin harzen du. Ene gutizia traidore batzuek arrazoinak kontrako aldeaz iraulirik ene borondateari lausengatzea gatik maiz gaizki konseillatzen dituzte, eta gero ene borondate gaizki erresolutu hunek bere bothere guziak biziaren galzeko estatuan ibainzen ditu, eta hala midiku sainduaren probedimenduak konserba ezpaleza, pontuan errekaitu gaixto hunek honda lezake, diote iustiziako legek; ezen gero urrikitua gatik ere, behin arku bandatutik desarraturik dohazin matrazak bezala ene borondate deliberatutik ere ioaiten dira nik pitzten ditudan gaixtakeriak. Handik ene izterbegiek erraiteko suiet hartu dute eztela ni senda ahal nazaken midikurik, eta gaitzak leher eraginen derautala. Iauna, berek bere obstimanendua gatik galdu dira, eta ni ere hala zure miserikordiaren esperanzatik erauzi nahi nindukete; baina zure kortesiek zure ontasunean berzelako sinhestea eman derautate; zeren-eta neure burua biziaren galzeko periletan ardura ezarria gatik zure pietateak ene probetasuna hauteman baitu ni hunela handiro zeure gana obligatzea gatik. Orai ere Iauna, leheneko hura bera zara eta mudatzen etzarela niri barkhamendu eman diazakedazu izterbegiak gezurti egitea gatik eta ni zure iduritako kreatura zeurettzea gatik, Iauna, urrikimendutan dagoen bekhatoriari barkha diazozu. Zu satisafatzea gatik tinketz ahalkatua belhauriko nago, eta zer ere kofesio sainduan neure salbamendua gatik ordenatuko baitzait, hura guzia konplitzera enseiatuko naiz zuk eta nik biok atsegin izaitea gatik. Biz hala.

Trinitate sainduari othoitza

        O Trinitate saindua, Aita, semea eta espiritu saindua, hirurok Iainko eternal bat, Iainko espantuzko bat, Iainko miserikordioso bat eta adimenduk den bezalako handitasunez ezin izenda dezakeien Iainkoa. Laudatzen zaitut neure ahoaz, neure bihotzaz eta nere ahal guziaz. Benedikatzen eta adoratzen zaitut zeure ontasunak gatik. Eskerrak eta laudorioak derauzkitut neure faboreak gatik: ezen zordun naiz zure gana. Laudatzen zaitut. O saindua, o saindua, o saindua, eta othoi ethor zaitea, ene gana ni zeure loriaren tanplu digne egitera. Egin nazazu bada berthute sainduen lekhu eta zure ohore Iainkozkoaren laudatzaille: ezen esperanza dut ene othoitza eztuzula arbuiatuko zu zarenaz geroz zure baithan fidatzen direnen begiralea eta defendaria. Zu zara Iainko guziz botheretsua eta zutzaz berze Iainkorik ezta. Zu zara Iainko handi hura, zein edireiten baitzara bazter guzietan. Zu zara tipien gainean bezanbat handien gainean esku duzun Iainko hura. Zu zara zeruen, lurraren eta berze guzien egilea. Zu zara deus guzien gaineko Iauna, eta ni zure garaziarekin batean izanen naiz zure izen sainduaren laudatzen bizi eta hil nahi naizen sehi humilla, zare plazera gatik. Biz hala.

Parabisuko saindu guziei othoitza

        O Maria, Iainkoarn ama bethi birjina saindua! Amatasunaren kredit handiez zeure seme Iaunaren miserikkordia ezan diazadazu nik kausatu derokadankolera zure bethiko enseiu sainduez iraungitzea gatik, eta zure hunelako pazegamenduez haren bethiereko adiskidetasunean bizitzea gatik. O iondone Mikele! o san Gabriel, san Raphael! o aingeru eta arkangeluak! o patriarka, profeta, apostolu, ebanjelista, martir, eta berze iustu guziak ni sekulako heriozetik begiratzea gatik Iainkoari othoitz egiozue! Berze aldiz zuek frogatu duzuen bezala hainitz kautelaz munduak gure bizitzea akometatzen du, baina zuek Iainkoaren laudorio eternaletan añhitz loria, bozkario eta atsegin sekulakotz seguratuki dastatzen duzue aisia handian: oraino gu bekhatore pobreok desterruan bizi gara aiuta guziaren beharrak, halakotz zeruko prinzeak, parabisuko liliak, Iainkoaren hautuak eta dohatsuak othoitz egizue hor gure gatik, berdin hargatik zuren boztateak, alegrianzak eta loria gozoak eztira gutituko. Ea bada arima debotak, zeruko kristal preziatuak, parabisuko izarrak, loriako habitantak, boztasuneko burgesak, palazio sainduko aitonensemeak, berthuten kapitainnak eta laudorioen dukeak sokorri gaitzatzue zeuen othoitz debotez mundu gudutsu hunen periletarik egun batez sekulako loriaren egoitzara salborik eta kitorik itzurzea gatik. Biz hala.

Urrun dohazinek othoitza

        o Iainko handia eta botheretsua! zuk manatzen duzu zeruan, aurren, airean eta itsasoan. Zuk duzu gauza guzien gainean esku, eta zuk guziak bere behar duten ereduaz probeditzen ditutzu. Zu segitzen zaizka urez dohanari. Zuk emaiten dozu bihun eta indar lurrez dabilanari, eta zeren nora nahi zuk zeure bothere hedatzen baituzu, hala zure miserikordiazko beso bortitzak sokorritzen ditu beharrak. Ni presenteon bekhatore pobrea suplikatzen natzaitzu, arren nohan lekhu guzietan zure espirituak gidatzeko garazia eman diazadazun: ezen zure faborea baldin baduk adiu ene flakeza guzia deusen ere eskasik eztudala: zeren-eta zurekin batean berze guziak baino bortitzago izanen baitnaiz: eta egia derradan, zu lekhu guzietan bardin hurbil zara, baldin gu geure gaixtakeriez gerok apartatzen ezpagara. Gure ontasunaren ithurria da zure garazia saindua, zein geure bekhatuak gatik galzen baitugu, eta da apartatzen handia garazia galzea. Halakotz othoitzez nagotzu, arren zure baithan esperanza dudan bezala beha diazadazun, eta zure garazia sainduen berthutez behin bihur banadi zeure etxe saindu hunetan neure bihotzik hoberenaz laudatuko zaitut. Biz hala.

Bihurtu denak othoitza

        Eskerrak, o Aita eternala, eskerrak neure indar guziaz derauzkitzut, zeren huna bihurzeko sendagailla hunez digne ez ninzenik zeure bethiereko faborez digne bezalakatu nauzun. Laudorio sainduak derauzkitzut, eta ene faboretan zeru guziak lauda beza zure maiestate saindua; adora beza zure izen gora; lorifika beza zure handitasuna; aithor beza zure botherea; predika beza zure loria, publika beza zure ontasuna, eta kreatura guziak halaber ezagut beza zuk niri egin derautazun endrezua eta faborea. O Iainko ona! Zenbatetan begiratu nauzu inkuntruetarik? Zenbatetan defendatu nauzu periletarik? Zenbatetan nik zuri gaizkiak egina gatik zuk niri, ungi egin derautazu? Zenbatetan pazienziaz ene bidegabeak hartu ditutzu? Helas! Zenbatetan baneaki, zer ez nuke eginen eta zer eztut egin behar hunelako merxedeak gatik? Andre dana Maria, birjina pietez bethea, eskerrak derazkitzut, zeren zeure seme Iauna enekin miserikordiaz tratatzera balakatu derautazun. Eskerrak finean ditutzuen ene ungigile guziok, eta zuek faborea dazaguzuen guziok lauda diazadazue neure Iainko ona, Iainko pietatezkoa, Iainko iustua, Iainko probeditua, hunarainokoan bezala aitzinara ere Iainkoak niri bere garazietarik errepartitzea gatik eta guziz ene arima bere herri desiratu horretara, lurretik konjia har dezanean, helzea gatik. Herri hartara nadinean ezagutza iustu batez Iainko Iaunaren maiestate handia bozkario pare gabearekin eternalki laudatuko dut, lorifikatuko eta kantoriatuko; Iauna, zuk egin diazadazu garazia. Biz hala.

Iainkoa baithan fidatzea

        Mundura behin sorthu denak daidikeien zuhurziarik handiena eta gerthuena da Iainkoa baithan fidatzea. Iainkoa da gure arimaen konsolamendua eta gure bihotzen pausua. Iainkoa da gure gatik miserikordia duena eta gu geure pena mueta guzietarik liberalki libratzen gaituena. Iainkoa da mirakulluak egiten eta eragiten dituen Iauna, eta hala haren baithan fidanza guzia egiazki dutenek periletan barrena sobera izanagatik izanen dute aiuta eta salbamendua, hala Noe libratu zuen uholdetik; Loth sodomakoetarik, eta suaren kharretik; Daniel lehoinen zinzurretik; Isaeleko jendea Faraon Egiptoko erregearen eskutik; Enok eta Elias heriotzetik; Isak bere aita Abrahamen eskuetarik; hirur morroinak labe berotutik eta errege iniustuaren azpitik; iondone Petri eta iondone Paulo karzeletik; Susana falso testimoniotik berze gehiagokoekin, et ni zenbat estorbutarik? Ezen neure indar xoillez sekulan ezin eskapa nindekeien arriskutan izatu naiz eta neure hainitz manerazko izterbegien aztaparretarik Iainko pietatez bethe hunek berak bere miserikordiaz athera nau. Ene Iainko Iaunak egin du hunelako sendagailla abantaillatua: beraz albiriste hunez, giristino iainkotiarrak, esporza zaitezte eta konberti zaitezte Iainko on hunen gana dakusazuenaz geroz zein on den Iainkoa baithan fidatzea. nitzaz denaz bezanbatean, O Iauna, zure gana ihes egiten dut, halakotz gomendatzen zaitzu ene arima, zein zure baithan bethi fidatua bizi baita orainokoan bezala hemendik harat ere nitzaz ardura izanen duzula;esporzu hunekin bethiere aurkhituko nauzu, eta noiz-ere atsekaben ausikiak eta oinhazeak lothuko baitzaizkit, ene bihotza kuraiatua edirenen da ure ganik bethi uste duen faborean: ezen zu zara bekhatoreak gatik pietate duzun Iainko miserikordiazko hura. Zu zara penitenzia egiazko batez garbitzen direnak errezibitzen ditutzun aita emea: eman diazadazu bada neure bekhatuak barkhatzeko eder zaitzun penitenzia baten konplitzeko dohaina, hemen eta hor zure izen saindua ohoratzea gatik. Biz hala.

Bekhatorearen urrikia eta othoitza

        A! ni miserablea: presuna ingrata; ume natura kontrakoa: zerbitzari gaixtoa: arima enganatua: bekhatore higuña: Zer egin dut? Zer estatutan iarri naiz? Zer esperanza ahal duket? Norat ihes eginen dut? Nori gomendatuko natzaika? Neure Iainko ofensatu dut et hura da ene partida. Neure kreatzaillearen kontra ibili naiz eta hura da ena iugea. naure nabusia narritatu sut eta hur da ene biziaren iabea. naure Iauna gaizki zerbitzatu dut eta hura da ene ontasuna. Iainko hunek plazer badu, honda nazake. Iuge hunek plazer badu, hauzia gal dezaket. Iabe hunek plazer badu, bizia ideki dezait. Partida hunek plazer badu, kondena nazake. Horra iustiziako gorthean nik neure hauzia galdua neure gaizkiak gatik! O dolorea! o ximikoa! o denaturalezatzea! Iauna, othoi gorthe hunetan ez nazazula persegi; ilkhi gaiten hemendik; orino aldi hunetan miserikordiazko gorthean ene egitekoa disputatu behar duzu; ez naiz gehiago zure kontra abiatuko. Ea bada neure Iainkoa barkha diazadazu; neure partida egin diazadazu miserikordia; neure iabea errezibi nazazu. Eguia da alde guziz huts egin duenak alde guziz zenzatu ere behar lukeiela baina o Iauna, zure baithan guk bekhatoreok ikhasi dugu bekhatore penitentei barkhatzen derauezula. Zer egin behar dut, nik zu kontentatzea gatik, zu satisfatzea gatik eta zurekin adiskidetzea gatik eta egin dezadan? Behar da pairatu, paira dezadan? Iauna, iazar diazadazu, ungi den bezala nik zu zerbitzatzea gatik eta jendeak ene exenpluz ahalkatzea gatik: ezen añhitz datza ifernuan nik baino gutiago eta gutitanago merezi duenik. Horra zurekin ez adiskide izaitea ifernura erortea. Berze guziekin hegiara ethorriko banaiz ere zurekin adiskide nahi naiz: ezen hala deusek enazake izi, tenta, enhoia edo niholatan malenkonia: zeren-eta zu ontasun guzien emaillea eta gaitz guzien khenzaillea alde izanen baitzaitut ni atsekabe guzietarik libratzeko eta kontentamendu guziez bethetzeko. Biz hala.

Elizan sarzean

        O Iauna, o berthuten Iainkoa! zuk erran duzu, ene etxea othoitz egiteko etxea deithuko da eta hala ni ere heldu naiz etxe saindu hunetara zu laudatzeko eta neure bihotz guziaz zu adoratzeko borondate deliberatu batekin. Biz hala.

Ur benedikatua harzean

        Garbi nazazu. O Iauna, zeure garaziaren ihinzaz, eta elhurra baino xuriago izanen naiz. Biz hala.

Sakramenduaren aitzinean

        Adoratzen zaitut ahalik humilkien Iesu Kristo ene Iaunren gorputz preziatua, eta fede sainduaren, begiaz solamente ikhusten zaitudala sakramendu saindu hunetan estalia, emaiten deratzut milla laudorio eta milla esker, zuk munduaren salbamendutan egin duzun balentia handi hura gatik. Lehenbizirik egundainotik ordenatu zenduen bezala Birjina amaren sabelean haragiz beztiturik gizon egin zara, eta gero berze faboren buruan prinzipalki zeror gizon eta Iainko sakramenduan mirakulluki emaiten zaizku gu infinituki faboratzea gatik: ezen zu zara zerutik iautsi zaren ogi bizia, eta zu digneki iaten zaituen guziari sekulako bizitzea emaiten diozuna. Bazka nazazu bada bianda saindu hunez eta salbatua izanen naiz. Biz hala.

Othoitzak hastean

        Iainko ontasun guziez perfetuki konplitua, othoi eman diazadazu zure izen sainduaren ohoretan eta neure egin bidearen konplimendutan oraiko debozino hunen ungi egiteko garazia. Beraz bezti nazazu libraia behar ditudan guziez ariman eta gorputzean, eta lehenbizirik bortitz nazazu fedeaz, esperanzaz, eta karitateaz, ni ere gero guziz botheretsuak daidikeien bezala berthute saindu hauken obrez erdiaraztea gatik. Biz hala

Iainkoari eskerrak

        O ene aita emea! eskerrak eta laudorioak derazkitzut ni zeure iduritako egitea gatik eta kreatzea gatik: arima hau bere bothere guztiekin eta gorputz hau bere sentimendu guziekin zuk niri emaitea gatik. Pater eta Ave.

        Eskerrak eta laudorioak derazkitzut, o Iainko axolduria, xuk ni neure izaitean begiratzea gatik; guza ikhusten diren eta ikhusten eztiren guziak ene konserbatzetan kreatu dituzunak gatik Pater eta Ave.

        Eskerrak eta laudorioak derazkitzut, o ene salbatzaille miserikordiazkoa, zuk ni zeure ontasun infinituaz eta miserikordiaz redemitzea gatik, ene alderat erakhutsi duzun humiltasuna gatik, karitatea gatik eta enhoinak gatik.

Zuk bizian eta hilzea pairatu duzun guzia gatik. Pater eta Ave.

        Eskerrak eta laudorioak derazkitzut, o Iainko garaziaz bethea, zeure bathaio sainduko uraz garbitu nauzun ontasuna gatik. Ni tenplu bizi eginik eta nik merezi gaberik zeure semetzat adoptaturik ene arima garaziaz edertu duzu. Deabrua ganik eta ifernutik begiratu nauzu ezterauezu gauza bera egin iuduei, turkoei eta berze nazioei. Pater eta Ave.

        Eskerrak eta laudorioak derazkitzut, o iainko pietatezkoa, zuk ni neure bekhatuaren arriskutik atheratzea gatik, eta niri ene bekhatuek merezi zuten bezala berehala kondenatu gabe penitenzia egin nezaken aretan eztiro igurikitzea gatik. Merezi nuen zenzatzea, baina bidaldu derauztatzu abisuak eta inspirazioneak ni neure penetarik libratzea gatik. Deabruaren menetik ekotea gatik et neure buruaren iabe errendateza gatik. Pater eta Ave.

        Eskerrak eta laudorioak derazkitzut, o bihotz miratzaillea, zuk niri ungi egiteko desir emanak gatik. Iauna, zer ere pensatu, erran eta egin baitut, eta zer ere eginen, pensatuko eta erranen baitut hura guzia heldu da zure miserikordia liberaletik. Pater eta Ave.

        Eskerrak eta laudorioak derazkitzut, o begirale sendoa zuk ni naturaren, kulparen eta inkuntru gaitzaren kaltetarik begiratu nauzunagatik. Pater eta Ave.

        Eskerrak eta laudorioak derazkitzut, o Iainko probedidora, zuk ene salbamendutan ordenatu ditutzun sakramendu sainduak gatik eta prinzipalki kofesiokoa gatik. Pater eta Ave.

        Eskerrak eta laudorioak derazkitzut, o Iainko fabore emaillea, naturaren, garaziaren eta fortunarenonak gatik: berzetarik bereziki zuk niri egin derauztatzun kortesia beregainekoak gatik, eta nik dakitzadala eta eztakitzadala egin derauztatzun fabore guziak gatik. Pater eta Ave.

        Eskerrak eta laudorioak derazkitzut, o parabisuko Iainkoa, zuk ni dohatsutasuneko ontasunera ordenatzea gatik: Iauna, iadanik parabisuko dohatsutasun hari esperanzaz gozatzen natzaika, eta orena bethe dakidanean plazer baduzu emanen deratazu errealki, Pater eta Ave.

        Eskerrak eta laudorioak derazkitzut, o Iainko bihotz bera, zuk niri eta zeure kreatura guziei egin derauztetzun ungiak gatik. Pater eta Ave.

        Eskerrak eta laudorioak derazkitzut, o Iainko handia eta handitzaillea, zuk zeure Ama bethi Birjina sainduari egin eta emen diotzatzunak hala egitea gatik eta emaitea gatik. Pater eta Ave.

        Eskerrak eta laudoriak derazkitzut beregainki eta neure bihotz guztiaz, o ene Iauna, eta ene Iainkoa, zeure seme Iauna gizonzeko misterioa gatik. Pater eta Ave.

        Finean eskerrak eta laudorioak derazkitzut, o Iainko ona, ene edo berzeren faboretan egin eta eginen ditutzun ungi guziak gatik. Pater eta Ave.

Meza hastean

        Iainkoaren amorioa nola baita neurririk gabea, hala frogak bethi emeiten derazku, eta beregainki bere pasione sinduaren orhoitzapen digne hunetan gure bekhatuen desegiteko moiana berak gure gatik ordenaturik. Ea beraz ene arimaren salbatzaille dulzea, odolezko sakrifizioaren memoria pitztea gatik denaz geroz odolik gabeko sakrifizio hunen ofrenda, arren ene arimaren salbamendutan orhoitzapen hunek odolezko sakrifizio haren merezimenduak ene gogora bitza meza saindu hunetan orduko berthutez ni behar bezala baliatzea gatik. Biz hala.

Meza arraitean eta noiz nahi erraiteko misterioak

        Iesu Kristo ene salbatzaillea, eskerrak eta laudorioak errendatzen derazkitzut, zuk ene gatik sorthu zinen ondoan iuduen legearen arauera zirkunzisionean isuri zenduen zeure odol preziatua gatik, eta othoitzez nagotzu orduko sentimendu handi hura gatik othoi eman diazadazun gorputzari eta arimari narrio emen diazoken guziaren desegitekko grazia. Halaber, o Iauna, ene ahaideak, adiskideak, giristino prestu guziak eta purgatorioko arimak zeure miserikordia saindua gatik misterio hunetako ontasunaz goza beitea. Biz hala. Pater eta Ave.

Bigarren misterioa

        Iesu Kristo ene salbatzaillea, eskerrak eta laudorioak errendatzen derazkitzut, Getsemaniko baratzean tristea odol ezerditan zeneundela zeure gorputzetik isuri zenduen odol preziatua gatik; eta othoitzez nagotzu orduan sentitu zenduen tristezia handi hura gatik eta odol isurze haren balioa gatik othoi eman dizadazun neure bekhatuez halako urrikimenduaren izaiteko garazia, non zure odolezko izerdi haren ordain nik ere dolore hutsez isur dezadan neure begietarik ur eta nigar halaber, o Iauna, lehen bezala.

Hirurgarren misterioa

        Iesu Kristo ene salbatzaellea, eskerrak eta laudorioak errendatzen derazkitzut, iuduek bizarra buruko xerloekin batean athera zeratzutenean, bisaia behera eta ahotik isuri zenduen odol preziatua gatik. Othoizez nagotzu odol saindu haren balioa gatik eta zuk orduan sentitu zenduen dolore handi hura gatik nahi deratazun neure bekhatu guztien barkhamendua eman eta bekhatu hek gatik merezi ditudan gaztigetarik plazer nauzun libratu, halaber, etc.

Laurgarren misterioa

        Iesu Kristo ene salbatzaillea, eskerrak eta laudorioak errendatzen derazkitzut, Pilatusen manuz harroin batekin lothurik azote kolpez zeure gorputz sakratua soldaduek desegin zeratzutenean isuri zenduen odol preziatua gatik. Othoitzez nagotzu orduko dolore handi hura gatik eta bilhakatze haren balioa gatik nahi duzun ene arima infernutik begiratu eta ni neror ene izterbegien, ixilen edo agerien eskuetarik salbatu, halaber.

Borzgarren misterioa

        Iesu Kristo ene salbatzaillea, eskerrak eta laudorioak errendatzen derazkitzut, iuduek zeure gorputz preziatua zauriturik, guzia odoletan odola gorputz guzirik zeritzula doloratua zineneko pena hek gatik, eta guziz Pilatusek hunelakatua erakhustean iuduen artean eman zeratzun laidoa gatik. Othoitzez nagotzu orduko orhoitzapenaren faboreakgatik zeure begien aitziniko gai egin diazadazun neure arima, eta neure bekhatu guziez penitenzia egieko garzia zuk eman diazadazun, egun batez ni ere horratzea gatik. Halaber.

Seigarren misterioa

        Iesu Kristo ene salbatzaillea, eskerrak eta laudorioak erren datzen derazkitzut, soldaduek makhila kolpez aranze puntak hezurrean barrena sarthurik, eta aranzezko khoroaz zeure buru benedikatua zaurthurik isuri zeitzun odol preziatua gatik. Othoitzez nagotzu odol saindu haren kausaz eta ordu hartan iragan zenduen dolore handi hura gatik nahi deratazun eman bihotzezko urrikimendu bat eta urrikimendu haren puntaz neure arima hain bortitzki zaurthu, non egiazko penitenzia egiten dudala loriazko khoroa ardiets dezadan zeruko erresuman. Halaber.

Zazpigarren misterioa

        Iesu Kristo ene salbatzaillea, eskerrak eta laudoriakeren datzen derazkitztu, gurutzeak berze urkha batek bezala zapaturik zeure gorputz ehoaren, zehatuaren eta zaurthuaren zaurietarik isuri zeratzun odol preziatua gatik; orduan gurutzearn karga soberak lurrera egozten zinituen eta iudu kurelek soka batez tiraka eramaiten zinituzten.

Othoitzez nagotzu odol preziatu haren merituak gatik eta orduan sentitu zenduen dolore handi hura gatik eman nahi deratazun mundu hunetako gaitzak onak bezala gogo onez harzeko indarra atsekabetan bezala gero konsolamenduetan ere parte eternalki izaitea gatik. Halaber.

Zorzigarren misterioa

        Iesu Kristo ene salbatzaillea, eskerrak eta laudorioak derazkitzut, zuk Kalbariako mendian arropa haragiarekin lothua eraunztean isuri zenduen odol preziatua gatik. Othoitzez nagotzu orduko pena pairatuen seiñaletan nahi deraztatzun neure bekhatuak barkhatu eta zure aitzinera iuiatzera nathorrenean plazer nauzun zeure miserikordiaren kapaz estali. Halaber.

Bederatzigarren misterioa

        Iesu Kristo ene salbatzaillea, eskerrak eta laudorioak errendatzen derazkitzut, zuk Kalbariako mendian burdinazko itze handi batez zeure esku ezkerra gurutzearekin soldaduek itzatu zeratzutenean isuri zenduen odol preziatua gatik. Orhoitzez nagotzu orduko martilu kolpek egin zeratzuten dolorea kontutan othoi har dezazun zik neure eskuz egin ditudan bekhatuak barkhatzea gatik. Halaber.

Hamargarren misterioa

        Iesu Kristo ene salbatzaillea, eskerrak eta laudorioak errendatzen derazkitzut, zuk zeure esku eskuña gurutzearekin itze punta khamuts batez itzatu zeratzutenean zilho hartarik isuri zenduen odol preziatua gatik. Othoitzez nagotzu odol isuri haren balioa gatik eman diazadazun halako garazia, non ene borondateak eta ene lan guztiak agrada dakizkitzun; hunetarakotz othoi zeure beldurtasunaren itzeaz gorputza eta espiritua etza diatzadatzu; eta halako moldez lo eta ios nazazu gurutzean, non ene desirapenen oiñak eztaitean behaztopa, aitzitik zure borondatearen arauera bethi bizi nadin. Halaber.

Hamekagarren misterioa

        Iesu Kristo ene salbatzaillea, eskerrak eta laudorioak errendatzen derazkitzut, zuk, zeure eskuñeko oiña soldaduek gurutzean bortizki itzatu zerarzutenean, isuri zenduen odol preziatua gatik. Othoitzez nagotzu zilho hartarik isuri zeitzun odolaren merituak gatik eta orduko penek eman zeratzuten oinhazea gatik nahi deratazun niri ere neure bekhatuez barkhamendua eman. Halaber.

Hamabigarren misterioa

        Iesu Kristo ene salbatzaillea, eskerrak eta laudorioak errendatzen derazkitzut, zuk, zeure gorputzeko zainak ethenzen zerazkitzutela, soldaduek zangoak luzatzean isuri zenduen odol preziatua gatik. Othoitzez naotzu neure arimako gutizia guziak zeure gana tira diatzadatzun zeure garazia sainduaz ene obra guziak kutsatzea gatik. Halaber.

Hamairurgarren misterioa

        Iesu Kristo ene salbatzaillea, eskerrak eta laudorioak errendatzen derazkitzut, zuk zeure gorputz sakratua soldaduek gurutzearekin batean alxatu zeratzutenean, eskuetako eta oiñetako zauriak gorputzaren balenzaz gaizkoaturik eta handiturik isuri zenduen odol preziatua gatik. Odol preziatu haren merezimendua gatik eta zuk orduan pairatu zenduen dolore handi hura gatik, othoi eman diazadazu lurreko gauzetarik halako moldez apartatzeko garazia, non zerukoetara bethi espiritua alxatzen dudala, hetan ezar dezadan neure bihotza eta neure kontentamendu guzia. Halaber.

Hamalaurgarren misterioa

        Iesu Kristo ene salbatzaillea eskerrak eta laudorioak errendatzen derazkitzut, zeure bihotza doloreak arraillatu zeratzunean isuri zenduen odol preziatua gatik eta orduan zuk egin zenduen ordenua gatik. Odol preziatu haren berthutea gatik; Ama Birjina ganako amorioa gatik; gurutzeko ohoinari parabisua amaitean egin zenerokan garazia gatik; Aita Eternalari bekhatoreak gomendatzean egin zenerokun faborea gatik; orduko ordenu aberats hura gatik eta zuk konplitu zenduen lan handi hura gatik, othoi zeure miserikordia sainduaz dohatsuen arteko ordena nazazu, konserba nazazu eta errezibi. Halaber.

Hamaborzgarren misterioa

        Iesu Kristo ene salbatzaillea, eskerrak eta laudorioak errendatzen derazkitzut, zuk zeure saihetsetik Longis soldaduak bere dardoaren puntaz zu gurutzean hilez geroz zilhatu zinituenean isuri zenduen odol preziatua gatik. Orduko odol isurze balioso hura gatik zaurt diazadzu othoi neure arima zeure amorioaren dardoaz eta sar nazazu parabisuko lorian, zeinen athea ideki baitzenduen zeure saihetsetik zeure odol preziatua isurtean. Halaber. Pater, Ave, Credo, Gloria Patri, Requiem.

Aita Iainkoari othoitza, meza erraitean

        Aita eternala! zure seme bakoitzaren pasionea deklaratzen da mezako sakrifizio hunetan. Noiz-eta eliza sainduaren intenzionearekin batean sakrifizio benedikatu hunetan sakrifikatzaille apez hunek gure bekhatuen satisfazinotan ofrendatzen baiteratzu zeure seme Iauna gurutzean hoben gabe gure bekhatuak gatik itzatu zutena. Aita handia, hau da bildots eme hura! Hau da zure eta gure artean bakea ezarri zuen gizona! Hau da hobenik gabe pairatu duen Iauna! Hau izan zen eskuetan eta oinetan itzatua; aranzezko khoroaz buruan zilhatua; azote kolpez larruturik zathikatua; burutik oinetaraino odolztatua; alde guzietarik penaz eta dolorez inguratua; guztiz desegina eta gizoanaren figurarik ezpa iduririk etzuena bezalakatua. Hau zegoen gurutzean burua beheituturik; begiak zerraturik; begitartea horiturik; saihetsa idekirik; besoak zabaldurik; zangoak hedaturik; zauriz betherik; thuz bisaia sakratua lohiturik, ukhabilakoz larrua lebaturik, zainak odol hausturik; ezpaiñak karmindurik, bihotza khexorik eta mienbro guztietan terribleki deseginik. A! Karitate handia! Ontasun pare gabea! Amorio mirakulluzkoa! Huts egiten du zerbitzariak eta haren partez pagatzen du nabusiak. Gizona gathibutasunetik libratzea gatik bere bizia emaiten du Iainkoaren semeak hobenduriak merezi dituen gaztiguak pairatzen ditu hoben gabeak. Bekhaturik egin eztuenak eta ezin egin ere dezakeienak hartu ditu bere gainera munduko bekhatu guztiak. Aita iustua eta aita pietatezkoa! beha diazaozu pietatezko obra handi huni: beha diazozu hunen baliotasunari: beha ezazu zer eta zenbat merezi duen zure aitzinean dolorezko heriotze hark. Hau da ahal datekeien ofrendarik baliosena eta bai zure gogarakoena ere. Hau da zorraren pagamendua baino gehiago millatan pairatu duena. Ea beraz aita zerukoa, errezibi ezazu sakrifizio hau begitarte onez, eta geure indignetasuna gatik eztiazaguzula haren fruitua errefusa, aitzitik duzun othoi gure bekhatuen gainean miserikordia eta pietate. Barkha diatzagutzu guk egin ditugun hutsak eta khen diatzagutzu merezi ditugun gaztiguak.

        O Aita eternala! gomendatzen derazkitzut munduko estatuak eta nezesitateak hala espiritualak nola tenporalak. Gomendatzen deratzut aita saindua zeure bikarioa, elizako berze superioak eta gobernariak. Gomendatzen deratzut gure errege Iauna, prinze giristinoak, herrietan kargu dutenak, gure haurrideak, ahaideak, adiskideak eta ungigile guztiak. Gehiago, o Iauna, konberti itzatzu bekhatorea, konsola itzatzu tristeak, senda itzatzu eriak, fabora itzatzu beharrak, eta salbamenduko portura hel itzatzu itsasoan dabilzanak. Fede saindura ekhar itzatzu paganoak, bidera itzatzu errebelatuak, begira gaitzatzu gaitzetarik: eman diazaguzu geure denboran bakea; eta giristino fidelen arimak purgatorioko penetarik athera itzatzu; finean eman diazadazu zure zerbitzu sainduan bethi enplegatzeko garazia, bizitze hunen ondoan parabisuko loria ardiestea gatik. Biz hala.

Mezako benedizinoa harzean

        Aitak, semeak eta Espiritu sainduak gaitzetarik begira ditzala, eta defuntuen arima leial guziak sekulako pausura eta loriara ditzala bere miserikorkiaz. Biz hala.

Mezondoko othoitza

        O Iainko guziz sabanta eta enze guziaz laudatzekoa, othoitzez nagotzu, arren ene egungo zerbitzua agrada dakizun: ezen zu ohoratu nahiz enplegatu naiz gutxienik, eta zutzaz lekhora, Birjina Maria zure Ama andrea laudatzea gatik; egungo eguna ezagutzea gatik; neure bekhatuen barkhamendua gatik; zuri, Iainko handia, neure burua, nola gogoa, adimendua, memorioa, errana, eginak; urratsak eta berze gainerako guziak gomendatzea gatik; neure ungigileez othoitz egitea gatik; biziak eta defuntuak Iainkoaren faboreaz gozaraztea gatik, eta guziz Iesu Kristo Iauna, zu zeror lorifikatzea gatik. Bitartean debozinorik gabe egin dudan gauza guziaz miserikordiaz har nazazu, eta eman diazadazu zure manamenduak zuhurki begiratzeko dohaina zu fidelki bethiere zerbitzeagatik laudatzea gatik eta ohoratuki adoratzea atik. Biz hala.