IESU KRISTO IAUNAREN
ETA HUNEN DIGNEAREN
BIZITZEAREN ETA HERIOTZEAREN
MISTERIOEN SUMARIOA

misterio hauk seira emanak dira aste guzian meditatzekotan egun guziaz hirurogoi eta hirur Abe Mariatako arrosario bat erraiten duela eta lehenik

Aste lehenean

        1. Lehenbiziko hamarra erraitean meditatu behar da Birjinaren konzebitze saindua. 2. Birjina sorthu zeneko bozkarioa. 3. Hirur urthe zituenean tenpluan presentatzea. 4. Hameka urthez edo inguruan eduki zuen bizitzearen saindutasuna. 5. Iosephekin ezkonzea, biok birginitatea botuturik. 6. Inkarnazioneko misterio handia, aingeru Gabrielek adiarazia.

Aste artean

        1. Lehenbiziko hamarra erraitean medita ezazu Santa Elizabet ikhustea. 2. Sei ilhabetez hark erabili zuen bizia 3. Birjinaren eta San Iosephen tristezia Iosephek Birjinaz zuen duda gatik, eta hauken bion geroko bozkarioa, aingerua ganik Iosephek misterioa ikhasi zuen orduan. Hauken Betleengo piaia, 4. hauken trabailluak eta nekeak, nola nora erretira lekurik ezin izanez arratsaldean ibili ziren. 5. Iesus sorzea, orduko aingeruen musika soinua, eta arzainen bisita. 6. Zirkunzisione dolorezkoaren misterioa.

Aste azkenean

        1. Magoek ezpa hirur erregek bere presentekin adoratzea. 2. Birjinaren purifikatzea, eta tenpluan salbatzaillea presentatzea. 3. Hunen Egiptorako ihesa Herodezen beldurrez. 4. Tenpluan Iesus hamabi urthetan galzea. 5. Iesus bere amaren etxean egoitea, eta hunen obedienzia hemozorzi urthez. 6. Iesus bathaiatzea, barurzea, tentatzea eta desertuan biktoria izaitea.

Orzegunean

        1. Hirur urthez Predikatzen hartu zituen nekeak. 2. Hunen mirakulluen botherea, guzion salbamendutan. 3. Hunen transfiguratzeko loria. 4. Hunen Ierusalameen arramu egunean sarzea. 5. Pasionera ioaiteko ama ganik hartu zuen kongia eta azken adiua. 6. Apostoluei oinak garbitzea eta sakramendu saindua ezartea.

Orzillarean

        1. Iesusen othoitza baratzean, nekea eta atzemaitea. 2. Gau hartan Ierusalemera eramanik pairatu zituen penak eta ondikoak. 3. Pasione harzeko zegoen goizean iugen eta gortheen aitziteean pairatu zuena. Iesus azotatzea. 4. Iesus azotatzea. 5. Iesus elhorriz khoroatzea. 6. Iainkoaren semea baino Barrabas ohoina gehiago jendeak eduitea, noiz-eta Pilatusek jendeari erakhutsi baitzioen, erraiten zerauela: Ecce homo.

Larunbatean

        1. Gure salbatzaillearen kontra hilzeko eman zen sentenzia. 2. Kalbariara gurutzea soinean ioaitea. 3. Nola urkhabe batekin itzatu eta gurutzefikatu zuten. 4. Gurutzean hirur oren bizirik egin baitzuen, zer orduan pairatu zuen. 5. Heriotzea eta saihetseko dardo kolpea. 6. Gurutzetik eraustea eta ehorztea.

Igandean

        1. Birjina hirur egunez bakharrik eta tristerik egoitea. 2. Erresuszitatu zenenko misterioa agermenduekin. 3. Igan zedeko mirakulluak. 4. Espiritu Saindua Mendekoste egunean iautstea. 5. Birjinak gerostik hil artean eduki zuen bizitzea. 6. Birjina hilzea, zeruratzea, eta zeruan khoroa bat aingeruez goragokoa izaitea.

Andre Birjinaren arrosarioa

Pater de caelis Deus. Miserere nobis.

Aita Iainkoaen ohoretan Pater

        O Birjina loriazkoa! Santa Ana zeure amaren sabelean bekhatu originalik gabe Iainkoaren garaziaz konzebitua zarena: emanaraz diazaguzu arimen saindutaduna, zure othoitzen indarrez parabisuko bidea izaitea gatik, knon saindurik baizen deus ezpaita sartzen. Abe Maria.

        O Birjina handia! konsenti diazadazu eta balia aingeru Gabrielek salutatu zinituen salutanziaz nik ere indigneorrek zu bihotzez salutatzea eta zure debotki erraitea. Abe Maria.

        O Birjina dohatsua. Ardiets diazaguzu Espiritu Saindua ganik indar eta aiuta: zuk Iainkoaren semea konzebitu zenduenena, Espiritu sainduak faboratu zinituen, eta othoi zuk gu fabora gaitzatzu geure obrak prestuki konzebitzea gatik ezpa aditzea gatik eta egitea gatik. Abe Maria

        O Birjina, Iainkoaren ama dohatsua! zure seme Iauna gana fede bizi bat, esperanza zinezko bat eta amorio garbi bat guk eduitea gatik othoitz egizu. Abe Maria.

Fili Redemptor mundi Deus. Miserere nobis.

Semearen laudoriotan Pater.

        O Birjina garbia eta nihoiz makulatu gabea! zuk zeure birginitatea zeure seme Iaunari konsekratu diozu eta nik neure borondatea zurekin batean konsekratzen diot; baina hobeki zerbitzatzea gatik emanaraz diazadazu kastitatearen donua eta dohaina, bihotzeko garbitasuna eta ungi- egitei iarraikitzea. Abe Maria.

        O Birjina izorra zinena eta erdi zarena, Ama Birjina gorputzean narrio gabea: desir onak harzera eta perfektasun guzizi lotzera molda gaitzatzu: zuk hunetarakotz othoitz egite gatik othoitzez nagotzu humilki. Abe Maria.

        O Birjina deus izan ezpazendu baino gehiago zeure izorran kargarik sentitu eztuzuna! zeure seme Iaunaren manamenduak allegeraki konplitzeko abiltadea izanaraz diazaguzu. Abe Maria.

        O Birjina sakratua, dolorerik gabe erdia, andre abantailltua, erdi baino lehen, erditzean eta erdiz gero ere Birjina zarena iguzu geure obra onak eta desira onak lehen, orduan eta gero zure bitartekotasunaz Iainkoari geure bekhatuen baramendutan agradarazteko garazia, Abe Maria.

Spiritus Sancte Deus. Miserere.

Espiritu sainduaren ohoretan Pater.

        O Birjina dohatsua! zuk Elizabethek erran zerotzun orduan sinhetsi zenduen inkarnazionea, eta berze misterioak. Iguzu eliza amak dadukan guzia guk ere hitzez eta obraz sinhesteko garazia. Abe Maria.

        O Birjina obeditzera humilla! O unzi espirituala! O zeure humiltasuna gatik Iainko Iaunak begi argiz behatu deratzuna iguzu zure seme Iaunaren manamenduetara obedient izaiteko grazia, gerok baino gehiagoen ezagutzeko anzea, eta geure ezteustasunaren aithorzeko agudezia neurrizkoa. Abe Maria.

        O Birjina minzari zuhurra, hitzetan asea, obretan konplia eta alde guziz perfekta! Khen ezazu gure ganik hitz ergel guzira, giristino lagunaren kontrako aiphamen guzia eta berze gainerako banaloria guzia. Abe Maria.

        O Birjina handiro pribilegiatua,obra onetan segitzen duzuna, berthutetara emana, merituetan perfekta eta alde guziz sainduki dohatsutua. Zeure merezimendu handiez konpli gaitzatzu geure eskasetan, zeure othoitzez irabaz diazaguzu ungi pensatzeko manera, bidezki minzatzeko anzea, azken fineraino behar bezala obratzeko kuraia eta hil ondoan bizitze eternala, biz hala. Abe Maria.

Birjina ganako gomendioak

        O Birjina eztia, abandonatuen geriza, baderauzkitzut othoitz hauk, Iainkoaren semea herze birginaletan konzebitu zendueneko plazer hartuaren orhoitzapenetan, eskerrak aita eternalari emaiten diotzadala eman zerotzun fabore hura gatik, diot, zu bere seme bakhoitzaren ama egitea gatik, eta haren gizonzeak gizon arrazari eman zioen ontasuna gatik: errekeritzen zaitut, arren erakhuts zaitean gure ama, gu zure seme preziatuari, gure arimen begiraleari eta humiltasun perfetari hurbilzea gatik aita eternalaren loriatan eta ohoretan, Espiritu sainduaren batasunean. Biz hala.

2. gomendioa

        O Maria Birjina saindua, garaziaz bethea, eta emaztetako benedikatuena, baderauzkitzut othoitz hauk, Elizabeth sainduaren ikhustean, eta gure salbatzaillearen inkarnazionea Espiritu sainduak deklaratu zerotzun orduan izan zenduen plazeraren ohoretan: othoi bisita gaitzatzu eta ikhus gaitzatzu zeure aiuraz, pausu onetan Aitaren bothereak eta Espiritu saindu konsolariaren karitateak gu erabil-araztea gatik Iesu Kristo gure Iaunaren merituz. Biz hala.

3. gomendioa

        O Birjina Maria guziz urrikari gaitutzuna, zeruetako erregina baderauzkitzut othoiz hauk, bethi Birjina zarela munduaren salbatzailleaz dolorerik gabe sainduki erditzearen alegrianzatan: othoitzez nagotzu, arren amorio handi hunen berbhutez zeure semea ganik ardiets diazaguzun Espirituko pobretasunaren dohaina, Aita eternala gana egiazko errespetua eta bizio guzietarik bizi hunen finerainokoan garbi izaitea. Biz hala.

4. goimendioa

        O Maria Birjina garbia, baderauskitzut othoitz hauk zure seme maitenenari erregek adoraturik presentak eman ziotzatenean errezibitu zenduen plazeraren konsiderazinotan: othoitza nagotzu, arren bizio guzitik penitenziaren botherez eta Iainkozko amorioaren suaz garbi nazazun, Aita eternalari agradatzen natzaikan bezalako ofrenda ni preparatzea gatik. Biz hala.

5. gomendioa

        O Birjina Maria miserikordiazkoa, aingeruen enperadorea, baderauzkitztu gomendio hauk, hirur egunez semearen bilha ibilirik, gero ondoan dotorekin disputan zegoela tenpluan ediren zenduenean hartu zenduen kontentamenduaren orhoitzapenetan: Arren egiguzu Iainkoa bethi bilhatzeko garazia, galzen dugun orduan iguzu urriki eta sentimendu handia, eta behin aurkitzen badugu othoi bere miserikordiaz bego gurekin bethi. Biz hala.

6. gomendioa

        O Maria Birjina benedikatua, bekhatoren ama, baderauzkitzut gomendio hauk, gure Iesu Kristo Iaunak pitzturik eta bisitaturik salutatu zinituenean errezibitu zenduen bozkarioa gatik: arren irabaz diazaguzu halako obrak egiteko garazia, non zure seme Iaunaren garaziaz pitzturik iraun eta persebera dezagun garazia hartan guk Iainkoaren borondatea konplitzea gatik. Biz hala.

7. gomendioa

        O Maria Birjina loriaz bethea, aitaren alaba, semearen ama, espiritu sinduaren esposa, Trinitate sainduaren egoitza sakratua, gomendatzen natzaitzu zerura igan zineneko loriaren orhoitzapena bitharteko emanik, eta othoitzez nagotzu, harren egun artako sendagailla handi haren berthutez izan diazaguzun geure etsaien kontra biktoria: eman diazaguzun Trinitate saindua ohoratzeko moldea; eman diazaguzun Trinitate guziarenlorian pazuner izaiteko meritua Iesu Kristo gure Iaunaren biziaren, pasionearen eta heriotzearen berthutez. Biz hala.

        Gomendio hauk arrosarioan sarthuz erraiteko propiak dira, hamar guziaz gomendio hautarik bat.

Andre Birjinaren zazpi bozkarioak

        1. Allegera zaitea, o espiritu sainduaren esposa, parabisuan orai errezibitzen duzun kontentamendua gatik: ezen zu zeure garbitasunak eta birginatasunak aingeruak baino gorago alxatu zaitu.

        2. Allegera zaitea, o Iainkoaren ama birgina parabisuan sentitzen duzun plazera gatik: zeren eta iguzkiak hemen behere lurrean mundu guzia argitzen duen bezala zuk ere zeure distiamenduaz ederzen eta klaratzen baituzu parabisu guzia. Abe Maria.

        3. Allegera zaitea, o Iainkoaren alaba, parabisuan oren hunetan gozatzen duzun ontasuna gatik: zeren-eta aingeru guziek eta arkangeluek, tronuek eta iauntasunek eta espiritu dohatsu guziek bere kreatzaillearen amatzat ohoratzen, ezagutzen, erreberenziatzen eta errespetatzen baitzaituzte eta zuk egiten derauezun kheinurik tipienera obedient baitaude. Abe Maria.

        4. Allegera zaitea, o Trinitate sinduaren neskatoa, parabisuan sentitzen duzu eta gozatzen zaizkan bozkarioa gatik: zeren eta zu zeure seme Iaunari eskatzen zaizkan garazia guziak bertan emaiten beitzaizkitzu eta san Bernatek dioen bezala bat ezta zure esku sainduetarik lehenik iragaiten ezten garaziarik hemen behere lurrean emaiten. Abe Maria.

        5. Allegera zaitea, o prinzesa noblerena, zeren-eta baldin Iainkoaren semea bere Aita eternalaren eskuineko aldean iarririk badago, zu ere zeure seme sainduaren eskuinean bakharrik iarria baitzaude. Abe Maria.

        6. Allegera zaitea, o bekhatoren esperanza, malenkoniatuen geriza parabisuan duzun alegrianza handi hura gatik: zeren-eta zu laudatzen eta errespetatzen zaituztenak, Aita eternalak mundu hunetan bere garazia sainduaz eta berzean iainkozo loriaz errekonpensatuko baititu. Abe Maria.

        7. Allegera zaitea o ama alaba eta Iainkoaren esposa: zeren ori parabisuan gozatzen zaizten garazia guziak, kontentamenduak eta faboreak ezpaitira sekulan gutituko, aitzitik lehen iudizioko finereino berretuko baitira, eta mendetarik mandetaraino iraunen baitute. Biz hala. Abe Maria. Gloria Patri etc.

Othoitza

        O Maria Birjina emea. Iainkoaren ama, garazien erregina, bekhatoren abokata, malenkoniatuen konfortua, tristeen faborea, lurreko konsolamendua, zeruko bozkarioa, etsaien izialdura, adiskideen bizitzea, eta andre perfekta, pietatez othoi ni zure zerbitzarti indignea enzun nazazu, eta zeure maiteen eta zeure bulhar birginazkoan eskiribaturik daduzkatzunen kontuan eduki nazazu. Garbi diazadazu, o Birjina garbia, neure bihotza bekhatu guzietarik: khen eta kasa ezazu ene baitharik zure begiei desplazer, zaien guzia: purga ezazu ene arima lurreko desiretarik eta alxa diazadazu neure espiritua zeruko onen eta bethi eternalen amoriora egizu ene delienzia guzia hunetan izaitea. O Birjina saindua, orai eta neure heriotzeko pontuan eta udizioko egun izigarrian, neure eginak gatik kontu eman beharko dudan hartan, othoitz egiozu ene gatik zeure semeari o Birjina sindua, zeure lagunzaren botherez othoi sekulako suaren penetarik aparta nazazu, beraz ni bekhatore ondikozkoa ez nazazula nihoiz kita. O Birjina egun hartan zure pietateari gomendatzen diot neure arima eta gorputza: erregina zazu arren goberna eta defenda nazazu gaitz guzitik, periletarik eta mundu hunetako etsaietarik. Othoitz ezazu zeure seme Iauna arren eman diazadan neure bekhatuen barkhamendua, egiazko fedea, esperanza fermua, karitate handia, eta Espiritu sainduaren garazia, garazia hunen aiutaz bethi bere borondate saindua niri eragitea gatik. Halaber, o andre Birjina othoi herri hau begira ezazu grlatik, izurritik eta gosetetik: ene ahaideak adiskideak eta giristino guziak gaitz guzietarik salba itzatzu: egizu, Ama Birjina, zeure pietatea gatik, egizu zeure amatasuna gatik egizu zeruko loria gatik. Biz hala.

        Bozkario hauk othoitz hunekin batean erraiten dituenak fabore handiak izanen ditu Birjina ganik, hala da Birjinaz beraz saindu bati prometatua.

Iainkoaren amaren salutanzia

        Agur, aita Iainkoaren alaba. Agur, seme Iainkoaren ama. Agur, Espiritu sainduaren esposa. Agur, Trinitate sainduaren tenplua eta lekhu sakratua.

Andre Birjina Mariari othoitza

        Iainko aitaren ontasunetik sorthu zaren seme Iesu Kristo errege Iauna, fabora nazazu: Birjina benedikatua, enzun nazazu: mundu guztia salbatu duenaren ama, hel zakizkit: parabisuko andrea, begitartez beha diazadazu: zeruko eta lurreko erregina emea eta laudatua, bitarteko on betho gertha zakizkit: gizon arraza guziaren abokata, egizu othoitz gure gatik: ezen zu zara aingeruen andrea; patriarken lilia, profeten desira; apostoluen tresora; kofesoren ama; kofesoren ama; birginen ohorea; Birjina ama eztia, egizu othoitz ene gatik o andre ederra eta dilzea! Aingeru guziek elkharrekin duten baino zuk zerorrek fabore gehiago duzu, eta hala aiuta nazazu gaitz guzietan: eta arima gorputzetik partituko den egun eta oren izigarrizko hartan ez nazazula arren utz: andre emea, oren hartan eta iudizioko orenean fabora nazazu, eta parabisuko athean zeure seme maitearen aitzinera hel nazazu, hor finik gabe haren loriaz azurekin batean gozatzea gatik eta bethiereko garazia ikhustea gatik. O parabisuko athea Iesu Kristoren palazioa, itsasoko izarra, mundu guziaren konsolamendua, finik gabeko hastea, Maria Birjina eztia, Iesu kristoren esposa, elementuen athea, giristinoen esperanza, pietatearen ithurria, bakearen osasuna. Birjinatasunaren buruzagia, aingeru guziak baino goragokoa miserikordiaren ama, Birjina guzien gaineko birgina, Iainkoatasunaren tenplua, kreatura guziak baino ederragoa, eztitasunaren andrea. O salbamenduaren probedimendua Iesus. O Maria, duzun nitzaz pietate: zeren-eta zu beitzara dolorearen erremedioa eta konsolazinoa, zure baithan allegeratzen dira aingeruak, ea bada miserikordiaren andre eztia, itzul itzatzu ene gana zeure begi miserikordiazkoak eta garaziaz argi nazazu, eta othoi enzun ezazu ene othoitz. O andre pare gabea! zeure esku sainduetan gomendatzen deratzut neure arima eta gorputza. Pater. Abe.

        Iosaphateko haranean Birjina Mariaren sepulturan edirena da orazino erran den hau, eta berekin duenaren edo egunean behin debotki erraiten ezpa errenarazten duenaren hainiz berthute du: nola baitira sutik, uretik, konbatetik eta etsaien azpitiz libratzea eta begiratzea, buruko minetik sendatzea, espiritu gaixtoa khenzea, ezin erdiz dagoena erdiaraztea, baldin kofesaturik eta errezibiturik orazino hau debotki eskura harzen badu; Birjina gana debot denak hirur egunez hilen den baino lehen Birjina bere faboretan ikhusiko du.

Sankta Methilderi Andre Birjinak
hilziko orenekotz irakhatsi hirur othoitzak

        Birjina saindua, Iainkoaren ama, dohatsu guziez gorago Iainko eternalak alxatua eta bere buruaz lekhora zruen eta lurrean bothererik gehiena eman deratzuna: othoitzez nagotzu, neure andrea, arren zeure ahalaren ereduaz ene heriotzeko orenean lekhuan ediren zaitean eta neure flakotasuna bortitz diazadazu zeure faboreaz eta khen diatzadatzu neure etsaiak deusetan ere damurik egin ezteazadaten bezala, ene arimak atsekaberik ez izaitea gatik. Biz hala.

Bigarren othoitza

        Birjina saindua Iainkoaren ama, Iainko aitaren seme eternalak edertua eta ezin erranezko subeertean zeruko iakintasunaz eta zuhurziaz beztitua eta bethea, loriako argi franko batez ere inguratua, parabisuko saindu guziek bino klarkiago Trinitate saindua kontenplatez gatik eta argitasun hunen berthutez Trinitate sainduaren izaitea ikhustea gatik. O andrea, zeru guzia argitzen duzu eguzki distiatzen duen batek bezala, zeure iainkozko zuhurzia eta argi dohatsua bitarteko emanik errekeritzen zaitut andre noblea, arren neure hariotzeko orenean zeure othoitzez fabora nazazun, gaitzetarik begira nazazu eta fede bizi bat ene baithan eman dezazun ignoranziaren azpitik ni bide bunez atheratzea gatik era hobenen oinhazeak ene baitharik khenzea gatik. Biz hala.

Azken othoitza

        Birjina sindua, Iainkoaren ama, zure baithan Espiritu saindu konsolariak Iainko bat aitarekin eta seme bat perfetuki eta abundantki ostatatu ditu: zure baithan bere iainkozko amorioaren eta karitatearen eztitasuna eta zaporea eman ditu: zu hanbat faboratu zaitu, non Iainkoaz lekhora ezpaita zu bezain miserikordiazkorik eta emerik, arren, ene andre eztia, berthute hunen eta hain kualitate eztiaren arauera neure heriotzean faboratzera ethor zakizkit, eta Iainkoaren amorioa halako gisaz ene eztiaraztera balaka diazadazu, non heriotzearen garratztasunik, borthiztasunik ezpa berze niholazko behazunik eztakidan kontra, aitzitik ungi eta faboratuki kontua Iainkoari errenda diazodan. Biz hala.

Fabore galdetzeko othoitza

        Nola baituzu gradurik handina bezala ontasunik handiena ere Iainkoaren ama bethi Birjina izaitea, hala zeure amatasunaren propitatez obteni diazakedazu munduko banitateak nik utzirik zeruko bideak edukitzeko indarra eta faborea. O aingeruen erregina sabanta! eman diazadazu zer eta nola eskatzeko zuhurzia: ezen añhitz gauza eskatzen naiz, baina maiz behar ez bezala, hargatik maiz enzun gabea gerthatzen naiz, ordea orai zure faborearekin batean behar bezala fabore galdetzeko debozinoa dut, eta hala, andre humilla, zeure exzellenziak gatik eta salbatzaillea baithan duzun garazia gatik eztiazaduzula arren falta sokorritzera neure premietan: ezen zure baithan esperanza handi bat dadukat neure indignetasunak gatik enauzula faboratu gabe utziko. Ea bada, andre pietatezkoa, zeure gomendioan har nazazu, baina har nazazu ez utztekotan, hala suplikatzen natzaitzu, eta enzun nazazu. Biz hala.

Andre Birjinari othoitza

        Agur Maria Birjina eztia, Iainkoaren alaba, semearen Ama Espiritu sainduaren sakratutegia, andre garaziaz bethea, emaztetako benedikatuena, zeruetako erregina, aingeruen enperadorea, beharren konsolaria, bekhatoren ama miserikordiazkoa, abandonatuen geriza, Iainkoaz lekhora goragokorik eta bardinik gabea: Iainko guziz botheretsuak eman derauzkitzun abantail hautzaz guzioz suplikatzen zaitut, arren ene premia guzia halako moldez urrikal dakizun, non othoitz dezazun zeure seme Iauna ni gomendiotan harzera; baldin zu, andre saindua, enplegatzen bazara, segur naiz egundainoko umerik dohatsuena izanen naizela: ezen badakit zure eskea borordate onez akhordatuko eta emanen duela. Ea bada, ama saindua, zeure faborez izan diazadazu zure begi garbien aitzineann giristino leial bizitzeko garazia eta lurreko gauzez gorputza mantenatzea gatik b??????kasurik egin gabe bizitzeko erregelamendua, gero mende hunen ondoan zure seme Iesu Kristo gure Iauna eta zu hunen ama dignea eternalki ikhustea gatik. Biz hala.

Andre Birjinari othoitza

        Andre Maria Birjina tatxa gabea! Zutzaz deliberatuki orhoitzen nizen guziaz bihotz guzia kontent hutsez allegeratzen zait zeren zure meritu handietan dignetasunik eta bozkariozko suietik baizen ezpaitut edireiten. Halakotz neure behar orduetan zure gomendiora ihe s egiten dut, eta zuk bere hala enzuten nauzu. Ea bada, donzeilla saindua, zeure saihets sakratuan gerizatua bethi eduki nazazu eta esperanza dudan bezala behar ordu guziaz konforta nazazu: ezen badakit, andre goikoa, zure ganik añhitz garazia behere hunetarat iausten dela, eta nik ere gero zure eskolatuak bezala, orai iakin gabez ezin trenka ditzakedan eskerrak, ohore handi batekin erranen ditut zure endrezu loriosez dohatsutasuneko lekhura hel nadinean, eta bitartean hemen bizi naizeino neure molde apurrean laudatuko dut zure izen ederra deabruei eta berze etzai guziei despit egitea gatik, ainigeruei eta berze zure adiskidei plazer eta atsegin harraraztea gatik; manera hunetan zure othoitzez Iainkoaren garazian hilzeko dohaina ezan diazadazu, eta guzia zure laudoriotan konbertituko da; salbatu da bekhatorebat, biz laudatu Maria bere lagunza onak gatik; Parabisura da Birjinaren debot bat, biz laudatu Maria bere debota hunela sokorritzea gatik: finean Maria laudatuko zara zeruan zeure merezi handiak gatik eta ni bezalako presuna pobrea faboratzea gatik. Biz hala.

Predikua hastean othoitza

        Prepare ezazu, andre Birjina, Iainkoaren hitzez handiro prezatzen zarena, prepara ezazu zeure delienziez ene adimendua zure seme Iaunaren dotrina enzutera, eta eman diazozu predikariari Espiritu sainduaren hitzkunza elizako ebangelio saindua sustanzioski eta probetxurekin deklaratzea gatik. Eman diazozu minzatzeko botherea eta eman diazaguzu enzuteko faborea, batzuek eta berzek zerua laudatzea gatik eta arimak salbatzea gatik. Biz hala.

Andre birginari marinelak egiteko othoitza

        Andre Maeia Birjina, gure salbaitzaillearen ama, bekhatoren esperanza, Adamen ethorkiaren ohorea, lurreko kreaturen andrea, munduko mirakullua, Birjina guziz garbia, aingeruen erregina eta Iainkoaren etxea! ni bekhatore handia izana gatik, arren ez nazazula arbuia, aitzitik bethi fabora nazazu eta zure semearen aitzinean ararteko on gertha zakizkit: ezen zure behar bezala eskatu zaitzunik gabe bihurtu dela eztut egundaino enzun, eta zuri debotki gomendatu zaitzunik kaltetan egundaino erori dela eztut ikhasi baina bai peril handien erditik ere salborik ilkhi dela eta hala giristino leial guziak garaziaren eta miserikordiaren ama zarela arrazoinekin famatzen zaitu. O saindutasunaren mirakullua! enzun ezazu othoi ene othoitza: zeren-eta nik kreatura pobreorrek zuk orai eta bethi gaitzetarik ni libretzea gatik, neure burua zure gomendioan ibainzen baitut. Ardiets diazadazu arimako eta gorputzeko garbitasuna, bihotzeko humiltasuna, Iainkoa ganako debozinoa eta haren borondate sainduaren egiteko anzea eta indarra. Giristino lagunaren alderako karitatea, bakea eta arrunkidetasuna. Fabora nazazu piaia peliros hunetan, fabora ezazu beharrean dagoen presuna guzia, baina guzia ere gure konpainia bere nezesitatezko pontu eta puntada guztietan. Egizu gure etsaiak gure gainean eskurik eztezan har, alde zakizkigu bethiere; zure itzalak berak izituko ditu: Andrea zu hargatik etzara nekhatuko baina bai gu konsolatuko; zu etzara periletan sarthuko , baina bai gu periletarik kanporako; zu etazara gutiagotuko, baina bai gu gehiagotuko, eta gu hunelatzearekin batean zu ere laudatuko zara eta sekulakotz prezatuko bekhatoreoi egin derakuzun aiuta gatik. Biz hala.

Andre Birjinari othoitza

        Agur Maria, alaba saindua, alabetako abantaillatuena, abantaillatuetako dohatsuena, dohatsuetako ederrena, ederretako maiterena, maitetako konpliena, konplietako sainduena, eta Iainkoaz landan lehena.

        Agur miserikordiaren ama, munduko andrea, zeruko erregina, birginen birgina, sainduen saindua, itsuen argia, iustuen loria, bekhatoren barkhamendua, garbitasun guziaren mirailla eta ontasun infinituaren ganbara.

        Agur ama Iainkoarra, eta zeure ontasuna gatik Iainkoa baithan ediren zenduen garazia eman diazazu munduari ezagutzera zeure orazino sainduez ardiesten derauezula bekhatorei barkhamndua, eriei osasuna, iziperi kuraia, tristatuei konsolatzea, perilekoei sokorrimendua, gathibuei libertatea, exituei esporzua, hobenduriei salbamendua eta giristino debotei parabisua.

        Agur garaziaren edireillea, biziaren ama, eta salbamenduaren lekhua. Zure seme Iaunari hesteko garazia zeure othoitzez irabaz diazaguzu.

        Agur iujearen ama abantaillatua, garaziaren kobrua, parabisuaren ohore, loriaren distia, salbatzaillearen Arka hersia. Eta zeruko gakhoa! zeure pribilegi handiak gatik egidazu garazia kautuki dakidan bezala frogatzen dudala sendagaillas erraiteko zu zarela tristeen alegrianza, hiratuen boztea, nagien iratzarzea, enkoniatuen pazegua, malenkoniatuen konsolatzea, khexatuen sosegua, unheen pausua, penatuen libranza, gathibuen itzurzea, erien osasuna, bidegabeen pazienzia, kontrarioen iustizia, merituen ezagutza eta deboten parabisua: merezi duzun bezanbat laudorio nik eman nezakezu: baina zure baithan esperanza emana dutenak zuk zeure pietatea gatik handiro faboratzen ditutzu, eta hala ni ere urrikalzen natzaizula fabora nazazu: ezen zuri gomendatzera huna ethorria naiz, eta adi nazazu ama ona garenak bezala: amak umea gatik añhitz daidi: zu zara bada ama eta gu gara amaren umeak.

        Agur gizonen bizitzea, arimen salbatzea, lekhu guziko mirakullua, gure estatu urrikalkizuna eta bizi nigartia muda itzatzu lurretik egunbatez zeruko loriara igan gaitezkeien bezala. Biz hala.

HUNERAINOKOAN DA OBRA HUNEN LEHENBIZIKO PARTEA