IRAKURTZAILLEARI OBRAREN IABEAK

        Gizonak ahal dukeien ontasun handienetarik bata (Adiskide debota) da Orazinoa, zein baita, bere adimendua Iainkoagana alxatzea, hargatik nik ere dotrina hau zure begien aitzinera athera dut nihoren erranetara eta erran ahal ditzaketenetara batre behatu gabe. Egiazki enzun dut eta badakit batzuek minzatze mueta hau arbuiatzen dutela, berriz berzek bere herrietako hitzkuntzaz nahi luketela: baina berzela eginik laudorioak baino neure herriko minzaiaz eginik baiak gogotikago pairatuko ditut, halakotz eztezala nihork mirets baldin nahastekatuki minzo ezpanaiz, baina bat bederak debotki erabil beza bere probetxutan, eta horra ene intenzionea.

        Finean H bestetan edireiten duzun lekhuan geren ordenako besta date: F den lekhuan san Franzesen Ordenakoa, berze besta eskasak nork bere herrietan elizatik ikhasten ditu, Iainkoak ungi gozatzeko garazia dizula eta ungi zadutzala. Amen.

C. HARIZMENDI APEZAK EGILEARI

        Badakhusat klarki, zuk egin liburuan,

        Merezi hainitzak, ditutzula zeruan:

        Nahiz inbidiak, erran dezan zer nahi,

        Merezi hek berdin, eztakizketzu bahi.

        Hirur partetara lana duzu partitu,

        Hirurkatze hunez, misterioz handitu.

        Numero hiruraz laudatzen da Iainkoa,

        Hirurtasuna da, guzien gainekoa.

        Anaiarik hirur, apez sakrifikari,

        Fraide deskalsua, zenduten herenkari.

        Lan hau noiz baituzu, hunla sakrifikatzen,

        Pontu hauk guziok, ditutzu publikatzen.

        Guzia den geroz, Iaunaren ohoreko,

        Golardo sainduez, segur zaitu betheko.