EGÜBERRIREN JITIAZ

        Egüberriren jitiaz

        Izan gitian boztürik;

        Jesüsen izen saintiaz

        Giraian oro betherik.

Eba gure lehen amak

Falta egin zianian,

Bertan Lüzifer gaixtoak

Bere pekotü güntian.

        Egüberriren jitiaz...

Bena Jesüs Kristek gütü

Gizontzez arra erosi

Eta gaitzetik baztertü,

Ezgünilarik merexi.

        Egüberriren jitiaz...

Birjina batek dü sorthü

Establia txar batetan,

Eta berak adoratü

Ümilitate handitan.

        Egüberriren jitiaz...

Jesüs jaio bezain berri,

Aingüriek alabatü,

Bai eta're hantik sarri

Jin artzañek adoratü.

        Egüberriren jitiaz...

Hor dütü goizerritarik

Erregiak dohañekin,

Izan zeitzonak emanik,

Gogo hoberenarekin.

        Egüberriren jitiaz...

Mirra, inxentsü berari

Dütie ohereskatü;

Orano Jesüs haorrari,

Ürhe ederrik eskentü.

        Egüberriren jitiaz...

Errege haien gidatzen

Izar bat bethi zabilan,

Zeren Jesüs haorra beitzen

Jinko gizontzen lürrian.

        Egüberriren jitiaz...

Jesüs Kristek hanbat maite

Ükhen dü khiristinoa,

Ezin erran beitaiteke

Har'k dian amorioa.

        Egüberriren jitiaz...

Sorthü delakoz gügatik

Hain nekezia handitan,

Dezagün othoi gogotik

Zelian oro har gitzan.

        Egüberriren jitiaz...