BIRJINA GAZTETTO BAT ZEGOEN

Birjina gaztetto bat zegoen

Kreazale Jaonaren othoitzen,

Nuiz et'aingürü bat lehiatü

        Beitzen zelütik jaitxi

        Mintzatzera haren.

Aingüria sartzen, diolarik:

«Agur, graziaz zira betherik,

Jaona da zurekin, benedikatü

        Zira eta haitatü

        Emazten gañetik».

Maria ordian dülüratü,

Eta bere beithan gogaratü

Zeren zian uste gabe ebtzüten

        Hura agur erraiten.

        Hanbat zen lotsatü.

«Etzitela, ez, lotsa, Maria;

Jinkoatan bathü'zü grazia:

Zük düzü sabelian ernatüren,

        Eta haor bat sorthüren

        Jesüs datiana».

Harek, dülüratürik, harzara:

«Bena nula izan daite hola,

Eztüdanaz gizunik ezagützen,

        Ez eta ezagütüren

        Batere seküla?».

«Ezpiritü saintiak huntia

Izanen düzü hori, Maria».

Zü zirateke, ber ordian, ama

        Bai et'ere birjina,

        Mündian bakhoitza.

Mariak arrapostü ordian:

«Hao naizü Jinkoren zerbütxian,

Zük errana nitan biz konplitü».

        Jaona aragitü

        Haren sabelian.

O Jinkoaren ama saintia,

Bekhatügilen ürgaitzarria,

Zük gitzatzü lagünt, bai Jinkoaren,

        Baita berthütiaren

        Bihotzez maithatzen.