Lanaren semeak ikasi du

lanaren zortea bakarrik.

Nola egunoro jaiki behar den

goizean,

nola izerditan egosten den egunoroko

ogia,

nola eskuetako kailuekin egin behar den

maitasuna.

 

Lanaren semeak du ikasi

lanaren zortea bakarrik.

 

Bildu dizkiote esku potortuak

lanaren semeari,

haietan txapel izerditua,

hainbeste lanez beztua.

 

Ez die utziko semeei besterik

txapel izerditua baizik.

 

Goizetako presa,

izerdiz egositako ogia,

maitasunerako eskuetako kailua.

Eta bazterrean txapel izerditua.

 

Lanaren semeak ez du besterik

txapel izerdiz beztua baizik.