Oraintxe jo duk hondoa,

gizonaren lainotan oraintxe lainoa

biderik medarrena itxi da

aterik estuenari bota diote langa.

 

Begiak daude ezerezetan

bihotza non den sentipenez galdua

nola den galduago lainotan

biderik ez dakienaren pausoa.

 

Ito ardotan

       ozpinetan,

              itxaropenik ez den

lur elorriotu hori

bizitzak ez du balio gure herrian

pistolaren tiroa baino gehiago.

Errotara gari alea bezala

daramate gure herrian pilaka

bizitza gaztea herio ateraino.

 

Ez da biztuko gehiago

lainotan bustitako poxpoloa

ez diote itxaropenaren ateari kenduko

bota dioten langa gaiztoa.