Zapaltzen gaituzte mahatsa bezala,

gorritu zaizkie jantziak

gure odolarekin,

tolaretik datorren ardoak

mahaskaria zikintzen duen bezala.

 

Baina,

Guk edango dugu gure ardoa

handik mozkortzeraino

botagurea amorruz egiteraino.

 

Eta

botatzerakoan botako diegu gorri

aurpegia gorritzeraino

amorruz egositako gure ardoa.

 

Eta

erreko zaizkie begiak eta jantziak

azpian itotzeraino

zapalduen gure odolarekin.