UHOLDEA

                      Eta etorri izan zen uholdea

                      berrogei egunez...

                                     Etorkia VII, 17.

Eta zeruko ateak ideki ziren

ximistez, ihurtzuriz, babazuzaz,

berrogei egun eta berrogei gauez.

Eta urak handitu, altxatu, goratu ziren

etxeak, arkak, berebilak

flotatzen jarri zirelarik uren gainean.

Eta urak xoil hagitz bortiztu ziren

ontziak hondoratzen,

zubiak erdibitzen,

mendirik haltoenak estaltzen zituela.

Eta lurraren gainean higitzen ziren

haragiki guztiak,

hegaztinak, abrebestiak, harrastakiak

eta pertsonak oro hil ziren,

helikopterotara igo ez ziren beste guztiak.