Negarrez dago

             Neskatxa...

             Berekin dauka

             Mingatza!

             Lehen, gazte zinala

             Zurekin argia.

             Udaberri zinan,

Ta usai gozodun lilia.

             Aurpegi polita,

             Ile eder, apaina,

             Begi dirdariak,

 Eta gorputza liraina.

             Gau t’egun zurekin

             Atsegintasuna...

             Grinaldi txarrik ez

Ta osasun hagitz ona.

             Negarrez dago

             Neskatxa...

             Berekin dauka

             Mingatza!

             Behin zugana urbildu

             Suge bihurria...

             Ta gaizkitu zinan

Neskatil zoragarria!

             Betiko itzali da

             Goizeko argia...

             Ta lohitan usteldu

 Usai gozodun lilia!

             Udaberri ordez

             Zuretzat negua...

             Ta zure zainetan

Odola dezu izoztua!

             Negarrez dago

             Neskatxa...

             Berekin dauka

             Mingatza!

             Ilunabar beltza

             Jatsi da lurrera...

             Zaunkaka zakurra...

             Neska gaixoa hil da!...

             Orain daramate

Lau mutilek hildegira!!!