Bai dala guztiz

    Ederra urrea...

    Urrezkoa da,

    Bai, zure ilea.

    Ederra, urrea!

       Ta aspaldian nik

       Ez dut urrerik...

       Txiro bizi naiz.

    Bai dala alaia

    Euzki gorria...

    Euzkia da, bai,

Zure arpegia.

Alaia, euzkia...

       Ta aspaldian nik

       Ez dut argirik...

       Ilun bizi naiz!

    Bai dala goian

    Polita izarra...

    Izarrak dira

    Zure begiak.

    Izar politak!

    Ta aspaldian nik

    Begi bustiak...

    Beti eudia!

    Bai dala samur,

    Liraina, usoa...

    Usoa zera,

Zu, nere maitia!

Usotxo zuria

    Goian hegaka...

    Nigandik urrun

    Nere maitia!