Jaungoiko

              Maitea!

    Dana zauriz betea!

    Nigatik gurutzian

    Oinazez hil zorian...

              Horrela

              Zu ikusi...

    Ta zotinka naiz hasi.

              Lehertu zait

              Bihotza

              Mingatza

              Dalako

    Jauna, zure heriotza!

HERIOTZ

              Hil zera

              Jaun ona

    Jesus, nere zoruna...

    Nigatik Zu nekatu...

    Ta nik Zu ez maitatu!

              Zu zinan

              Goizargi...

     Ni ekaitza... gau ilundi!

              Egin dut

              Bekatu...

              Damu dut

              Bihotzez...

    Arren, jauna, barkatu...

BERPIZTE

              Lurretik

              Goi gora

    Igo zera zerura.

    Nik ere nahi alde egin

    Bizi nahi dut Zurekin.

              Gorputza

              Baztertu

    Gogoa anitz maitatu...

              Aingeru

              Bihurtu...

              Ta kantak

              Kantari

    Zeruan zu aintzatu.