Intza begietan
Klaudio Sagarzazu

Industria Gráfica Valverde, 1957
Ayalderen irudiak

 

 

HIL, HIL DA!

 

                         Isilik...

                         Isilik

                      Egon zaitez

                         Txoria.

                         Ez kanta...

                         Hil, hil da

                      Ama kutun

                         Neria!...

 

                         Elurra

                         Ari du...

                      Hotz-hotza ta

                         Zuria.

                         Elurra

                         Bezela

                      Gelditu da

                         Maitia!...

 

Gaua da... ortzilun... ezin ikusi izarrak!

Itxi dira amaren begi eder, xamurrak!

 

Gau t’egun alege nago... ta bakarrean...

Nik ez dut maiterik nere aldamenean!

 

Bera zan neretzat udasteko lilia.

Goi zeruko izarra... goizaldeko euzkia.

 

Bera zan neretzat egizko erregina,

Amatxo kutuna, emakume berdina.

 

                         Isilik...

                         Isilik

                      Egon zaitez

                         Txoria.

                         Lehertu zait

                         Bihotza...

                      Begietan

                         Euria!

 

Gau t’egun alege nago... ta bakarrean...

Nik ez dut maiterik nere aldamenean!

 

Isilik... isilik egon, txantxangorria...

Bai dala mingatza zure kantu larria!

 

                         Abestu

                         Poz-pozik

                      Urretxindor

                         Zolia!...

                         Zerura

                         Igo da

                      Nere ama

                         Maitia!...

 

                                          Argi bat itzali da gaur, hemen, lurrean.

                                          Berri bat piztu da... han, zeru ederrean.

 

                                          Zeruan kantari, aingerutxo kutunak...

                                          Nere amarentzat beren kanta xamurrak.

 

 

Intza begietan
Klaudio Sagarzazu

Industria Gráfica Valverde, 1957
Ayalderen irudiak