Miren, zu zaukadaz, gogaion jabea,

 Erbestean itun, arrats garbietan

 Maite kondairan lez andera atsegea

 Leioan ostetik musin amesetan.

 

 Ez ba'zara oroi ninduzula maite,

 Ez nitzaz otoitzik, Miren, zure ezpanak,

 Ez malko lausorik iluntzen begite

 Guperak artuta samurtsu, laztanak.

 

 Olerki bakun au agian —nork leki!—

 Oroige negarrez zugana doake

 Lelo zar-zar bat lez bigunez emeki

 Nun sortu ete-zan aaztu be ba'yake;

 

 Arako lurringai aldakor, arinak,

 Edo ekandu-urrin igeskorrak antzo

 Usaingileen txolet artean diranak

 Maite-samurketa ostenduen zantzo.