Aita, egipen ederrenean,

 Urteak zear gogar eikean:

 

 Mutila argiak esnatu euan,

 Gaueko aldi losorrenean.

 

 Erdi amesti Aita ekusan

 Sua piztuta esku bietan,

 

 —Seme maitea lotan ete-zan

 Iakitearren arrazta eukan.

 

 Suak irudin eskutartean

 Maitasunaren garra ilunean.

 

 Esku-atzamar biurtuetan

 Asmatzen zana, Biotz bat ei-zan.

 

 Agerterreza, losor ustean,

 Biotz au zala Aitarenean;

 

 Irudin baita, gori garretan,

 Iasan ezina esnatuetan.

 

 Aitak musua, dirdiz orretan,

 Ikus samurrez, argiz ez leukan.

 

 Dana piztu zan une batean,

 Biotz bakana ilun bestean.

 

 Iakin-ta baina, naiko irautean,

 Eguzki zala eskutartean.