ITXUA...!

                        Ugaritza abertzale andiari

Abertzale zintzo, gazte alaia,

maitasunez lertzen biotz aundia,

        pozik zebirtzan

        lan gogorrean.

Euskadi azkatzea zan zure naia!

Maltzur zitalkeriz, piztien eran

odol egarriaz, une batean,

        gorroto biziz

        ta nabarkeriz

zure begitako argia ill zan...

Aberri maitean aurka salduta,

gizonki ta lotsa danak galduta,

        eri zaituzte...

        ta, odolez bete

da berriro lurra zuk ixurita.

Ikusi eziñik gelditu zera,

illun dezu beti, illun berbera

        begi aurrean...

        gaurtik oztean

ikusi eziñik biziko zera!

Mendien orkegi eder berdiña

ta gure zeruen margo urdiña,

        maite dezuna,

        zure kutuna,

ezin ikustean, a zer samiña!

Bañan arpegiko begiarekin

ez ikusi arren, sinismenakin,

        agian geio

        ta argiago

ikusiko dezu maitasunakin.

Egon zaitez lasai! Zure anaiak

beteko dituzte dituzun naiak.

        Zure odolez,

        buru-eskañez,

badatoz Euskadi aska garaiak!!!

1931-6-26