EUSKOTARRAK, ALKARTU!

                        1923garren urtean, Bilbon Abertzale

                        Orobatasun jaia zala-ta, egiña

Alkartu biotzez euskotar danak,

euskotar anai danak alkartu!

        Alkartasunak

        Ta anaitasunak,

Euskadi zarraren kate astunak

        ausiko ditu.

              * * *

Mendi tontorrean bildotx ardiak

gogoz ari dira, belarra jaten.

        Beren artzaiak

        apal, alaiak,

ikusirik artaldearen naiak,

        pozik abesten.

Ixilik gordeta otso zakarra

erne dago beti, garai danean,

        begitik garra,

        sendo bularra,

sartzeko, odoltzale, au zori txarra!

        ardi tartean.

Otsoa artaldean sartzen dijua...

Ikusi du artzaiak ta egin du gogor

        gudari ojua:

        Launak otsua!!

Beste menditako artzai zintzua

        laxterka dator...

Danak alkartuta, arri makilla

eskuan dutela, an dijoazte

        otsoen billa.

        ango ixkanbilla!

Luzaro ibillirik borrokan, illa

        an utzi dute.

Ta artzaiak dio: Bakar izatea

zein txarra dan gaur ikusi det nik.

        Doakabea

        nere artaldea!

Otsoa egingo zan bere jabea.

        ta ni... bakarrik.

              * * *

Alkartu, biotzez euskotar danak.

artzaiak batuta otsoa il dute.

        Alkartasunak

        ta anaitasunak,

Euskadi zarraren kate astunak

        ausi dituzte.