AMALAUDUNA

Mendi arroak zuen tontorrekin

zeru-lañoak jo dituzutenak!

Mur-mur zuazten ibatxo denak!

Margotsu lorak, zuen usaiekin

zuri-gorrizko printza politekin,

gure Aberria pozten dezutenak!

Zugaitz eta arkaitz beti zaudeztenak

argi gu ikusten zuen begiekin!

Itxas urgoia ondartza gureak

astin dituzun itxaso zabala,

euskal gizonak, bulartsu, trebeak,

nun dira orain, besten mende dala

Euskadi zara? Euskaldun gazteak:

pixtu dezagun Aberri leiala!!

1927-5-6