KONTUZ, MIREN!

                        Suge tartean txoria

                        Otso tartean bildotxa

        Zugatzen adar txiki batean

abestutzen du txoriak

abots eztitsu samurrarekin

alaiturikan tokiak.

        Egotan margo politak ditu,

ankak ta moko txikia,

zeñen ederra iruditzen zait

mendin dabillen txoria!

        Zugatz azpian sugia dago

jaririk, erne, begira

txori abeslari, txori politak

abestutzen dun tokira.

        Txorien begi argi politak

ditu sugeak topatu...

bere begiak suaz beteta

txoriñua du zoratu.

              Zeñek esan

              txoriñua,

alai abesten zuena

              ilko zala

              izanikan

suge zatarren jatena...!

        Zelai orlegi zabal batean

bildotxa dabill jolasten

laxterka orain, saltoka gero,

ez da beñere gelditzen.

        Edurra bezin ille zuria

ankak ta mutur polita,

dabilki isatza jiraka beti

alai, be-egiñez jarrita.

        Illunabara iritxitzen da,

otso bat dago inguruan

zaitzen bildotxa, illundutzean

arrapatzeko asmoan...

        Gaua iritxi da, illuna dago,

bildotxa dabill zelaian,

otsoa ixilik iritxitzen da

ta eramaten du ortzetan.

              Zeñek esan

              bildotx ura

alai jolastutzen zana

              ilko zala

              izanikan

otso zatarren jatena!

        Zugatzen itzal zoragarrian

jotzen soñua ari dira.

Mirentxu dabill dantza ta jolas,

txori-bildotxen gisara.

        Gorputz liraña, arpegi ederra,

urrezko illea, begiak

zeru garbia egun onean

bezin urdin ta garbiak.

        Aldamenean maketo dantza,

mutil da neskak elduta

beren gorputza elkartu eta

jiraka dabiltz sututa.

        Miren polita, alai algaraz

an dago dantza ikusten,

maketo etzaiak aldamenean

galduko ote den zaitutzen.

              Kontu Miren

              zabiltz kontuz!

Bildotx ta txorien gisa

              ez erori

              Dantza ori

ez da euskaldunen legia.

1931-6-13