XI. BUKAERA

Oyek guztiyak egin zituzten

Golo bizi zan artian

Kondesa preso eduki zuben

lurpeko zulo batian,

ordu beteko gustorik gabe,

pena aundiyen tartian,

burutik ura zetorkiyola

ez dakit zenbat urtian.

Urkatutzeko sententziya zan

lendabiziko zuzendu:

orduban zaldiz puskatutzeko

Juezak zuten agindu.

Jenobebaren erreguz ziran

ayen biyotzak bigundu...

libre uztia nai zuben baño

etzuben logratu izandu.

Golok etzeukan eskapatzerik;

ondo zeukaten itxiya,

zijuanari erakusteko

guardiyarekin utziya.

Azkenerako urrikaltzen zan

ikusten zuben guziya...

Orra despeira: ezpatarekin

kendu ziyoten biziya.

Bai, Jenobeba: esan gabiak

asko gelditzen zaizkizu,

nota ez dedan eskolarikan...

zedorrek ondo dakizu.

Baldin zeruban nere izketak

kalterik egin badizu.

ez jakiñian uts egin badet,

barkatu biar dirazu.

Jenobeba da obra onakin

zeruba irabaziya:

guretzat ere aren biria

ez dago galeraziya.

Komeni bada, eman zaiguzu

ondo iltzeko graziya,

gero zurekin goza dezagun

eternidade guziya.