KAP. III.
DOKTRINA KRISTIANAREN IRUGARREN PARTEA

§. VI.

Irakasten zaio Kristaubari
zer obratu bear deban.

        G: Zer egitera gaude obligaturik?

        E: Jaungoikoaren Legeko Mandamentuak, eta Eleiza Ama Santuak bere Mandamentuetan agintzen diguen guzia egitera: edo Mandamentu aek guziak osotoro guardatzera, ta kunplitzera gaude obligaturik.

        G: Nola guardatzen ditugu osotoro, ta batere ausi bage Mandamentu Santuak?

        E: Geuren pensamentu guziak, itz guziak, eta obra guziak Mandamentu Santu aekin konformatuaz.

        G: Mandamentu santuak osotoro modu orretan guardatzen dituan Kristaubak, zer premio Jaungoikoagandik alkantzatuko deu?

        E: Gloriako bizitza eterna, edo fin bagea.

        G: Zenbat modutara Kristau gaiztoak ausitzen ditu Mandamentuak?

        E: Iru modutara: Pensamentu gaiztoa konsentiduaz bere biotzean, edo gogoan, itz gaiztoa esanaz, eta obra gaiztoa eginaz.

        G: Zer merezi deu modu orietatik batean Mandamenturen bat grabemente ausitzen debanak?

        E Merezitzen ditu bertatik infernuko pena, eta tormentu eterno guziak.

        G: Beraz, pensamentu gaizto bat, edo deseo gaizto bat bere gogoan konsentituaz materia grabean Mandamenturen baten kontra, ezaguturik pensamentu, edo deseo ori gaiztoa dana: izango da bastante pekatu ori bakarrik animea kondenatzeko?

        E: Bai jauna; zerren pensamentu, edo deseo bat gaiztoa dana ezaguturik, admititzen debanak bere borondate libreaz bere biotzean, ala admititzen deban instante artan bertan autsitzen deu Jaungoikoaren Lege santua; eta orrenbeste da bastante pekatu izateko, pensamentu, edo deseo ura, obraz exekutatzen ez badeu ere.

        G: Ote dadukagu obligazio andirik jakitera Mandamentu Santuak zer agintzen diguen egitea, eta zer debekatzen diguen?

        E: Animako kondenazioaren penan dago bakoitza obligaturik jakitera Mandamentu bakoitzean zer agintzen zaion, notizia orrekin guarda ditzan batere ausi bage, ez ignoranziaz, eta ez maliziaz.

        G: Esan egiztazu Jaungoikoaren Legeko Mandamentuak.

        E: Jaungoikoaren Legeko Mandamentuak dirade amar, &c.

        G: Amar Mandamentu oriek zertara reduzitzen dira, edo zertan daude enzerraturik?

        E: Guziak enzerratzen dira Karidadean; eta ala, amatzen debanak Jaungoikoa bera danagatik gauza guzien gañean, eta Jaungoikoagatik amatzen debanak bere burua bezela lagun proximoa, orrenbestez guardatzen ditu amar Mandamentu Santu guziak.

        G: Esan egiztatzu Eleiza Ama Santuak ifeni zirauzkun Mandamentuak?

        E: Eleiza Ama Santuaren Mandamentuak dirade bost, &c.