SAN LUIS GONZAGAREN
SEI-URRUNA

        Hau egiten dutenak urteoro, irabatzen dituzte sei Induljenzi Plenari, edo oso.

        San LUIS Gonzaga kanonizatu zuen Aita Santuak, kanonizatu zuela dio, izan dedin leneko bere birtute ta bizitza zuzenarekin munduko guzien, ta, guzien artean, gazte ikasleen erakusle; ta Jaungoikoarekiko duen bere esku andiarekin orien, ta nai duten guzien Bitarteko.

        Artu duten zar-gazteei etzaie egiñaz bat ere damutu; bada beren Santua gertatu zaie Erakusle, ta Birarteko guztiz ongille zuzena, edo agiz ongi lagundu diena beren ikasteetan, ta beren Jaunagandik uste zituzten gauzak erdisten.

        Orregatik, eskerdun onak bezala, zenbaitek egiten ziozkaten Santuari onelako presentak, zenbaitek alakoak, eta orietatik batzuek Bederatz-urrunak, eta besteak Sei-urrunak, nori nola bere debozioneak agintzen edo eragiten zion.

        Eta ekusirik, amabigarren Klemente zeritzan Aita Santuak, Santuaren Sei-urrun hau egiten zutenak erdisten zituztela anitz ondasun ta ontarte, erakutsi zuen mundu guziarentzat ontarte-bide hau, egiten zuela orretarako, horduraño beste Santurekin Aita Santuk egin ez duen gauz andi bat.

        Zer, uste dezu?

        San LUISen izenean urteoroko sei Induljenzi oso-oso, edo plenari bereistea.

        Zeri zegokala?

        Santuak Jesusen Konpañian igarorikako urteen izenean.

        Konpañi onetan sartu zenetik ill arteko Santuaren urte guziak sei urte izandu ziran.

        Beti bizitu zen ongi gure Santua; baña azkeneko bere sei urte orietan Aingeru baten eran.

        Naiez bada Klemente Aita Santuak, Bitartekotzat artzen dutenak San LUIS, bizi ditezen onen eran, ekusiz, ta maiz gogoratzen dutela, sei urtez Santu gazte batek egin zuena, ta guk ere, nai badugu, dagikeguna ematen diezte 1740garren urteko bere Bula batean sei Induljenzi Plenari, edo oso, S. LUIS Gonzagaren Festa baño lenagoko sei Igandeetan, edo urteko beste edozein seietan konfesa-komekatzen diranei, sei Urtez Santuak Konpañian egiñikako bizitz-onaren izenean, Santu beraren izenean igandeoro egiten badituzte deboziozko zenbait gauza. Gauz oriek dira libruetan irakurtzea, otoitz egitea, behartsuari zerbait ematea, ta Bederatz-urrunerako berezi ditugunetatik beste zenbait, pag. 150.

        Erraza da, dakusazun bezala, ta ondasunduna San LUIS Gonzagaren Sei-urrun hau egin dezakezula, uzteko. Egizu bada urteoro, ta irabaz-kitzu ondasun oriek, eta anitz birtute, ta Zeruko grazia.

Behar dezun, indarra

Jainkoak eman dizu;

San Luis zuk iguzu

zere laguntz-eskua.

Nekez zatoz mundura

Amaren sabeletik;

BIRGIN Arteko arturik,

Jaio ziñan bizia.

BATAIOko grazia

lendanik artu dezu.

San Luis zuk iguzu

zere laguntz-eskua.

CASTELLON, ta best erriak

nai zatuzte Jauntako;

etzaduzka orretako

Jainkoaren gogargiak.

JESUSen Konpañia

Jaunak eman nai dizu.

San Luis zuk iguzu

zere laguntz-eskua.

Aidez-gurasoz etsaia

dabil zu makurtu naiez;

zu zabiltza zuzen, aiez

dezula ez aditu-naia.

JESUSgatik mundua

lenbaitlen utzi dezu

San Luis zuk iguzu

zere laguntz-eskua.

JESUSen ondotik zu

zuzen zenbiltzan beti:

Konpañian obeki

lan hau zuk egin dezu.

Len ona, emen Santua

ekus izan zaitugu.

San Luis zuk iguzu

zere laguntz-eskua.

JESUS nekez betea

beti dezu gogoan;

al badezu soñean

ordañezko nekea:

barren kanpoz bai-zara

haren imajina zu.

San Luis zuk iguzu

zere laguntz-eskua.

JESUS humill, humill zu;

biok Aita meneko;

onen naia hark osoro,

bai zuk ere egin dezu.

Zere JESUS maitea

Maisutzat artu dezu.

San Luis zuk iguzu

zere laguntz-eskua.

JESUS amorez urtzen

ALDAREko maiean;

LUIS komunioan

haren amorez urtzen,

bein bata, bein bestea

erakusle ditugu.

San Luis zuk iguzu

zere laguntz-eskua.

Bagenu guk artua,

JESUS, zure bidea,

zure amorez betea

geneduke bihotza.

ONGI zuk ikasia

ibilliz, utzi duzu.

San Luis zuk iguzu

zere laguntz-eskua.

BIRJIN AMA maitea

onetsi dezu beti:

sar balekit gaur niri

beraren amorea!

ERDISTEKO grazia

Arteko ona zara zu:

San Luis zuk iguzu

zere laguntz-eskua.

Zuk eskatuz egin du

Jaunak anitz gauz audi;

orain dago egingarri,

eskatzera noan hau.

Zuk ala nai dezula

gaur nik uste dut artu.

San Luis zuk iguzu

zere laguntz-eskua.

Bitarteko izan zaitez

gaur, ta bigar, ta beti;

ez gu gabe zuk utzi,

eskatzeko lots-alkez.

ZUK eskatzen dezuna

Jaunagandik badezu.

San Luis zuk iguzu

zere laguntz-eskua.

Gloriaz, ta birtutez

beterik zu Zeruan;

beterik gu lurrean

nekez, lanez, nai-gabez.

Zure bide ber-bara

gogoz guk artu dugu:

San Luis zuk iguzu

zere laguntz-eskua.