Gabeziak
Oier Guillan

Bermingham, 2001

 

 

ZURE BETAZALEK ASMATU DUTEN PAISAIA HONETAN

zutik abiatu naiz hondamendian barrena

 

argazki baten bila

 

zure mingaina nire burmuinean

ezerezaren hitzaurre gisa

 

ez dut ezer amestu nahi

 

zure betazalek asmatu duten paisaia honetan

bizitzaren alargunak ozenki aitzira likitsetan

fereka lizunen odaiertz lehorrak

somatu ditut hilotzak berpizten

 

hilotzek ez gaituzte sekula barkatuko

 

zure betazalek asmatu duten paisaia honetan

errugabeen behako antzuak erraietan akiturik

oihuka zeharkatu dituzte zure arnasaren larre ezkutuak (...)

 

ez dut ezer amestu nahi

ez dut nire hondamenaren lekuko izan nahi

 

Gabeziak
Oier Guillan

Bermingham, 2001