DESIO EPEL HAIEK ERANTZI

argia amatatu kandelak laztu

behako desbideratuak eskegi

orainaren itzal mugikorretan

laztandu ahoa ezpainak

irudimena askatasuna

hasperenak tatuatu

zure azalaren orube desindustrializatuetan

sortu koloreak aitzina

urdina betiereko argazkiak finkatuz

behelainoa arnastu

hezetasunaren baga ezkutuetan

zugan

amiltzean

bizi dut

unez uneko

egia

Maitasuna betiko da iraun artean

besarkada bakoitzean bizi ditut

atzoko ahots garratzak

gaurko zutabe hautsiak

biharko orainak abian

maitasuna betiko da iraun artean

bizitza oso bat sortu baitugu

begiak elkarrekin kliskatzean

sekula biziko ez dugun

bizitza osoa