BEHAKOAK ZURI BELTZEAN GORDERIK

guardasolak bere baitan makurturik

zeharkatu ditugu hiri barneko zubiak

euriak giltzapean sartu ditu

nire arnasaren ariak

errekak eta harriak

nire boltsiko marmartietan

ez dago noraezean galduko den trenerako txartelik

espaloi buztien orbela isiletan

haizeak ez du ahotsik

iritsi naiz

helmugarik gabeko zeharbide honetara

oinarria ezagutzen dut

ez naiz gainontzeko zuhaitzekin

sustraiak estoldetan haziko