Pasaiuak

Ilhun alderat hirian,

Pasaiatuz agerian,

Gaindiz da jendia ikusten,

Ttipi handiak nahasten.

Edergailu munstratzeko,

Hara-hunat ibiltzeko,

Jendiak ilkhi nahi badu,

Takonerak gaitzik ez du.

Nahi denian norbeit jarri

Ez da nihon eskas harri;

Badire itzal ederrak

Eginak platan adarrak,

Erdian zabal baratziak

Arraiki zabalduz loriak,

Hala nola koloretan,

Denak gaindiz usainetan.

Hiri barnian da pasaiua,

Ederra bezin arrarua,

Jendez, nola liliekin,

Bethi bezti gusturekin.

Hortik lekhora kafetan

Jendia sartzen arratsetan,

Gizonak bezala andriak,

Kostuma idekiz athiak.

Bere bolada esnekin,

Limonada arnandekin,

Pausu handienian husten,

Pezeta erdi iristen;

Tripak ederki betheta,

Higual zaiote zer gasta;

Jendia bizi da beroki;

Gutitan naski hobeki.

Onhetsia alkhietan

Jartzia aphezak lerrotan,

Kate, pasaio, zezenak,

Guzientzat dire onak;

Hetan bakhotxa beretzat,

Jelosla nihorentzat:

Berak egiten duena

Nola bertzetan kondena?

Jeloskorra, har eskola

Ixil egon behar dela

Bertzek nola hik egitian

Bere bizitzeko moldian.

Bere ustez jakinsunak,

Badire ikusten jaunak

Trufatzen direnak jendez,

Beztiak hekien tintez.

Hek, kantatuz libertatia,

Hustian kafetako athia,

Bidian nihor ezin jasan,

Guziak ezartzen basan,

Iruñen ez halakorik,

Han nihork ez ahalkerik,

Egitian bertzek bezala,

Aphez edo lego dela.