Zuziak

Plaza nausia arratsian

Ezin agertu zen hutsian,

Estali zuten arbolaz,

Hekien gainak bolboraz,

Paperezko adarrekin,

Plegatuak uztaiekin,

Asur arrudak iduri,

Edo zenbait asmu berri.

Bi oren handiz bederen

Etzinduen ikusiren

Plaza guzian pixturik,

Bertze nihongo argirik,

Iduri plazer zuela,

Besta eder zitzaiola,

Zeruak berak izarrak

Utzirik pixtu beharrak.

Arrudak dire birungan,

Ginharrak denek burrunban,

Zuzirien ithurriak,

Izarrezko zurxuriak;

Argiz eginik dantelak,

Hedatuak bere belak,

Argi arte denetarik

Deseinuak agerturik.

Orga, gaztelu, arkada,

Iguzki, lanpa parada,

Zer nahi den figura zen

Kartuxatik atheratzen;

Gaten zirenak airetan,

Jauzten ziren urgulutan

Ehun arraioz gaindiak,

Kolore urdin-xuriak.

Plaza Castillo erdian

Gauza probetxos berian,

Ithurri bat ur onekin

Ikusten da plazerekin,

Hura ere paretetan,

Dena bezti kartuxetan,

Aphaindua zen gerlako,

Su luzeki egiteko.

Hiru gerlako fregatek,

Higituak mekanikek,

Jautsiz gain behera betan,

Gordiak zuzten arrudetan,

Hiru aldetarik belan

Eman zioten asko lan;

Hara hunat bazabiltzan,

Nola itsasoz balentzan.

Guzietarik deskarga

Betan egiten aldizka,

Biratzeko artexketan

Balak igorriz panpetan;

Bonbak ziren iguzkiak,

Balak izarren pesiak;

Fortiak amor eman zuen

Zuzirik noiz ez baitzuen.

Pulunpatzen ziren ganian,

Kolpez aurkhitzen egunian;

Zenbatenaz ilhunago,

Hanbat orduan argiago,

Oi, zer gau ederra hura;

Ez da halako ardura,

Ez eta ere beharrik,

Inguru denian beharrik.