Apunte eta Ahanzturak
Karlos Linazasoro

Kutxa, 1993

 

 

FIRENZE ILUNABARREAN

 

Firenzen, Hotel Argentina.

Han jakin genuen gure esistentziaz,

han eman gorputzei bere merezia.

Kuaderno hau erosi nuen merkadiloan

David —eta emaztearen— baimen

eta onespenez.

Denbora hil genuen gero, eta Arnon

arno isilez mozkortu.

Ferrari bat ere erosi nuen

—GTO, 1962—

nere liburuen artean gordetzeko.

Ez zen gaua guk nahi arau iritsi:

gurekin ez zen Pietaterik izango.

 

90-XII-20

 

Apunte eta Ahanzturak
Karlos Linazasoro

Kutxa, 1993