EVORA ITZULERAN

 

Han izan zen Evoran non bere laberintoen

lurrina korritu ondoren esan zenizkidan

oportoz almidoiztaturiko musu esdrujuloak

eta ikusmiratu genituen afalosteko mozkorrean

plazetako faroltxoak poema erotikoak zamalkatuz

eta esan zenidan hitzak solemnidadez esmerilatuz

isiltasunak panfletoak banatzen zituela kafetinetan

itzal urdin hura kontuan izan behar nuela oso

Camoens eta Pessoak gauero jokatzen zutela hotel hartan

ospe erratuaren fama eta desasoseguaren liburua

eta izan nezala jainko guztien izenean ezpain haien

atarian malkorik ez isurtzeko bezain beste errespeto

 

91-I-31