LITERATURAREN GAUZAK

 

Saber orar. Creer es ya otra cosa.

                            (Luis A. Piñer)

 

Blues bat jarri zuen gramofonoan

eta bere amodio guztiak errepasatu zituen.

Laxoa dardaraz askatu eta kartak leitu

zituen, Tunez, Bagdad, Cincinnatikoak.

Conrad eta Vernez hitz egiten zioten letrek,

fragataz eta belauntziz, hamabost urteko kapitain

ausart batez eta Groenlandiako basamortu txuriez.

 

Berari buruz ere hitz egiten zuten.

Somatzen zuen ordea inor ez zitzaiola

sekula batean itzuliko.

Dagoeneko itsaso baten izena jarria baitzioten.

 

91-I-8