LOTAN DAGOENARI

 

Zure arnasaren kadentziak

lurrina damaio inularrari.

Guztia da orain geldotasun biluzia.

Hotzak siluetak marrazten ditu

berunezko leihosare fermentatuetan.

Nere albotik pasatzen zara apenas

estatua baten gisara; zure golkoan

laszibiaren lurrina, izter txuri

esnetsuen parafernalia labaina.

Zetazko ezpainak belar horailak

mihizten, lobulo hezeak logelen

zakilak zorabiatzen.

Ez inoiz esnatu.

Gelditu egingo zenuke munduaren ardatza.

 

90-XII-22